Both 9:7 - Sơ̆p Hlabơar Nơ̆r 'Bok Kei-Dei

⁷ Iĕm athei 'blŏk, 'nĕ kơ hiơt lu iĕm hlôi tơblĕk Kră Yang 'Bok Kei-Dei tơ lăm char glă, đơ̆ng năr iĕm lĕch hlôi kơ dêh Êyiptơ truh tơ năr 'nâu, iĕm ling-lang blah pơm plơ̆ kơ Kră Yang.

Both 9:7 Iomraidhean Croise

Le 14:10

Wă lăp 'bôh Pharaôn păng lu linh dêh Êyiptơ druh wă tam đơ̆ng rŏng lu sư, na lu kon pơlei Isơrael hli dêh krao ôr apinh Kră Yang.

Le 14:11

Lu sư khan kơ Môis: “Tơ dêh Êyiptơ ưh kơ đei anih 'bŭ bơngai ôh hă, na ih ngĕ kơ chông ba lu nhôn năm lôch tơ char glă? Ih wă pơm kiơ kơ nhôn, ăn kơ lu nhôn lĕch đơ̆ng dêh Êyiptơ?

Le 16:2

Lu bơngai Isơrael hil jŏk kơ Môis păng Arôn tơ tơmăn glă,

Le 17:2

Thoi noh kon pơlei tơhil hăm Môis khan: Ăn kơ lu nhôn đak nhă bĕ. Môis tơl khan: Liơ mă lu iĕm wă tơhil hăm inh? Liơ lu iĕm wă pơlong lăng Kră Yang lĕ?

Le 23:21

'Bơ̆t anăp sư, ih athei kơchăng păng mơ̆ng kiơ̆ nơ̆r sư 'nĕ kơ sơngah pơjah plơ̆; kơnh sư ưh kơ mơnat ăn tơdrong yoch ih, yua kơ anăn Inh oei lăm sư.

Êsai 48:8

Iĕm tam mă kơtơ̆ng, tam mă băt. Đơ̆ng sơ̆ đon iĕm tam mă pơih; yua kơ Inh băt kơ iĕm hơlĕnh ling-lang, đơ̆ng năr mĕ iĕm tơpŭ kơ iĕm krao iĕm bơngai blơ̆ blĕch.

Je 11:10

Lu sư wơ̆t kiơ̆ pơm tơdrong kơnê̆ thoi lu 'bok yă lu sư sơ̆, lu bơngai mă sơngah kuă kơ kiơ̆ nơ̆r Inh tơtă. Lu sư kiơ̆ păng kơkuh kơ yang nai. Adrĕch Isơrael păng adrĕch Juđa pơm glăi boih kơ nơ̆r Inh pơgơ̆p hăm 'bok yă lu sư sơ̆.

Je 32:30

Kon sâu bơngai Isơrael păng kon sâu Juđa, iŏk đơ̆ng oei 'lơ̆p, tă kơ pơm kơnê̆ ngăl 'bơ̆t anăp Inh. Kon sâu Isơrael iŏk dôm tơmam jang păng ti kơdih sư na tơblĕk Inh.” Kră Yang khan:

Je 44:9

Lu iĕm đĭ hiơt boih hă tơdrong yoch kơnê̆ lu 'bok yă iĕm, tơdrong kơnê̆ lu pơtao Juđa păng tơdrong kơnê̆ lu akăn lu sư, tơdrong yoch kơnê̆ lu iĕm păng akăn lu iĕm đei pơm lăm dêh Juđa păng tơ rok trong lăm pơlei Jêrusalem?

Êsêkiên 20:13

Mă-lei adrĕch Isơrael blah inh lăm char glă. Lu sư ưh kơ pơm kiơ̆ khôi juăt Inh, sơngah kơ nơ̆r inh tơtă, noh tơdrong mă bơngai bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh dơ̆ng. Inh khan wă tuh tơdrong Inh hil mĭl tơ lu sư lăm char glă.

Êsêkiên 20:43

Tơ noh lu iĕm gô 'blŏk trong iĕm đêl yak bơih păng dôm tơdrong iĕm pơm pơ'mê̆ kơdih akâu; lu iĕm gô lăng krưp kơdih akâu, yua kơ dôm tơdrong kơnê̆ iĕm đei pơm.

