Da 10:11 - Sơ̆p Hlabơar Nơ̆r 'Bok Kei-Dei

¹¹ Đơ̆ng noh, bơngai noh khan kơ inh thoi âu: Ơ Đaniel, bơngai mă Kră Yang 'Bok Kei-Dei 'mêm kơeng tơpă, ih athei băt hlôh bĕ nơ̆r mă inh đei pơma hăm ih. Kơplah đei bơngai pơma kơ inh nơ̆r ei, inh iung păng hli tơtơ̆.

Da 10:11 Iomraidhean Croise

Jop 37:1

Kơtơ̆ng tơdrong 'nâu, plei nuih inh pơpơ̆ Plei nuih inh 'bôm tĕnh thoi wă tơgloh lĕch đơ̆ng lăm kơtơh.

Horiso 45:11

Na pơtao gô hưch wă kơ 'lơ̆ng guăng ih. Yua kơ sư jơ̆ yŏng kơdră ih, Chu yom bĕ kơ sư.

Hơri Hiôk 7:10

Inh jing tơmam kơ pơyô inh, Tôm tơdrong sư hơpơi wă lăm inh ngăl.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Êsêkiên 2:1

Kră Yang khan kơ inh: “Ơ kon bơngai, dơ̆ng bĕ 'bơ̆t jơ̆ng ih, Inh gô khan kơ ih.

Da 10:19

Sư khan kơ inh thoi âu: Ơ bơngai mă Kră Yang 'Bok Kei-Dei 'mêm, 'nĕ kơ hli; hơpơi kơ ih đei tơdrong pŭn hiôk oei hăm ih. Pran kơtang bĕ! Tơpă, pran kơtang bĕ! Kơplah sư oei pơma hăm inh, na inh đei jơhngơ̆m pran, na inh khan: Ơ yŏng tơ'ngla, pơma bĕ, yua kơ ih đei pơm boih kơ inh jing pran.

Da 10:3

Inh ưh kơ sa tơmam 'lơ̆ng păng sik hơmu 'nhĕm kư̆m ưh kơ đei tah lăm 'bơ̆r inh păng inh kư̆m ưh kơ pik đak pơgang 'bâu phu dĭng đĭ pêng 'măng giĕng.

Markôs 16:8

Thoi noh boih na lu sư lĕch kơdâu đơ̆ng bơsat. Lu sư hli tơrơ mah tơtey, yua kơ lu sư lăng hlĭch 'bôh tơdrong 'noh. Kơplah lu sư kơdâu lu sư ưh kơ roi kơ đe nai yua kơ lu sư hli dêh.

Yo 13:23

Minh 'nu bơngai pơhrăm păng Sư mă Sư 'mêm kơeng tơpă, sư oei jê̆ Yêsu.

Yo 21:20

Pêtrôs glĕch lăng na 'bôh hloi minh 'nu bơngai kiơ̆ bre sư, bơngai pơhrăm mă Yêsu 'mêm kơeng, bơngai mă sư oei jê̆ Yêsu, jet Yêsu ki, sư khan: “Ơ 'Bok, bu wă plơ̆ plĕch kơ Ih?” Sư jet noh 'bơ̆t kơplah sŏng sa ki.

Jang 26:16

Ih iung wăi. Inh năm tơ ih wă kơ ih jang tơdrong Inh. Ih athei roi kơ đe tơdrong ih 'bôh Inh năr âu boih. Ih gô 'bôh Inh dơ̆ng hăm kư̆m roi tơdrong ih 'bôh Inh hăm dôm tơdrong Inh tơbăt ăn kơ ih.

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”