Da 10:16 - Sơ̆p Hlabơar Nơ̆r 'Bok Kei-Dei

¹⁶ 'Nâu, đei minh 'nu hơbŏ sư thoi tơdăm kon bơngai năm pel 'bơ̆r inh. Na 'bơ̆r inh ha pơma hăm yang mă dơ̆ng 'bơ̆t anăp inh thoi âu: Ơ yŏng inh, tơdrong truh dơ̆ng kơ inh yua kơ tơdrong tơ'bôh âu, na inh ưh pă đei jơhngơ̆m boih.

Da 10:16 Iomraidhean Croise

Le 4:10

Môis tơl Kră Yang thoi âu: Ơ! Kră Yang bơnê kơkuh kơ Ih, đơ̆ng năr brei năr mơsơ̆, mă đơ̆ng krô Ih pơma bơtho đĭch đam Ih, inh ưh tam trŏ bơngai pơma gơh hơgei, yua kơ 'bơ̆r păng hơpiĕt inh pơma arăk ưh kơ hơđăl.

Le 4:13

Môis tơl khan: Ơ! Kơkuh kơ Ih Kră Yang Ih wă wơh bu năm, wơh bĕ.

Bôk Bơthô 1:18

Yua kơ tơdah đei tơdrong gơh hơgei lơ, tơdrong ơh sơ'ngon kư̆m lơ, bu hlôh băt roi lơ, bơngai noh gô chhŭr nuih rai lơ.

Êsai 6:7

Sêraphim kep ngar noh 'bơm tơ 'bơ̆r inh, na khan: “Lăng âu tơmam âu hơtŭt 'bơm hơkŭng ih bơih, tơdrong kơnê̆ ih tŭk lê̆ bơih, tơdrong yoch ih mơnat ăn bơih.”

Je 1:9

Kră Yang yơ̆r ti Sư pel 'bơ̆r inh, Kră Yang khan kơ inh: “Âu, Inh dan boih nơ̆r Inh lăm 'bơ̆r ih.”

Êsêkiên 1:26

Kơpal gơwang tơ rơwơ̆ng kơpal kơ̆l lu kon sem arih đei rup kiơ noh nhen thoi tang-dŏ pơtao pơm păng tơmo rang; kơpal tang-dŏ noh đei rup hơbŏ thoi bơngai.

Êsêkiên 3:27

Mă-lei mưh Inh khan kơ ih, Inh pơih 'bơ̆r ih păng Ih gô khan kơ lu sư, Kră Yang tih hloh khan thoi âu: Bu mơ̆ng athei mơ̆ng bĕ, bu sơngah kuă kơ mơ̆ng, lê̆ sư sơngah yua kơ lu sư adrĕch adrung ayăt plơ̆.

Êsêkiên 33:22

Ti Kră Yang dan kơpal inh gah kơsơ̆ adrol kơ bơngai năm roi noh truh; Sư ăn kơ inh gơh pơma dơ̆ng adrol kơ bơngai noh truh tơ inh kiơ̆ pơgê, 'bơ̆r inh gơh pơma pă kơmlo dơ̆ng.

Da 12:8

Inh, Đaniel, kơtơ̆ng dôm lu tơdrong noh, mă-lei inh ưh kơ hlôh. Păng inh khan thoi âu: Ơ! Kră Yang 'Bok Kei-Dei inh, tuch-luch kơ lu tơdrong 'nâu gô jing thoi yơ?

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Da 7:15

Gah inh Đaniel, jơhngơ̆m inh ơh sơ'ngon lăm akâu inh păng dôm tơdrong inh đei 'bôh pơm kơ inh hơwơ̆l hơwang.

Da 7:28

dĭng dâu nơ̆r roi tơdrong tơ'bôh âu đĭ, gah inh Đaniel, tơdrong inh tơchĕng hơwơ̆l hơwang dêh. Muh măt inh jing dreng hơ'blă, mă-lei inh răk lăm đon inh dôm tơdrong noh.

