Both 7:25 - Sơ̆p Hlabơar Nơ̆r 'Bok Kei-Dei

²⁵ Iĕm athei soh pơđĭ lu rup yang lu sư. 'Nĕ kơ hưch ham, 'nĕ kơ iŏk kơdih hu dah maih đơ̆ng lăm lu sư man rup noh, kơnh hli kơ iĕm 'leh hơđong; yua kơ tơmam 'noh yua kơ tơmam noh Kră Yang 'Bok Kei-Dei areh dêh.

Both 7:25 Iomraidhean Croise

II Pot 23:14

Sư teh pơchah lê̆ lu rup yang pơm păng tơmo, kăl tơpăk lê̆ gơ̆ng rup yang yă Asêra păng tuh pơlŭl lê̆ kơting bơngai tơ noh.

I Ho 14:12

Bơngai Philistin achăng hŭt lê̆ lu rup yang lu sư tơ anih 'noh; na Đawit athei soh pơđĭ lê̆ lăm ŭnh.

Le 20:17

'Nĕ 'nhĕng kơ hnam đe, kư̆m lê̆ kơ 'nhĕng akăn đe, dah đĭch đam drŏ-nglo, drŏ-kăn, rơmo, aseh, dah mŭk tơmam đe.

Le 32:20

Môis iŏk rup kon rơmo lu sư pơm soh hloi tơ lăm ŭnh, đơ̆ng noh sư peh pơhĕch jing gơnơ̆k păng iŏk gơnơ̆k noh tuh tơ lăm đak, klaih kơ noh ăn lu kon pơlei Isơrael nhă.

Le 8:26

Mă-lei Môis khan: Pơm thoi noh ưh kơ gơh ôh; yua kơ dôm tơmam soi mă lu nhôn wă soi pơyơ̆r kơ Kră Yang 'Bok Kei-Dei lu nhôn jing minh tơdrong krưp dêh kơ bơngai Êyiptơ. Tơdah lu nhôn pơyơ̆r tơmam soi sơmah mă lu sư areh. Hăm trŏ lu sư gô klơ̆m nhôn hăm tơmo?

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Êsai 41:24

Âu, lu iĕm ưh kơ rơ-a kiơ, tơdrong jang iĕm pơm kư̆m ưh kơ yua kiơ, bơngai mă rơih lu iĕm jơ̆ bơngai trŏ kơ areh krưp dêh tơpă.

Lêwi 13:52

Thoi noh sư athei soh hơbĕn ao noh phơ̆k 'bơm tơ brai tơdơ̆ng dah brai tơnanh, tơ hơbĕn ao hăm sŏk triu dah hơbĕn ao che, dah tơmam kiơ mă hăm akar, yua kơ noh tơdrong jĭ chin rai lanh; đe athei soh lê̆ tơmam noh tơ lăm ŭnh.

Lêwi 19:4

'Nĕ kơ man rup yang păng kư̆m 'nĕ kơ tuh hling pơm rup yang, Inh boih Kră Yang 'Bok Kei-Dei lu iĕm.

Jêphania 1:3

“Inh wă pơlôch kon bơngai păng kon sem brem, sem păr păng ka lăm đak dơsĭ, Inh gô tơhuŏng lê̆ lu bơngai pơm kơnê̆; păng Inh gô tơhuŏng lê̆ kon bơngai đơ̆ng kơpal teh.” Kră Yang khan thoi noh.

Both 12:3

Lu iĕm athei pơrăm chơnang soi teh pơchah lu rup yang tơmo păng soh lu jrăng Asêrim lu sư lăm ŭnh păng teh pơhĕch lu rup man yang lu sư păng sŭt lê̆ đĭ anăn lu rup yang noh lăm anih noh.

Both 13:16

Athei pơpôi iŏk pơđĭ lu tơmam đơ̆ng blah iŏk đơ̆ng lăm pơlei tih noh, năm tuh lê̆ tơ cham să na iŏk ŭnh soh pơlei noh păng đĭ-đăng mŭk tơmam lăm noh, thoi tơmam soi 'buh pơyơ̆r kơ Kră Yang 'Bok Kei-Dei iĕm, pơlei noh gô jing rơ̆m ngar ŭnh ling-lang hlŏng hloi, ưh pă bu gơh tơiung pơjing dơ̆ng.

Both 17:1

Iĕm 'nĕ kơ pơyơ̆r kơ Kră Yang 'Bok Kei-Dei iĕm rơmo, dah triu đei tơdrong jĭ dah jo jăn noh tơdrong krưp dêh kơ Kră Yang 'Bok Kei-Dei.

Both 23:18

Iĕm 'nĕ iŏk jên đơ̆ng mơdro akâu mă đơ̆ng drŏ-kăn dah drŏ-nglob chĕp ba tơmơ̆t lăm hnam Kră Yang 'Bok Kei-Dei iĕm, pơsĭt đêl nơ̆r pơkă yua kơ 'bar tơdrong noh krưp dêh kơ Kră Yang 'Bok Kei-Dei iĕm areh lăng krưp dêh.

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

Both 7:16

Iĕm athei pơrăm lê̆ đĭ lu adrĕch mă Kră Yang 'Bok Kei-Dei iĕm jao ăn kơ iĕm boih kư̆m 'nĕ kơ mơnat kơ lu sư păng kư̆m 'nĕ kơ kơkuh kơ lu yang sư; yua kơ tơdrong noh gô pơm hơđong hơ'năk kơ iĕm.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.

Jôsuê 7:1

Kon pơlei Isơrael đei pơm tơdrong yoch ưh kơ chu gah tơmam trŏ kơ pơyơ̆r; păng pơrăm Akan kon drŏ-nglo Karmi, sâu Sapđi, sâu i Sêra, đơ̆ng adrĕch Juđa, đei iŏk tơmam trŏ kơ soh pơrăm lê̆ păng trŏ kơ pơyơ̆r noh, lei Kră Yang, hil mĭl kơ kon pơlei Isơrael.

Jôsuê 7:21

Inh đei 'bôh minh blah ao tai Sinêa 'lơ̆ng, lăm tơmam blah tơgar iŏk, 2 kĭ 30grama jên hu, minh tơpei maih, trăp 0 kĭ 600gram binh wă dêh tơmam noh, iŏk ôn lê̆ 'bŭ lăm teh, tŏk-bŏk anih bơsŭn inh, hu 'bŭ sư tơ ala.

Tơdrông Tơ'bôh 17:5

Klĕng bơngai drŏ-kăn noh đe chih anăn sư, mă đe chih tơwer hrĕp. Đe chih thoi âu: “Pơlei Babilôn pơlei tih dêh mĕ kơ lu drŏ-kăn đi, tơ'bôh kơ đe tơdrong 'mê̆ jơ̆p kơ teh đak.”