Both 7:7 - Sơ̆p Hlabơar Nơ̆r 'Bok Kei-Dei

⁷ Kră Yang 'mêm kơeng păng rơih iŏk lu iĕm ưh kơ sĭ yua kơ lu iĕm bơngai lơ hloh kơ adrĕch lu đe nai ôh. Tơpă lu iĕm tŏ sĕt hloh kơ lu adrĕch lu đe nai.

Both 7:7 Iomraidhean Croise

I Ho 16:19

Kơplah noh lu sư oei tŏ sĕt đe jô̆ ưh kơ kăl ôh. Păng lu sư chă oei pơdơh tơ noh 'biơ̆ đĕch.

Horiso 105:12

Kơplah noh lu sư lăp tŏ sĕt đĕch, ưh tam đei lơ păng jing bơngai tơmoi lăm char noh.

Horiso 105:6

Ơ lu adrĕch adrung Abraham, đĭch đam Sư. Ơ lu kon sâu Jakôp, lu bơngai mă Sư rơih.

Horiso 115:1

Ưh kơ trŏ kơ lu nhôn, ơ Kră Yang, ưh kơ trŏ kơ lu nhôn. Mă-lei trŏ kơ ư-ang kơ Ih. Yua kơ tơdrong 'mêm mơnat păng tơdrong 'lơ̆ng tơpăt Ih.

Horiso 44:3

Ưh kơ trŏ đơ̆ng yua khêl đao sư mă đei dêh char, kư̆m ưh kơ đei đơ̆ng tơpang ti kơdih mă đei jơnei.a Mă-lei đơ̆ng ti 'ma Ih, kơkŏng Ih păng tơdrong hơdah đơ̆ng muh măt Ih. Yua kơ Ih 'mêm kơ lu sư.

Êsai 51:2

Athei tơchĕng bĕ kơ Abraham 'bă iĕm, hăm Sara, bơngai pơjing lu iĕm; kơplah Inh krao sư, sư lăp minh 'nu; Inh tuh ăn tơdrong pŭn hiôk kơ sư na jing đei bơngai lơlap lơlang.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Êsêkiên 20:5

Athei khan kơ lu sư: ‘Kră Yang khan thoi âu: Kơplah Inh rơih iŏk Isơrael. Inh pơkă hăm lu adrĕch adrung Jakôp, ăn kơ lu sư băt kơ Inh lăm char Êyiptơ, Inh đei yơ̆r ti Inh pơkă pơkăm hăm lu sư, thoi âu: “Inh boih Kră Yang 'Bok Kei-Dei lu iĕm;

Êsêkiên 36:22

Thoi noh khan bĕ kơ adrĕch Isơrael: “Kră Yang khan thoi âu: Ơ adrĕch Isơrael, noh ưh kơ sĭ yua kơ lu iĕm mă Inh wă pơm noh, mă-lei yua kơ anăn 'lơ̆ng rơgoh Inh mă lu iĕm hlôi pơm pơ'mê̆ bơih tơ lăm lu dêh char mă lu iĕm năm truh.

Mathiơ 7:14

Trong 'măng mơ̆t tơ anih arih ling-lang iĕ păng anat kơ yak tơpă, na hui bơngai 'bôh 'măng iĕ noh.

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Rom 11:6

Sư rơih iŏk yua kơ Sư mơnat, ưh kơ sĭ yua kơ lu bơngai noh kĕ kiơ̆ tôm tơdrong juăt Sư pơkă ôh. Tơ̆ng Sư rơih iŏk lu bơngai noh kĕ kiơ̆ tôm tơdrong juăt Sư pơkă, lei thoi yơ 'Bok Kei-Dei khan Sư rơih iŏk yua kơ Sư mơnat đĕch?

Rom 9:18

'Noh bơ̆n băt kơ 'Bok Kei-Dei Sư wă 'mêm kơ bu gô mơ̆ng kơ Sư wă đĕch. Na tơdrong Sư wă ăn kơ đe arăng kơ̆l kư̆m lei-lăi, gô mơ̆ng kơ Sư wă.

Rom 9:21

Hăm trŏ kơ bơngai man gŏ ge gô mơ̆ng kơ sư wă man? Sư kư̆ kơ iŏk teh lơ̆n man khŭl gŏ ge 'lơ̆ng kư̆m đei, man gŏ ge kư̆ kă wă kơ gơh mong sa đĕch kư̆m đei.

Both 1:10

Kră Yang 'Bok Kei-Dei lu iĕm ăn kơ iĕm bơngai rai lơ, năr 'nâu lu iĕm lơ thoi sơnglŏng kơpal plĕnh.

Both 10:22

Kơplah 'bok lu iĕm jur tơ dêh Êyiptơ, đei lăp tơpơh-jĭt 'nu đĕch; mă dang ei, Kră Yang 'Bok Kei-Dei ăn kơ iĕm lơ thoi sơnglŏng tơ kơpal plĕnh ti.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

Both 4:37

Yua kơ đơ̆ng Sư 'mêm kơ lu 'bok iĕm, na rơih iŏk adrĕch adrung lu iĕm 'nâu, kơ Sư kơdih păng Sư yua tơdrong mơsêh tih Sư krao tơlĕch boih iĕm đơ̆ng dêh Êyiptơ.

I Yo 3:1

'Bă bơ̆n 'Bok Kei-Dei 'mêm mơnat kơ bơ̆n tơpă na Sư mah krao bơ̆n kon Sư. Bơ̆n jing kon Sư tơpă. Na kon bơngai ala teh âu ưh kơ băt kơ bơ̆n bơngai thoi yơ ôh kơlih kơ sư ưh kơ băt kơ 'Bă bơ̆n 'Bok Kei-Dei.

I Yo 4:10

Âu boih tơdrong 'Bok Kei-Dei 'mêm mơnat kơ bơ̆n: Sư 'mêm mơnat kơ bơ̆n mah ăn Kon pôm Sư lôch tang bơ̆n, pơklaih bơ̆n đơ̆ng tơdrong yoch. Bơ̆n 'mêm kơ Sư ưh kơ đei dang noh ôh.