Da 10:1 - Sơ̆p Hlabơar Nơ̆r 'Bok Kei-Dei

¹ Lăm sơnăm mă pêng lăm chăl Sirus pơm pơtao dêh char Pherơsơ; đei minh tơdrong tơ'bôh ăn kơ Đaniel đe krao sư Beltơsatsar. Tơdrong tơ'bôh noh sĭt tơpă wă khan tơdrong tơblah tih. Đaniel hlôh kơ tơdrong noh păng băt kơ tơdrong tơ'bôh noh wă khan kiơ.

Da 10:1 Iomraidhean Croise

Bl 41:32

'Bar wơ̆t pơtao apo, 'noh Kră Yang 'Bok Kei-Dei wă pơsĭt Sư gô pơm tơpă păng Sư kư̆m wă ăn jah truh ngei.

II Ho 36:22

Lăm sơnăm blŭng-a chăl Sirus pơm pơtao Persia, Kră Yang wă pơsĭt nơ̆r Sư mă Jêrêmi đei khan adrol boih, Kră Yang pơm ăn kơ jơhngơ̆m Sirus pơtao Persia, wă kơ sư roi tơbăt tơ jơ̆p-jang teh đak sư, hăm chih hla bơar roi tơbăt khan:

Esơra 3:7

Lu sư asong ăn jên kơ lu bơngai gơh blah tơmo man păng lu bơngai gơh jang 'long păng ăn lu tơmam sa, đak nhă păng đak rơmă ăn kơ kon pơlei Siđôn păng kon pơlei Tirơ wă wơh lu sư chă 'long hơngo đơ̆ng Liban dui trong đak dơsĭ truh tơ Jôpa, đơ̆ng chơ truh tơ pơlei Jêrusalem kiơ̆ kơ Sirus pơtao đe Phersia đei tơjur athei.

Esơra 4:3

Mă-lei Serubabel, Jêsua păng lu yŏng kơdră adrĕch adrung đe Isơrael, tơl khan: Iĕm ưh kơ gơh wang pơm hnam akŭm Kră Yang 'Bok Kei-Dei hăm lu nhôn ôh; mă-lei lăp hơdrô̆ lu nhôn đĕch, pơjing hnam akŭm Kră Yang Kră Yang 'Bok Kei-Dei lu bơngai Isơrael, nhen thoi Sirus, pơtao Phersi đei khan lê̆ boih kơ nhôn.

Esơra 4:5

păng đĭ chăl Sirus, pơtao Phersia, truh tơ chăl Đarius, pơgơ̆r pơm pơtao Phersia, pơgơ̆r, lu sư apah jên kơ lu bơngai hơlĕnh pơdăr wă blah lu bơngai Juđa, wă pơrăm lê̆ tơdrong jang lu sư pơjing.

Esơra 6:14

Thoi noh, lu đe kră pơgơ̆r kon pơlei Juđa pơtơm pơjing ming dơ̆ng hnam akŭm, tơdrong jang pŭn hiôk tơpă, 'blep trŏ thoi nơ̆r Hagai păng Sachari khan lê̆ adrol, kon drŏ-nglo Iđô. Thoi noh lu sư pơm keh hnam akŭm kiơ̆ kơ nơ̆r tơtă đơ̆ng Kră Yang 'Bok Kei-Dei lu đe Isơrael păng kư̆m kiơ̆ kơ nơ̆r tơjur đơ̆ng Sirus, Đarius păng Artaserses pơtao dêh char Phersia.

Esơra 6:3

Sơnăm blŭng-a chăl Sirus pơm pơtao, pơtao Sirus đei chih tơjur ăn hla bơar gah tơdrong pơm hnam akŭm Kră Yang 'Bok Kei-Dei tơ Pơlei Jêrusalem thoi âu: Pơm ming bĕ hnam akŭm Kră Yang 'Bok Kei-Dei, wă pơm anih pơyơ̆r dôm lu tơmam soi; lu hơnă sư athei pơm mă kơjăp, kơjung sư pêng-jĭt hlok tor sư pêng-jĭt hlok;

Êsai 44:28

Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Da 1:17

Đơ̆ng noh, Kră Yang 'Bok Kei-Dei ăn kơ puăn 'nu bơngai tơdăm noh đei kơ̆l 'ngok gơh hơgei lăm rim tơdrong lu sư hŏk pơhrăm. Đaniel kư̆m đei gơh băt tơblang tơdrong tơ'bôh păng tơdrong apo.

