Both 7:8 - Sơ̆p Hlabơar Nơ̆r 'Bok Kei-Dei

⁸ Mă-lei yua kơ Kră Yang 'mêm kơ lu iĕm păng wei nơ̆r pơkă hăm lu 'bok iĕm sơ̆, Kră Yang yua tơpang ti pran kơtang Sư dui lu iĕm lĕch hlôi đơ̆ng pơm đĭch păng dŏng pơklaih đơ̆ng tơpang ti Pharaôn, pơtao dêh Êyiptơ.

Both 7:8 Iomraidhean Croise

Bl 19:16

Mă-lei Lot pơngĭ. Yua kơ Kră Yang mơnat kơ Lot, na 'bar 'nu linh jang 'lơ̆ng rôp ti sư păng lu kon drŏ-kăn sư dui tơlĕch đơ̆ng pơlei ei.

Bl 19:29

Na, kơplah Kră Yang 'Bok Kei-Dei pơrăm lu pơlei lăm thŭng, wă khan pơlei mă Lot oei, na Sư oei 'blŏk hloi kơ Abraham păng sư pơklaih hloi Lot đơ̆ng anih mă pơrăm tih noh.

II Sam 22:20

Kră Yang dui anhăk inh lĕch tơ anih rơhơi, Sư dŏng pơklaih inh yua kơ Sư 'mêm kơ inh.

I Pot 10:9

Kơkuh bơnê kơ Kră Yang 'Bok Kei-Dei ih, yua kơ Sư lăp đon kơ ih ăn kơ ih hơ-oei kơpal tang-dŏ pơtao lu bơngai Isơrael! Yua kơ Kră Yang 'mêm kơ Isơrael ling-lang, thoi noh na Sư ăn kơ ih pơm pơtao wei-lăng wă kơ ih pơm tơdrong trŏ păng 'lơ̆ng tơpăt.

I Ho 16:16

Tơdrong Sư pơgơ̆p hăm Abraham, tơdrong sư pơkăm bơih hăm Isăk.

II Ho 9:8

Trŏ bơnê ư-ang tơpă kơ Kră Yang 'Bok Kei-Dei ih, Sư lăp đon kơ ih, ăn kơ ih pơm pơtao hơ-oei 'bơ̆t tang-dŏ pơtao Sư wă pơm pơtao ăn kơ Kră Yang 'Bok Kei-Dei ih! Yua kơ Kră Yang 'Bok Kei-Dei ih 'mêm kơ bơngai Isơrael, wă pơm ăn kơ lu sư kơjăp ling-lang, lei na ăn kơ ih pơm pơtao lu sư wă pơm tơdrong 'lơ̆ng păng tơdrong tơpăt.

Horiso 105:42

Yua kơ Sư 'blŏk kơ nơ̆r pơgơ̆p rơgoh Sư mă đei pơkă hăm Abraham đĭch đam Sư.

Horiso 44:3

Ưh kơ trŏ đơ̆ng yua khêl đao sư mă đei dêh char, kư̆m ưh kơ đei đơ̆ng tơpang ti kơdih mă đei jơnei.a Mă-lei đơ̆ng ti 'ma Ih, kơkŏng Ih păng tơdrong hơdah đơ̆ng muh măt Ih. Yua kơ Ih 'mêm kơ lu sư.

Horiso 44:4

Ih boih Kră Yang pơtao inh. Tơ'ngla ăn tơdrong dŏng pơklaih Jakôp.b

Le 13:14

Na tơdah dơning dơmônh kon drŏ-nglo iĕm apinh iĕm: Tơdrong noh wă khan kiơ? Lei ih athei roi kơ sư: 'Noh yua kơ Kră Yang yua ti mơsêh pơklaih lu nhôn lĕch đơ̆ng dêh Êyiptơ, dêh mă nhôn pơm đĭch;

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Êsai 43:4

Yua kơ iĕm bơih gĭt dêh 'bơ̆t anăp Inh; trŏ kơ Inh 'mêm kơeng, na Inh ăn đei bơngai wă tơplih iŏk iĕm păng ăn đĭ-đăng kon pơlei tơplih kơ tơdrong arih iĕm.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Je 31:3

Sơ̆ Kră Yang tơ'bôh boih kơ bơ̆n khan: “Inh 'mêm mơnat kơ iĕm hăm tơdrong 'mêm ling-lang hlŏng hloi, Thoi noh na Inh oei wei kơjăp 'mêm kơ iĕm.

