Both 7:2 - Sơ̆p Hlabơar Nơ̆r 'Bok Kei-Dei

² Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

Both 7:2 Iomraidhean Croise

Bl 14:20

Trŏ kơ bơnê kơkuh tơpă kơ Kră Yang 'Bok Kei-Dei tih hloh đei jao boih lu ayăt tơ lăm ti ih. Đơ̆ng noh Abram iŏk minh lăm mơjĭt đơ̆ng dôm tơmam mă sư iŏk đơ̆ng lu ayăt na pơyơ̆r ăn kơ pơtao noh.c”

II Sam 21:2

Bơngai Gibeôn ưh kơ trŏ gah adrĕch kon pơlei Isơrael, mă-lei lu sư adrĕch Amôrit mă oei oei. Bơngai Isơrael pơkă ưh kơ wă pơlôch lu sư, mă-lei pơtao Sôl yua kơ đei jơhngơ̆m lăp kơ lu adrĕch adrung Isơrael păng Juđa, lei na chă đon pơlôch lu sư. Na pơtao krao akŭm lu bơngai Gibeôn.

I Pot 20:34

Ben Hadat khan kơ Ahap: “Inh gô pơdrâu ăn kơ ih dôm lu pơlei mă 'bă inh tơgar iŏk đơ̆ng 'bă ih. Ih gô pơm hnam mơdro sa tih tơ lăm Pơlei Đamas, kư̆m thoi 'bă inh đei pơm bơih tơ lăm Pơlei Samari.” Ahap tơl: “Gah inh, gô drơ̆ng ăn kơ ih brŏk kiơ̆ thoi nơ̆r ih pơkă 'nâu.” Thoi noh Ahap pơkă pơkăm pơgơ̆p hăm 'Ben Hadat, đơ̆ng noh ăn kơ Ben Hadat brŏk.

Esơra 10:3

Na dang ei, nhôn athei pơkăm pơkă hăm Kră Yang 'Bok Kei-Dei nhôn wă hrĕch achăng păng lê̆ đĭ lu drŏ-kăn noh păng đĭ-đăng lu kon hơ'lơ̆p lu sư, kiơ̆ ih păng lu bơngai băt hli yom pơm kiơ̆ khôi juăt Kră Yang 'Bok Kei-Dei bơtho khan; athei pơm kiơ̆ bĕ khôi juăt.

Horiso 106:34

Lu sư ưh kơ pơrăm đĭ lu kon pơlei tơring noh kiơ̆ thoi Kră Yang đei athei lu sư.

Le 22:20

Bơngai bu kơkuh soi sơmah kơ lu yang nai ưh kơ trŏ kơ Kră Yang đe gô pơlôch sư.

Jo 21:2

Lu bơngai Isơrael pơma pơkă hăm Kră Yang khan: Tơdah Ih jao ăn kon pơlei âu lăm ti Inh, nhôn gô pơrăm đĭ lu pơlei tih sư.

Jo 31:17

Thoi noh dang ei, pơlôch bĕ đĭ lu kon drŏ-nglo hơ'lơ̆p păng pơlôch đĭ hloi lu bơngai drŏ-kăn mă đei 'bĭch hăm drŏ-nglo boih;

Jo 33:52

Puh bĕ pơđĭ kon pơlei oei lăm char noh đơ̆ng anăp lu iĕm, pơrăm pơđĭ lu rup yang mă lu sư mam hling kơtă păng kư̆m athei pơrăm lê̆ đĭ lu anih kơjung mă lu sư pơm yang.

Both 13:8

Na iĕm 'nĕ kơ chu kiơ̆ sư, kư̆m 'nĕ kơ mơ̆ng sư, kư̆m 'nĕ kơ mơnat; păng kư̆m 'nĕ kơ bơwei dah dŏng lu sư.

Both 13:9

Mă-lei iĕm athei pơlôch sư hloi. Tơpang ti iĕm kơdih gô pơlôch sư adrol hloh kơ đĭ-đăng, đơ̆ng noh tơpang ti đĭ-đăng lu kon pơlei.

