Da 1:19 - Sơ̆p Hlabơar Nơ̆r 'Bok Kei-Dei

¹⁹ Pơtao pơma dơnuh păng lu sư păng lăm đĭ-đăng lu sư, đe bu gơh hơgei dang Đaniel, Hanania, Mêsael păng Asaria; Na lu sư gơh dơ̆ng bơ̆jang 'bơ̆t anăp pơtao.

Da 1:19 Iomraidhean Croise

Bl 41:46

Jôsep pơtơm jang hăm Pharaôn, pơtao Êyiptơ, kơplah noh sư đei pêng-jĭt sơnăm boih. Thoi noh, sư đơ̆ng hnam pơtao Pharaôn sư chă năm dăr tơ jơ̆p kơ dêh char Êyiptơ.

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Je 15:19

Thoi noh 'nâu Kră Yang khan: “Tơdah ih tơbral, Inh gô sơng iŏk ih, ăn kơ ih dơ̆ng 'bơ̆t anăp Inh; dah ih pơma nơ̆r sĭt ưh kơ chă pơma ngôi đĕch, ih gô jing thoi 'bơ̆r Inh pơma. Lê̆ lu kon pơlei pơla âu gô wih tơ ih, mă-lei ih 'nĕ wih tơ lu sư.

Da 1:18

Dĭng truh tơ pơtao pơkă wă tơ'bơ̆p lu sư, na yŏng linh krĕo ba lu sư truh tơ anăp pơtao Nebukatnessar.

Da 1:4

Năm ba lu hơ'lơ̆p drŏ-nglo 'lơ̆ng huay kơ đei jĭ jăn, muh măt 'lơ̆ng hơbŏ, đei dôm tơdrong gơh hơgei, gơh tơchĕng hlôh wao, gơh băt dôm tơdrong, gơh jang tơ lăm anih hnam pơtao, bơtho kơ lu sư tơdrong gơh hơgei păng nơ̆r pơma bơngai Kalđê.

Da 1:5

Pơtao khan wă ăn kơ lu bơngai noh sŏng sa rim năr tơmam sŏng sa 'băt 'lơ̆ng mă pơtao sa păng tơdrô mă đơ̆ng pơtao huch, wă rong păng bơtho lu sư thoi noh lăm pêng sơnăm, na lu sư gô awih awăn 'bơ̆t anăp pơtao.

Da 1:6

Lăm lu buăl noh đei Đaniel, Hanania, Mêsael păng Asaria adrĕch adrung bơngai Juđa.

Da 1:7

Bơngai yŏng pơgơ̆r linh krĕo krao ming anăn lu sư; Đaniel sư krao Beltơsatsar, Hanania sư krao Sadrak; Mêsael sư krao Mêsak; păng Asaria krao sư Abetnigo.

Da 2:13

Thoi noh na nơ̆r noh kư̆m athei lu bơngai jang kơ pơtao wă năm pơlôch lu bơngai hơgei, na kư̆m wă chă Đaniel hăm lu buăl sư hai wă pơlôch.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.