Da 1:21

Thoi ei, Đaniel oei hloi tơ noh dĭng truh tơ sơnăm blŭng-a lăm chăl pơtao Sirus.

Da 1:7

Bơngai yŏng pơgơ̆r linh krĕo krao ming anăn lu sư; Đaniel sư krao Beltơsatsar, Hanania sư krao Sadrak; Mêsael sư krao Mêsak; păng Asaria krao sư Abetnigo.

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Da 11:2

Dang ei inh gô ăn kơ ih băt kơ tơdrong sĭt. 'Nâu, oei pă pêng 'nu pơtao lăm dêh char Pherơsơ iung blah đei dơ̆ng pơtao mă puăn, đei lơ mŭk tơmam hloh kơ đĭ-đăng; păng kơplah mŭk tơmam pơm ăn kơ pơtao noh jing pran, na sư gô pơtrŭt lơ bơngai blah dêh char Grĕk.

Da 12:4

Bê̆ gah ih, ơ Đaniel ih athei chih răk lê̆ nơ̆r âu păng athei pơ̆ng pơklep lê̆ sơ̆p hla bơar âu dĭng truh tơ năr tôch. Đei lơ bơngai yak nơnăm to âu păng tơdrong hŏk hơgei gô rai tŏk rai lơ.

Da 12:9

Sư tơl thoi âu: Ơ Đaniel, năm bĕ; yua kơ dôm lu nơ̆r âu đei chih lê̆ boih păng đei chơ̆m pơsĭt kơ chăl tuch-luch ei.

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

Da 4:8

Đơ̆ng rŏng, đei Đaniel, đe anăn sư Beltơsatsar kiơ̆ kơ anăn yang inh, sư đei mơsêh đơ̆ng lu yang nai, thoi noh năm dơ̆ng 'bơ̆t anăp inh. Inh roi dôm tơdrong inh apo 'bôh noh thoi âu:

Da 5:12

Yua kơ Đaniel mă pơtao 'bă đei anăn Beltơsatsar tơ lăm sư đei Yang Bơhngol 'Lơ̆ng arih 'lơ̆ng tơpă, đei tơdrong gơh hơgei, băt hlôh wao, wă tơblang lu tơdrong apo, tơblang dôm tơdrong mă hlơp kon bơngai ưh kơ băt păng pơm ăn kơ tơdrong hiơ̆k hơwơ̆l hơwang hiong đĭ. Thoi ei na krao bĕ Đaniel, sư gô tơblang ăn.

Da 5:17

Thoi noh Đaniel tơl pơma 'bơ̆t anăp pơtao thoi âu: Pơtao ih kư̆ kơ bơwei tơmam noh păng gô apah lu đe nai tơmam noh! Mă khan, huay kơ apah inh kư̆m đŏk ăn lu chư noh kơ ih păng tơblang ăn kơ ih pơtao.

Da 6:28

Đaniel đei tơdrong pŭn hiôk đĭ chăl arih sư kơplah oei pơtao Đarius păng pơtao Sirus bơngai Pherơsơ pơm pơtao.

Da 8:16

Inh kơtơ̆ng nơ̆r đơ̆ng bơngai drŏ-nglo noh dơ̆ng tŏk-bŏk glung Ulai, krao păng khan: Gabrel, roi tơbăt kơ bơngai âu mă đêl tơ'bôh kơ sư noh.

Da 8:26

Tơdrong tơ'bôh kơ inh gah kơsơ̆ păng gah pơgê hrôih mă đei roi tơbăt boih noh sĭt tơpă. Mă-lei ih athei wei mă hlơp tơdrong tơ'bôh noh, yua kơ sư 'bơm trŏ kơ lơ năr đơ̆ng rŏng kơnh.

Luka 1:20

mă-lei ih khan ưh kơ lui kơ inh. Ning-mônh ih gô 'bôh tơpă. Yua kơ ih ưh kơ lui na ih jing ưh kơ gơh pơma đơ̆ng dang ei truh kơ năr ih 'bôh tơdrong inh roi ăn kơ ih hei.”

Tơdrông Tơ'bôh 19:9

Na linh jang khan kơ inh thoi âu: “Ih chih răk tơdrong âu hŏ: Lu bơngai mă 'Bok Kei-Dei krao sŏng sa hơpong kơ Kon Triu iŏk akăn, lu sư hiôk dêh.” Na sư khan dơ̆ng kơ inh thoi âu: “Tơdrong mă inh 'nao khan kơ ih âu hei, ưh kơ trŏ tơdrong inh kơdih ôh, tơdrong 'Bok Kei-Dei tơpă.”