Both 19:13

Iĕm 'nĕ lăng khan mơnat kơ bơngai pơlôch đe, mă-lei athei pơlôch lê̆ lu bơngai pơlôch đe ưh kơ pơm yoch đơ̆ng dêh Isơrael, wă kơ lu iĕm đei pŭn hiôk.

Both 2:33

Mă-lei Kră Yang 'Bok Kei-Dei bơ̆n jao sư kơ lu bơ̆n; kon drŏ-nglo hăm đĭ-đăng lu kon pơlei sư tơblah jei bơ̆n.

Both 2:34

Kơplah noh bơ̆n iŏk đĭ lu pơlei tih sư, pơrăm đĭ lu pơlei tih păng pơrăm đĭ-đăng drŏ-nglo, drŏ-kăn păng lu kon hơ'lơ̆p, ưh kơ đei lê̆ minh 'nu bu.

Both 23:14

Yua kơ Kră Yang 'Bok Kei-Dei iĕm năm lăng kơđông linh iĕm wă dŏng pơklaih lu iĕm đơ̆ng lu bơngai ayăt iĕm, kơđông iĕm athei rơgoh 'lơ̆ng, wă kơ Sư huay kơ 'bôh tơdrong kơnê̆ 'mê̆-'mach, na mah weh achăng lê̆ lu iĕm.

Both 25:12

Na iĕm ih athei chơ̆ng lê̆ ti bơngai drŏ-kăn noh; 'nĕ mơnat kơ sư.

Both 3:3

Thoi noh Kră Yang 'Bok Kei-Dei lu bơ̆n jao boih lăm tơpang ti lu bơ̆n Ôk, pơtao char Basan păng đĭ-đăng kon pơlei sư: Lu bơ̆n blah pơrăm lu sư dĭng truh tơ ưh pă đei minh 'nu bơngai bu oei arih dơ̆ng.

Both 31:5

Kră Yang gô pơjao kon pơlei noh ăn kơ lu iĕm păng lu iĕm athei pơm kơ lu sư gô mơ̆ng kiơ̆ kơ nơ̆r inh athei lu iĕm pơm.

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

Both 7:16

Iĕm athei pơrăm lê̆ đĭ lu adrĕch mă Kră Yang 'Bok Kei-Dei iĕm jao ăn kơ iĕm boih kư̆m 'nĕ kơ mơnat kơ lu sư păng kư̆m 'nĕ kơ kơkuh kơ lu yang sư; yua kơ tơdrong noh gô pơm hơđong hơ'năk kơ iĕm.

Both 9:3

Mă-lei iĕm athei băt tơpă: Kră Yang 'Bok Kei-Dei iĕm năm adrol kơ iĕm, nhen thoi pla ŭnh khơ̆ng dơhlông sa, Kră Yang boih Sư gô pơlôch pơrăm lu sư. Pơm kơ lu sư chu thuơ, lu iĕm gô pơlôch lu sư 'mônh đĕch, thoi Kră Yang đei pơkă hăm lu iĕm.

Jôsuê 10:28

Kơplah năr noh, Jôsuê đei blah iŏk pơlei Makkêđa, iŏk đao pơlôch pơtao, sư pơlôch đĭ lu bơngai lăm pơlei noh, ưh kơ đei bu oei arih, lu sư pơm kơ pơtao pơlei Makkêđa kư̆m thoi sư pơm kơ pơtao pơlei Jêrikô.

Jôsuê 10:30

Kră Yang, jao ăn pơlei Lipna păng pơtao sư lăm ti lu bơngai Isơrael; na Jôsuê iŏk đao gưm pơrăm pơlôch lu bơngai lăm pơlei noh, sư ưh kơ đei rong bu arih, sư pơm kơ pơtao pơlei Lipna kư̆m thoi sư pơm kơ pơtao pơlei Jêrikô.

Jôsuê 10:32

Kră Yang jao pơlei Lakis lăm tơpang ti bơngai Isơrael, năr mă 'bar Jôsuê đei blah iŏk, yua đao gưm pơrăm păng pơlôch lu bơngai oei lăm pơlei noh kư̆m pơm lei-lăi thoi pơlei Lipna.

