Both 7:4 - Sơ̆p Hlabơar Nơ̆r 'Bok Kei-Dei

⁴ Yua kơ lu adrĕch 'nâu gô pơhlŭ kon drŏ-nglo ih, achăng lê̆ Inh, na awih awăn kơ lu yang nai, đơ̆ng noh kơnh Kră Yang gô hil mĭl kơ iĕm, na sư gô pơlôch ih hloi.

Both 7:4 Iomraidhean Croise

I Pot 16:31

Sư lăng pơm yoch rok thoi Jêrôbôam kon drŏ-nglo Nêbat iĕ đĕch, sư iŏk Jêsebel kon drŏ-kăn Êtbaal pơtao đe Siđôn pơm akăn; sư bơ̆jang kơ yang Baal păng kơkuh kơ yang 'noh.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 34:16

Na ih 'nĕ rôp akăn kơ lu kon drŏ-nglo ih, kon adruh lu sư gô pơm kư̆ kă hăm yang lu sư, đơ̆ng noh pơhlŭ kon tơdăm ih kư̆m pơm kư̆ kă kiơ̆ yang lu sư mơ̆n.

Both 20:18

Tơdah ưh lu sư gô pơtơm iĕm rok pơm kiơ̆ dôm lu tơdrong kơnê̆ krưp mă lu sư pơm, kơkuh kơ rup yang lu sư, lu iĕm gô pơm yoch hăm Kră Yang 'Bok Kei-Dei lu iĕm.

Both 4:26

Năr âu inh krao plĕnh păng teh pơm kơdranh kơ lu iĕm thoi âu dah lu iĕm ưh kơ chu pơm kiơ̆ Kră Yang, lu iĕm gô lôch hiong 'bônh đĕch đơ̆ng dêh iĕm wă năm iŏk tơ pah to đak Krong Jôrđăn. Lu iĕm ưh kơ oei tơ noh đunh ôh, mă-lei gô lôch đĭ.

Both 6:15

Yua kơ Kră Yang 'Bok Kei-Dei oei hơdai iĕm, jơ̆ Kră Yang 'Bok Kei-Dei băt gar, tơdah lu iĕm kơkuh kơ yang nai Kră Yang 'Bok Kei-Dei hil mĭl kơ iĕm păng Sư gô pơlôch tơhiong iĕm đơ̆ng kơpal teh âu,

Jôsuê 22:15

Lăp lu sư năm truh tơ adrĕch Rubên, adrĕch Gat păng minh puăt adrĕch Manase lăm char Gileat, khan:

Jôsuê 23:12

Mă-lei tơdah lu iĕm wơ̆t hơlơ̆k oei pơgơ̆p hăm lu adrĕch adrung mă oei đei 'nâu păng lu iĕm pơm pô̆ 'băn tơăn băl kon hăm lu sư, dah lu iĕm mơ̆t hơdai hăm lu sư,

Lu 2:11

Kơplah noh lu bơngai Isơrael pơm kơnê̆ 'bơ̆t anăp Kră Yang, kơkuh kơ lu rup yang Baal

Lu 2:20

Yua kơ thoi noh Kră Yang blĕk kơ bơngai Isơrael păng Sư khan thoi âu: Yua kơ lu bơngai âu ưh kơ chu kiơ̆ nơ̆r Inh pơkă kơ yă 'bok lu sư păng lu sư kư̆m ưh kơ chu mơ̆ng kiơ̆ nơ̆r Inh khan,

Lu 3:6

lu sư iŏk kon adruh đe noh pơm akăn păng ăn kon drŏ-kăn lu sư oei kơ kon tơdăm đe noh păng kơkuh kiơ̆ kơ yang đe noh. Chih roi gah lu 'bok sek tơlang