Both 9:18 - Sơ̆p Hlabơar Nơ̆r 'Bok Kei-Dei

¹⁸ Yua kơ lu iĕm pơm kơnê̆, pơm tơdrong yoch tih 'bơ̆t anăp Kră Yang che bơle tơblĕk Sư, na inh drap kơkuh 'bơ̆t anăp Kră Yang lăm puăn-jĭt năr păng puăn-jĭt măng thoi adrol ki, ưh kơ đei sŏng sa păng ưh kơ đei nhă.

Both 9:18 Iomraidhean Croise

II Sam 12:16

Đawit krao khan apinh Kră Yang 'Bok Kei-Dei pơklaih nge noh, păng sư ơ̆t kơ sŏng sa; sư mơ̆t tơ lăm anih 'bĭch tơ teh prăt măng.

I Pot 19:8

Na sư iung sa păng nhă, sư đei jơhngơ̆m pran hloi đơ̆ng tơmam sa 'noh, đơ̆ng noh sư năm puăn-jĭt năr puăn-jĭt măng dĭng truh tơ Hôrêp kông Kră Yang 'Bok Kei-Dei.

Esơra 10:6

Đơ̆ng noh Esơra iung weh đơ̆ng anih 'bơ̆t anăp lăm hnam Kră Yang 'Bok Kei-Dei, na mơ̆t lăm anih Jêhôhanan, kon drŏ-nglo Êliasip; sư mơ̆t 'bĭch kơmăng tơ noh ưh kơ đei sŏng sa păng nhă đak ôh, yua kơ sư ơh sơ'ngon, yua kơ tơdrong yoch đe kon pơlei mă đe đei rôp pơm bơnă mă đei wih brŏk.

Horiso 106:23

Thoi noh; Sư khan: Sư wă pơlôch pơđĭ lu sư. Dah ưh kơ Môis, bơngai Sư rơih, dơ̆ng 'bơ̆t anăp Kră Yang 'Bok Kei-Dei.a Wă apinh Kră Yang 'Bok Kei-Dei lê̆ pă hil, huay kơ pơlôch đĭ lu sư.

Le 34:28

Môis sư oei hơdai hăm Kră Yang tơ kông noh puăn-jĭt năr puăn-jĭt măng, sư ưh kơ đei sŏng sa kư̆m ưh kơ đei nhă đak, đơ̆ng noh Kră Yang chih tơ 'bar hlak gơ'bang tơmo dôm lu nơ̆r pơgơ̆p, wă khan mơjĭt khôi juăt.

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Both 10:10

Inh oei tơ kơpal kông lăm puăn-jĭt năr păng puăn-jĭt măng kư̆m thoi adrol ki, na Kră Yang mơ̆ng nơ̆r inh; lăp đon ưh pă wă pơlôch iĕm,

Both 9:17

Inh chĕp 'bar hlak tơmo lat noh, klơ̆m lê̆ 'bar hlak tơmo lat noh pơchah hĕch 'bơ̆t anăp lu iĕm.

Both 9:25

Thoi noh Kră Yang khan Sư wă pơlôch đĭ lu iĕm. Na inh đei drap bon kơkuh 'bơ̆t anăp Kră Yang lăm puăn-jĭt năr păng puăn-jĭt măng boih.

Both 9:9

Kơplah inh năm tŏk tơ kông iŏk 'bar hlak tơmo lat, 'bar hlak tơmo tơdrong pơgơ̆p mă Kră Yang hlôi pơgơ̆p hăm lu iĕm, inh oei tơ kơpal kông puăn-jĭt năr păng puăn-jĭt măng; ưh kơ sŏng sa kư̆m ưh kơ nhă đak;