Both 9:6 - Sơ̆p Hlabơar Nơ̆r 'Bok Kei-Dei

⁶ Thoi noh, iĕm athei băt; ưh kơ sĭ yua kơ đơ̆ng tơdrong 'lơ̆ng tơpăt iĕm, mă Kră Yang 'Bok Kei-Dei ăn kơ iĕm gơh iŏk teh đak 'lơ̆ng 'nâu; lu iĕm jơ̆ minh adrĕch arăng kơ̆l.

Both 9:6 Iomraidhean Croise

II Ho 30:8

'Nĕ pă arăng kơ̆l thoi lu 'bok iĕm; chu bĕ Kră Yang, năm tơ anih rơgoh Sư mă 'măn lê̆ pha rơgoh ling-lang. Kơkuh ư-ang bĕ kơ Kră Yang 'Bok Kei-Dei lu iĕm, wă kơ Sư huay pă hil mĭl,

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Le 32:9

Kră Yang khan kơ Môis: Inh 'bôh boih kon pơlei pơla âu jing kon pơlei pơla arăng kơ̆l tơpă.

Le 33:3

năm bĕ iĕm tơ char đei đak toh, hăm đak sut; mă-lei Inh ưh kơ đei năm hơdai ih ôh, yua kơ iĕm adrĕch arăng kơ̆l kơnh hli kơ Inh pơrăm lê̆ lu iĕm rok trong.

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Êsêkiên 2:4

noh adrĕch adrung kơchu păng arăng kơ̆l, Inh wơh ih năm tơ lu sư, khan kơ lu sư: ‘Kră Yang Tih Hloh khan thoi âu:’

Êsêkiên 20:44

Lu iĕm gô băt Inh boih Kră Yang, kơplah Inh yua anăn Inh sơng iŏk lu iĕm, ưh kơ sĭ yua kơ tơdrong kơnê̆ dah trong răm-'băm lu iĕm pơm ôh, ơ adrĕch Isơrael, Kră Yang khan thoi noh.

Êsêkiên 36:22

Thoi noh khan bĕ kơ adrĕch Isơrael: “Kră Yang khan thoi âu: Ơ adrĕch Isơrael, noh ưh kơ sĭ yua kơ lu iĕm mă Inh wă pơm noh, mă-lei yua kơ anăn 'lơ̆ng rơgoh Inh mă lu iĕm hlôi pơm pơ'mê̆ bơih tơ lăm lu dêh char mă lu iĕm năm truh.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Both 10:16

Na lu iĕm, athei băt hli yom kơ Kră Yanga 'nĕ pă arăng kơ̆l dơ̆ng.

Both 3:18

Kơplah noh, inh tơtă kơ lu iĕm, khan, Kră Yang 'Bok Kei-Dei lu iĕm jao boih dêh âu kơ lu iĕm iŏk bơ̆jang sa; đĭ-đăng lu bơngai nuih kơtang lu iĕm athei chĕp đao hơlă yak năm adrol kơ lu 'nhŏng oh bơ̆n, kon pơlei Isơrael.

Both 31:27

Yua kơ Inh băt kơ jơhngơ̆m iĕm arăng dêh kơplah inh oei arih oei hơdai hăm lu iĕm hlôi blah plơ̆ boih hăm Kră Yang thoi noh, pơma kiơ đơ̆ng rŏng kơ inh lôch kơnh, lu iĕm wă blah plơ̆ dang yơ dơ̆ng!

Both 9:13

Kră Yang khan kơ inh: Inh 'bôh boih kon pơlei 'nâu, jơ̆ minh adrĕch arăng kơ̆l.

Both 9:24

Đơ̆ng năr inh băt kơ lu iĕm truh dang ei inh 'bôh lu iĕm ling-lang pơma blah Kră Yang.