Êsêkiên 36:22

Thoi noh khan bĕ kơ adrĕch Isơrael: “Kră Yang khan thoi âu: Ơ adrĕch Isơrael, noh ưh kơ sĭ yua kơ lu iĕm mă Inh wă pơm noh, mă-lei yua kơ anăn 'lơ̆ng rơgoh Inh mă lu iĕm hlôi pơm pơ'mê̆ bơih tơ lăm lu dêh char mă lu iĕm năm truh.

Mi 6:4

Inh đei chông anhăk ih lĕch hlôi đơ̆ng teh đak Êyiptơ, huai iŏk ih đơ̆ng pơm đĭch đam păng kư̆m đei wơh Môis Arôn, Miriam yak adrol chông lu iĕm.

Mi 7:20

Ih gô pơm 'long tơpăt tơ'bôh kơ Jakôp păng 'mêm mơnat kơ Abraham, noh boih mă tơdrong Ih đei pơkăm pơkă hăm lu 'bok yă lu nhôn đơ̆ng năr sơ̆ ki sơ̆ kach.

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Malachi 1:2

Kră Yang đei khan: “Inh 'mêm kơ lu iĕm;” păng lu iĕm đei khan: “Ih 'mêm kơ lu nhôn thoi yơ?” Kră Yang khan: “Êsâu hăm trŏ kơ 'nhŏng Jakôp dah ưh?

Mathiơ 11:26

Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

Luka 1:55

Sư pơkă kơ lu 'bok bơ̆n sơ̆, đơ̆ng Abraham truh kơ lu kon sâu sư ning-mônh, khan wă tơgŭm bơ̆n ling-lang.”

Rom 11:28

Dang ei lu bơngai Isơrael mơ'nah ưh tam mă lui kơ tơdrong 'nao 'lơ̆ng Yêsu, lu sư dang ayăt kơ 'Bok Kei-Dei. Mă-lei 'Bok Kei-Dei oei 'mêm kơ lu sư. Yua kơ thoi noh na Sư krao iĕm lui kơ Yêsu hơdrol kơ lu sư, wă kơ lu sư kiơ̆ iĕm. Sư 'mêm tơpă kơ lu bơngai Isơrael yua kơ Sư rơih iŏk lu yă 'bok lu sư đơ̆ng hơdrol sơ̆ hloi boih.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 10:15

Noh boih Kră Yang 'mêm kơ 'bok lu iĕm, Sư rơih iŏk iĕm đơ̆ng lăm lu kon pơlei nai. Thoi lu iĕm năr âu.

Both 23:6

'Nĕ kơ layơ pơgơ̆p hơdai hăm 'bar khŭl adrĕch 'nâu.

Both 33:3

Sư 'mêm kơ kon pơlei pơla Sư tơpă; đĭ-đăng lu linh jang oei lăm tơpang ti Sư; Sơtơ̆p kŭl-tăng kơkuh 'bơ̆t jơ̆ng Sư. Sơng iŏk nơ̆r bơtho khan đơ̆ng Sư.

Both 4:20

Mă-lei lu iĕm, Kră Yang rơih păng iŏk lu iĕm lĕch đơ̆ng dêh Êyiptơ, thoi ŭnh đei 'buh bơsei ngur lăm ŭnh wă kơ lu iĕm jing kon pơlei pơla Sư kơdih, thoi iĕm năr âu.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Both 4:37

Yua kơ đơ̆ng Sư 'mêm kơ lu 'bok iĕm, na rơih iŏk adrĕch adrung lu iĕm 'nâu, kơ Sư kơdih păng Sư yua tơdrong mơsêh tih Sư krao tơlĕch boih iĕm đơ̆ng dêh Êyiptơ.

Both 5:6

Inh boih Kră Yang 'Bok Kei-Dei lu iĕm, Tơ'ngla tơlĕch lu iĕm đơ̆ng dêh Êyiptơ, lĕch đơ̆ng pơm đĭch.

I Yo 4:19

Bơ̆n 'mêm kơ 'Bok Kei-Dei kơlih kơ Sư 'mêm kơ bơ̆n adrol.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.