Both 9:27 - Sơ̆p Hlabơar Nơ̆r 'Bok Kei-Dei

²⁷ Apinh Ih 'blŏk kơ lu đĭch đam Ih, Abraham, Isăk păng Jakôp; păng 'nĕ pă jô̆ dôm tơdrong kơ chu arăng kơ̆l, tơdrong yoch kơnê̆ lu kon pơlei 'nâu.

Both 9:27 Iomraidhean Croise

Bl 19:29

Na, kơplah Kră Yang 'Bok Kei-Dei pơrăm lu pơlei lăm thŭng, wă khan pơlei mă Lot oei, na Sư oei 'blŏk hloi kơ Abraham păng sư pơklaih hloi Lot đơ̆ng anih mă pơrăm tih noh.

Horiso 130:3

Ơ Kră Yang, tơdah Ih oei 'blŏk tơdrong kơnê̆ lu nhôn, Lei ơ Kră Yang! Bu gơh oei arih?a

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Le 13:5

Mưh layơ Kră Yang ba lu iĕm tơ dêh kon pơlei Kanaan, kon pơlei Hêtit, kon pơlei Amôrit, kon pơlei Hêwit păng kon pơlei Jêbus boih, dêh teh mơ̆r 'lơ̆ng thoi đak sut đak toh păng dêh Kră Yang mă pơkă hăm lu 'bok iĕm, na truh lăm khei 'nâu ih athei wei răk tơdrong giĕng 'nâu.

Le 3:16

Ih năm akŭm pơpôi bĕ lu kră bơngai Isơrael, khan kơ lu sư: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, tơ'bôh boih kơ inh păng khan: Tơpă Inh năm tơmang lu iĕm, 'bôh dôm tơdrong lu sư pơm kơ lu iĕm lăm dêh Êyiptơ;

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Tơdrông Pơđơk 21:12

Yŏng 'lơ̆ng tơpăt băt lăng hơlen hnam bơngai pơm kơnê̆; Yŏng noh hơloh tơlơ̆ lê̆ lu bơngai kơnê̆ lăm tơdrong pơmat.

Je 14:21

'Nĕ kơ achăng lê̆ lu nhôn; yua kơ anăn Ih, 'nĕ pơm kơ anih pơtao ư-ang Ih đe pơjăm, Apinh Ih 'blŏk bĕ nơ̆r Ih đei pơgơ̆p hăm lu nhôn păng 'nĕ kơ tŭk.

Je 50:20

Kră Yang khan: “Lăm năr noh, kơplah noh. Đe chă tơdrong glăi lăm lu bơngai Isơrael ưh kơ 'bôh ôh. Đe chă tơdrong yoch lăm lu bơngai Juđa kư̆m ưh kơ đei. Yua kơ Inh mơnat ăn huay pă jô̆ boih kơ lu bơngai, mă Inh oei 'măn lê̆ arih.”

Lêwi 26:42

Lei Inh gô 'blŏk kơ tơdrong Inh pơgơ̆p hăm Jakôp, 'blŏk kơ tơdrong pơgơ̆p hăm Isăk đơ̆ng noh 'blŏk kơ tơdrong Inh pơgơ̆p hăm Abraham păng Inh gô 'blŏk hơdơ̆r kơ dêh char.

Lêwi 26:45

Mă-lei yua kơ đơ̆ng lu sư na Inh 'blŏk kơ tơdrong Inh pơgơ̆p hăm yă 'bok lu sư, lu bơngai mă Inh đei chông anhăk lu sư lĕch đơ̆ng char Êyiptơ, 'bơ̆t anăp măt adrĕch adrung kon bơngai, wă pơm Kră Yang 'Bok Kei-Dei lu sư, Inh boih Kră Yang.

Both 9:26

Inh krao khan apinh thoi âu: Ơ Kră Yang mơsêh mơyang, apinh Ih 'nĕ kơ pơlôch kon pơlei Ih, noh jơ̆ tơmam Ih, đei dŏng pơklaih lu sư chông ba lu sư lĕch hlôi boih đơ̆ng dêh Êyiptơ hăm tơpang ti mơsêh pran kơtang Ih.

Both 9:28

Tơdah ưh lei kon pơlei dêh Êyiptơ gô khan; Kră Yang ưh kơ chông ba lu kon pơlei noh wă mơ̆t tơ dêh Sư pơkă, yua kơ Sư areh kơ lu sư, na chông wă pơlôch lu sư tơ lăm char glă.

I Sam 25:25

Apinh ih 'nĕ kơ jơ̆ yo kơ Nabal bơngai khĕnh to 'noh; yua kơ jơhngơ̆m klơm klak sư trŏ kơ anăn sư, anăn sư Nabal yua kơ lăm sư đei ưh kơwao, kơchu; gah inh, inh ưh kơ 'bôh lu bơngai mă ih wơh.