Both 7:18 - Sơ̆p Hlabơar Nơ̆r 'Bok Kei-Dei

¹⁸ 'Nĕ kơ hli kơ lu sư, mă-lei iĕm athei 'blŏk dôm tơdrong kiơ, mă Kră Yang 'Bok Kei-Dei iĕm đei pơm boih kơ Pharaôn păng đĭ dêh Êyiptơ.

Both 7:18 Iomraidhean Croise

Horiso 105:5

Athei 'blŏk bĕ dôm tơdrong jang hlĭch chrơp Sư đei pơm boih Tơdrong hlĭch chrơp păng tơdrong sek tơlang đơ̆ng 'bơ̆r sư đei khan.

Horiso 77:11

Inh tơ'blŏk dơ̆ng kơ dôm tơdrong jang Kră Yang, Inh 'blŏk dơ̆ng kơ lu tơdrong mơsêh hlĭch Ih pơm sơ̆

Horiso 77:12

Inh kư̆m gô tơchĕng kơ dôm tơdrong Ih pơm boih. Păng oei tơchĕng kơ lu tơdrong jang hlĭch Ih noh.

Horiso 78:11

Hiơt đĭ dôm tơdrong jang Kră Yang mă đei pơm. Păng tơdrong hlĭch chrơp mă Kră Yang đei tơ'bôh ăn kơ lu sư.

Jo 13:9

Palti kon drŏ-nglo Raphu đơ̆ng adrĕch Bênjamin;

Jo 21:34

Mă-lei Kră Yang khan kơ Môis, 'nĕ hli kơ sư ôh, yua kơ Inh jao tơring sư hăm kon pơlei sư tơ lăm ti ih boih; pơm bĕ kơ lu sư thoi ih pơm kơ Sihôn pơtao Amôrit, bơngai mă lăm pơlei Hesbôn.

Both 1:21

To, Kră Yang 'Bok Kei-Dei ih pơjao boih dêh âu kơ ih; năm tŏk bĕ, iŏk dêh noh, kiơ̆ thoi Kră Yang 'Bok Kei-Dei 'bok iĕm đei khan boih kơ lu iĕm; 'nĕ kơ rơdu 'nĕ kơ hli.

Both 1:29

Na inh khan kơ lu iĕm: Lu iĕm 'nĕ kơ hli tơrơ kơ kiơ.

Both 1:30

Kră Yang 'Bok Kei-Dei lu iĕm năm adrol, sư gô tơblah dŏng lu iĕm, kư̆m thoi sư đei pơm boih 'bơ̆t anăp lu iĕm tơ dêh Êyiptơ.

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.

Both 3:6

Lu bơ̆n pơrăm goh đĭ lu sư, kư̆m thoi lu bơ̆n pơm boih kơ Sihôn, pơtao đe Hesbôn, pơrăm đĭ lu pơlei tih, lu bơngai drŏ-nglo, drŏ-kăn păng lu kon hơ'lơ̆p.

Both 31:5

Kră Yang gô pơjao kon pơlei noh ăn kơ lu iĕm păng lu iĕm athei pơm kơ lu sư gô mơ̆ng kiơ̆ kơ nơ̆r inh athei lu iĕm pơm.

Both 31:6

Athei nuih pran kơtang bĕ. 'Nĕ kơ hli tơrơ krưp dêh 'bơ̆t anăp lu kon pơlei noh yua kơ Kră Yang 'Bok Kei-Dei iĕm kư̆m gô năm hơdai hăm iĕm; Sư ưh kơ đei layơ achăng lê̆ iĕm kư̆m ưh kơ weh ataih đơ̆ng iĕm.

Jôsuê 8:1

Kơplah noh, Kră Yang khan kơ Jôsuê: Ih 'nĕ kơ hli tơrơ, chông ba đĭ-đăng lu linh hơdai ih, iung năm blah bĕ pơlei Ahi, to Inh jao sư lăm tơpang ti ih, pơtao Ahi, kon pơlei sư, pơlei hăm tơring noh.

Lu 6:13

Giđêôn tơl: Ơ Yŏng tơ'ngla, tơdah Kră Yang oei hơdai lu nhôn, liơ lu nhôn mă đei tơdrong truh thoi âu? Lu tơdrong hlĭch chrơp mă 'bok lu nhôn đei roi khan kơ nhôn kơtơ̆ng tơ yơ? Lu sư khan: Hăm trŏ kơ Kră Yang chông ba lu bơ̆n lĕch đơ̆ng dêh Êyiptơ? Mă-lei dang ei Kră Yang achăng lê̆ lu nhôn, na pơjao lu nhôn lăm ti bơngai Miđian.