Êsêkiên 20:8

Mă-lei lu sư oei blah Inh, ưh kơ wă mơ̆ng Inh, ưh kơ hŭt lê̆ rup yang kơnê̆ krưp mă măt lu sư 'maih lăng; kư̆m ưh kơ hŭt lê̆ lu rup yang Êyiptơ. Yua kơ thoi noh Inh khan Inh gô tuh tơdrong Inh hil tơ lu sư, wă kơ hrăp tơdrong Inh blĕk kơ lu sư tơ lăm char Êyiptơ.

Êsêkiên 36:31

Mă-lei lu iĕm gô 'blŏk kơ tơdrong kơnê̆ iĕm păng tơdrong iĕm pơm ưh kơ 'lơ̆ng. Tơpă lu iĕm gô lăng areh krưp kơdih akâu yua kơ tơdrong yoch păng tơdrong kơnê̆ krưp lu iĕm pơm.

Jo 11:4

Đei lu bơngai tơmoi oei hơdai hăm kon pơlei Isơrael đei jơhngơ̆m rơhing 'maih wă sa dêh; na pơm kơ kon pơlei Isơrael nhơ̆m apinh hơpơi khan: Rŏ kơ đei 'nhĕm sa dêh?

Jo 14:22

lu iĕm 'bôh boih dôm tơdrong ư-ang, tơdrong hlĭch chrơp Inh đei pơm boih lăm char Êyiptơ păng lăm char glă, lu iĕm đei pơlong lăng Inh mơjĭt wơ̆t păng kuă pă mơ̆ng nơ̆r Inh,

Jo 17:10

Kră Yang khan kơ Môis: Iŏk bĕ 'long jra Arôn na dan 'bơ̆t Hom Roi Tơbăt, wă răk tơ'blŏk pơm tơdra tơ'bôh kơ kon sâu wă iung blah, “ih athei khă chĭt lê̆ nơ̆r lu sư jŏk iung blah pơjah hăm Inh, kơnh hli kơ lu sư lôch.”

Jo 21:5

Lei na, lu kon pơlei pơma hil plơ̆ kơ Kră Yang 'Bok Kei-Dei păng Môis khan: Liơ ih chông tơlĕch nhôn đơ̆ng dêh Êyiptơ wă pơlôch nhôn lăm char glă hă? Yua kơ tơ âu por sŏng 'bĕng sa sap ưh kơ đei, đak kư̆m ưh kơ đei păng lu nhôn đĭ bơ̆l boih kơ sa tơmam sa tơdrong kơ đei lâu.

Jo 25:2

Lu kon drŏ-kăn 'nâu pơtơm kon pơlei Isơrael et sa pơm yang hơdai lu sư; kon pơlei Isơrael et sa păng drap kơkuh kơ yang lu sư.

I Kor 15:9

yua kơ inh bơngai jơ̆ng 'bang iĕ hloh kơ lu jơ̆ng 'bang nai. Inh ưh kơ hơnhŏ đe krao inh jơ̆ng 'bang Sư ôh, yua kơ inh đei pơrăm lu bơngai lui kơ 'Bok Kei-Dei.

Êphêsô 2:11

Lu iĕm adrĕch adrung bơngai nai păng ưh kơ băt kiơ̆ tơdrong 'Bok Kei-Dei; na lu bơngai Juđê nhôn pơjăm iĕm khan bơngai ưh kơ băt kăt tơdra akar, mă-lei tơdrong lu nhôn kăt tơdra akar noh kư̆m ưh kơ yua kiơ ôh, yua kơ ti pơm tơ 'ngoaih đĕch.

Both 31:27

Yua kơ Inh băt kơ jơhngơ̆m iĕm arăng dêh kơplah inh oei arih oei hơdai hăm lu iĕm hlôi blah plơ̆ boih hăm Kră Yang thoi noh, pơma kiơ đơ̆ng rŏng kơ inh lôch kơnh, lu iĕm wă blah plơ̆ dang yơ dơ̆ng!

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

Both 9:24

Đơ̆ng năr inh băt kơ lu iĕm truh dang ei inh 'bôh lu iĕm ling-lang pơma blah Kră Yang.

Both 9:4

Kơplah Kră Yang 'Bok Kei-Dei, blah puh lê̆ lu sư 'bơ̆t anăp iĕm, iĕm 'nĕ kơ tơchĕng khan: Noh yua kơ đơ̆ng tơdrong 'lơ̆ng tơpăt bơ̆n na mă Kră Yang chông bơ̆n mơ̆t iŏk dêh noh mă tơpă yua kơ đơ̆ng tơdrong yoch kơnê̆ adrĕch âu, na Kră Yang blah puh lu sư đơ̆ng anăp iĕm.