Da 8:15

Kơplah mă inh, Đaniel, lăng tơdrong tơ'bôh noh păng inh chơchă wă kơ băt nhen wă khan kiơ, 'nâu thoi đei minh 'nu drŏ-nglo dơ̆ng 'bơ̆t anăp inh.

Da 8:17

Sư năm jê̆ inh oei dơ̆ng, kơplah sư truh tơ inh, inh hli păng lăng krưp, na inh pơ̆k kơmŭ brum tơ teh. Bơngai noh khan thoi âu: Ơ kon bơngai, ih athei hlôh bĕ; yua kơ tơdrong tơ'bôh noh sư trŏ kơ năr tôch kơnh.

Da 8:18

Kơplah Sư oei pơma hăm inh, inh tep hơlơ̆m hloi oei kơmŭ brum; mă-lei Sư hơtŭt kơ inh pơm kơ inh hơđơ̆r na iung.

Da 8:27

Đơ̆ng noh, inh, Đaniel lap dêh na jĭ jăn lăm akâu jing bơlŏ lăm dôm năr hloi; đơ̆ng noh inh iung bơ̆jang kơ pơtao. Inh 'bôh thoi noh hlĭch tơpă gah tơdrong mă đei tơ'bôh kơ inh noh, mă-lei ưh kơ đei bu băt tơdrong noh wă khan kiơ.

Da 9:21

thoi ei inh oei pơma lăm tơdrong krao khan âu, Gabrel, bơngai mă inh đei 'bôh lăm tơdrong tơ'bôh kơ inh blŭng-a, đei wơh păr hrĕnh năm hơtŭt kơ inh 'bơ̆t jơ đe pơyơ̆r tơmam soi 'buh kơsơ̆.

Luka 1:64

Na 'bă sư Sachari gơh pơma hloi, na sư ư-ang 'Bok Kei-Dei.

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Yo 20:28

Klaih kơ noh Thôm khan: “Ơ Kră Yang inh, 'Bok Kei-Dei.”

Jôsuê 5:14

Sư tơl: Ưh, Inh Yŏng Linh Kră Yang. Jôsuê drap tơ teh kŭp kơ̆l kơkuh: Jet “Kră Yang athei đĭch đam Ih 'nâu pơm kiơ?”

Tơdrông Tơ'bôh 1:13

'Bơ̆t tŏk-bŏk jơ̆ng kơđeng noh inh 'bôh minh 'nu hơbŏ Sư thoi Kon Bơngai. Sư hrŭk ao tai păng chô̆ gơ'năm maih tơ kơtơh Sư.

Lu 13:8

Manôa sư krao khan apinh Kră Yang: Ơ Kră Yang, inh apinh Ih ăn bơngai bu mă Ih wơh 'noh ki, năm dơ̆ng tơ lu nhôn wă kơ bơtho lu nhôn dôm tơdrong wă pơm liơ kơ kon wă tơpŭ tơ anăp âu kơnh.

Lu 6:13

Giđêôn tơl: Ơ Yŏng tơ'ngla, tơdah Kră Yang oei hơdai lu nhôn, liơ lu nhôn mă đei tơdrong truh thoi âu? Lu tơdrong hlĭch chrơp mă 'bok lu nhôn đei roi khan kơ nhôn kơtơ̆ng tơ yơ? Lu sư khan: Hăm trŏ kơ Kră Yang chông ba lu bơ̆n lĕch đơ̆ng dêh Êyiptơ? Mă-lei dang ei Kră Yang achăng lê̆ lu nhôn, na pơjao lu nhôn lăm ti bơngai Miđian.

Lu 6:15

Giđêôn tơl: Mă-lei Ơ Kră Yang, liơ inh gơh dong pơklaih bơngai Isơrael? Adrĕch adrung nhôn iĕ đĕch lăm adrĕch Manase; na lăm adrĕch Inh âu boih bơngai iĕ hloh.