Both 8:19 - Sơ̆p Hlabơar Nơ̆r 'Bok Kei-Dei

¹⁹ Tơdah iĕm hiơt kơ Kră Yang 'Bok Kei-Dei iĕm, na kiơ̆ lu yang nai, bơ̆jang păng drap kơkuh kơ lu yang ei, inh khan tơpă năr âu. Lu iĕm gô lôch hiong đĭ!

Both 8:19 Iomraidhean Croise

Je 25:6

'Nĕ kơ kiơ̆ kơkuh păng jang kơ lu yang nai, 'nĕ iŏk tơmam iĕm chă pơm păng ti na tơblĕk Inh dơ̆ng, lei Inh huay kơ ăn tơdrong răm truh kơ iĕm.’

Je 7:6

Tơdah iĕm huay kơ pơjuă pơđep lu bơngai tơmoi, lu bơngai mơti, lu drŏ-kăn adro păng huay kơ pơlôch tuh pham lăm anih âu păng kư̆m huay kơ kiơ̆ kơkuh kơ yang nai wă pơrăm kơ iĕm kơdih,

Da 9:2

lăm sơnăm blŭng-a sư pơgơ̆r dêh char sư, inh, Đaniel, dơ̆ng lăm sơ̆p hla bơar băt kơ dôm sơnăm mă nơ̆r Kră Yang đei khan kơ Jêrêmi bơngai yŏng khan lê̆ adrol, wă kơ 'blep trŏ kơ pơlei Jêrusalem gô juơ lăm tơpơh-jĭt sơnăm.

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Jêphania 3:6

“Inh đei pơlôch boih lu adrĕch adrung, hnam thôt 'bơ̆t mum pơlei tih lu sư jing juơ tơtŭng. Inh pơm ăn kơchơ lu sư jing juơ rơhiăng, dĭng mah pă đei bu yak năm trong 'nei, pơlei sư pơrăm pơlôch đĭ, ưh pă đei minh 'nu bu păng kư̆m pă đei oei tơ noh.

Malachi 4:4

“Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Luka 13:3

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.

Luka 13:5

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.”

Both 11:16

Athei kơchăng wă kơ lu iĕm huay lui kơ đe pơhlŭ pơlung, achăng lê̆ Kră Yang, na drap kơkuh kơ yang nai.

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Both 4:26

Năr âu inh krao plĕnh păng teh pơm kơdranh kơ lu iĕm thoi âu dah lu iĕm ưh kơ chu pơm kiơ̆ Kră Yang, lu iĕm gô lôch hiong 'bônh đĕch đơ̆ng dêh iĕm wă năm iŏk tơ pah to đak Krong Jôrđăn. Lu iĕm ưh kơ oei tơ noh đunh ôh, mă-lei gô lôch đĭ.

Jôsuê 23:13

lei iĕm athei băt Kră Yang 'Bok Kei-Dei lu iĕm ưh pă puh tơweh lu adrĕch adrung âu đơ̆ng anăp lu iĕm dơ̆ng, Lei lu sư gô thoi hơnhuăl păng hơđong hơ'năk kơ lu iĕm, pơm tơnguĕt teh kơdŭ rŏng, pơm thoi hrŏng jơla trŏ măt, dĭng truh tơ lu iĕm lôch răm đĭ-đăng đơ̆ng char 'lơ̆ng rŏ mă Kră Yang 'Bok Kei-Dei hlôi ăn kơ lu iĕm.

I Sam 12:25

Mă-lei tơdah lu iĕm hrăn oei pơm kơnê̆ ling-lang, lei lu iĕm păng pơtao lu iĕm tơpă gô hiong răm.