Both 9:12 - Sơ̆p Hlabơar Nơ̆r 'Bok Kei-Dei

¹² Kră Yang khan kơ inh; iung bĕ iĕm, jur mă tĕnh tĕnh, yua kơ lu kon pơlei mă ih chông ba lu sư lĕch đơ̆ng dêh Êyiptơ pơm yoch răm boih; 'nao lăp 'biơ̆ đĕch weh achăng lê̆ trong đơ̆ng Inh bơtho tơtă kơ lu sư; lu sư tuh hling minh pôm rup yang!

Both 9:12 Iomraidhean Croise

Horiso 78:57

Lu sư plơ̆ pơm kơnê̆ thoi 'bok yă lu sư sơ̆. Lu sư weh thoi 'brơ̆m hră đŏng.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 32:1

Lu kon pơlei lăng Môis hiơ̆ kơ jur đơ̆ng kông, lu sư akŭm hloi tăp dăr kơ Arôn păng khan kơ sư: Pơm bĕ kơ bơ̆n lu rup yang năm adrol kơ bơ̆n; yua kơ Môis tơ'ngla mă tơlĕch bơ̆n đơ̆ng char Êyiptơ noh bơ̆n ưh kơ băt ôh tơdrong kiơ truh kơ sư bơih.

Hôsia 6:4

Inh wă pơm liơ kơ lu iĕm, ơ bơngai Êphraim? Inh wă pơm liơ kơ lu iĕm, ơ bơngai Juđa? Iĕm 'mêm thoi tŭk pơgê hrôih, thoi đak ngom 'bônh kơ hrĕng.

Galati 1:6

Inh sơleng kơ đon yua kơ kiơ iĕm lui kơ nơ̆r đe pơlung wă achăng lê̆ nơ̆r 'Bok Kei-Dei 'bônh đĕch. 'Bok Kei-Dei krao bơ̆n wă kơ bơ̆n jing kon Sư, yua kơ Yêsu Krist lôch tang bơ̆n. Mă-lei dang ei iĕm wă kiơ̆ tơdrong 'nao 'lơ̆ng nai dơ̆ng.

Both 31:29

Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

Both 32:5

Mă-lei iĕm oei hư răm. Ưh pă rŏ trŏ jing kon drŏ-nglo Kră Yang dơ̆ng.

Both 4:16

Kơchăng bĕ kơnh hli kơ lu iĕm pơrăm akâu kơdih, na chă pơm kơdih lu rup yang, pơm hơbŏ thoi rup bơngai drŏ-nglo dah bơngai drŏ-kăn,

Both 5:15

Iĕm athei 'blŏk thoi lu iĕm hlôi pơm đĭch boih tơ dêh Êyiptơ, na Kră Yang 'Bok Kei-Dei iĕm yua ti mơsêh mơyang pran kơtang chông ba iĕm lĕch hlôi đơ̆ng noh; yua kơ thoi noh na Kră Yang 'Bok Kei-Dei iĕm đei tơtă boih kơ iĕm, wă kơ iĕm 'blŏk kơ năr pơdơh.

Both 9:16

Inh lăng 'bôh lu iĕm pơm yoch blah Kră Yang 'Bok Kei-Dei lu iĕm, 'nao lăp 'biơ̆ đĕch lu iĕm weh achăng lê̆ trong Kră Yang bơtho pơkă, tuh man pơm kơdih iĕm minh pôm rup kon rơmo.

Both 9:26

Inh krao khan apinh thoi âu: Ơ Kră Yang mơsêh mơyang, apinh Ih 'nĕ kơ pơlôch kon pơlei Ih, noh jơ̆ tơmam Ih, đei dŏng pơklaih lu sư chông ba lu sư lĕch hlôi boih đơ̆ng dêh Êyiptơ hăm tơpang ti mơsêh pran kơtang Ih.

Both 9:29

Kon pơlei pơla âu jơ̆ kon pơlei Ih păng tơmam Ih, lu bơngai mă Ih hlôi yua tơdrong mơsêh pran kơtang tih chông tơlĕch lu sư đơ̆ng dêh Êyiptơ.

Ju 1:10

Na lu bơngai mă wă pơhlŭ iĕm noh, dôm tơdrong lu sư jơ̆l ưh kơ hlôh na lu sư pơma kơnê̆ thoi noh. Lu sư hưch hanh pơm kư̆ kă thoi sem brem ưh kơ băt mơlâu; tơdrong noh sư hlôh, tơdrong noh lu sư hăt dêh. Kơlih kơ lu sư pơm thoi noh, ning-mônh lu sư wă răm.

Lu 2:17

Mă-lei lu sư kư̆m ưh kơ wă mơ̆ng lu 'bok sek tơlang lu sư kiơ̆ kơkuh kơ yang nai. Lu sư ưh kơ rok kiơ̆ trong mă đêl yă 'bok lu sư yak, ưh kơ rok kiơ̆ păng ưh kơ wei răk tơdrong juăt Kră Yang.