Jôsuê 10:40

Thoi noh Jôsuê blah iŏk đĭ pơlei đĭ tơring char, tơ gah tơring groi kông, tơring gah gơal, tơring gah groi bơmơ̆t. Tơring tơter kông krang gah hơlĕch păng lu pơtao kơ tơring noh, ưh kơ đei lê̆ bu oei arih, kiơ̆ thoi đơ̆ng nơ̆r Kră Yang 'Bok Kei-Dei Isơrael đei pơkă.

Jôsuê 10:42

Lăm minh kơchon noh Jôsuê blah rôp lu pơtao păng blah iŏk pơlei tơring char 'nâu, yua kơ Kră Yang 'Bok Kei-Dei Isơrael, tơblah ăn kơ Isơrael.

Jôsuê 11:8

Kră Yang jao lu sư lăm tơpang ti bơngai Isơrael. Jôsuê păng đĭ-đăng lu linh blah drŭt lu sư truh tơ pơlei tih Siđôn, Mitrêphôt-Maim păng tơ pŭng-lŭng Mispa tơ gah hơlĕch, na pơlôch lu sư, ưh pă đei lê̆ bu oei arih.

Jôsuê 2:14

Bre noh tơl: Yua kơ ih ăn kơ nhi oei arih, nhi kư̆m gô ăn kơ ih oei arih mơ̆n, tơdah ih ưh kơ roi kơ đe tơdrong jang lu nhôn âu, lei lu nhôn gô pơm 'lơ̆ng kơ ih păng gô pơm trŏ thoi nhôn pơkă, kơplah năr mă Kră Yang ăn dêh char âu kơ nhôn.

Jôsuê 21:44

Thoi noh Kră Yang ăn tơdrong pơdơh, hiôk-hian kiơ̆ thoi Kră Yang đei pơkă pơkăm hăm 'bok păng adrĕch adrung lu sư, ưh kơ đei lu ayăt ayơ mă gơh kĕ tơblah hăm lu sư. Kră Yang jao boih ăn đĭ-đăng lu ayăt lăm tơpang ti lu sư.

Jôsuê 8:24

Đang kơ lu linh Isơrael pơlôch đĭ boih bơngai pơlei Ahi, lăm anih thŭng glă mă lu đei druh, lu sư pơlôch đĭ hăm đao gưm boih, lu linh Isơrael wih mơ̆t tơ pơlei Ahi păng pơlôch pơđĭ lu bơngai mă oei arih lăm pơlei.

Jôsuê 9:24

Lu sư tơl Jôsuê. Noh tơdrong mă lu đĭch đam ih băt hơđăl boih, Kră Yang 'Bok Kei-Dei iĕm đei khan kơ Môis, đĭch đam Sư gô ăn đĭ char âu kơ lu iĕm păng gô pơlôch đĭ-đăng kon pơlei 'bơ̆t anăp iĕm, na lu nhôn hli dêh, kơ iĕm pơrăm tơdrong arih lu nhôn, lei na lu nhôn pơm thoi noh.

Jôsuê 9:7

Mă-lei kon pơlei Isơrael tơl lu bơngai Hêwit: Băt lu iĕm oei jê̆ lu nhôn. Pơm liơ bơ̆n gơh pơgơ̆p băl?

Lu 1:24

Lu bơngai năm lăng adrol 'bôh minh 'nu lĕch đơ̆ng pơlei, na lu sư khan kơ bơngai ei: Apinh ih tơ'bôh ăn kơ nhôn trong ayơ gơh mơ̆t tơ pơlei na lu nhôn gô mơnat kơ ih.

Lu 1:4

Thoi noh lu bơngai Juđa năm, Kră Yang jao kon pơlei Kanaan păng kon pơlei Phêrêsit lăm ti lu sư; tơ Bêsek sư blah pơlôch mơjĭt-rơbâu 'nu bơngai.

Lu 2:2

Mă gah lu iĕm, 'nĕ kơ pơgơ̆p băl hăm lu bơngai mă oei tơ char âu; iĕm athei pơrăm lê̆ lu rup yang lu sư.’ Mă-lei iĕm ưh kơ mơ̆ng nơ̆r Inh khan. Yua kơ kiơ lu iĕm pơm tơdrong noh?