Both 7:17 - Sơ̆p Hlabơar Nơ̆r 'Bok Kei-Dei

¹⁷ Lu iĕm 'nĕ kơ khan lăm jơhngơ̆m iĕm: Lu adrĕch 'nâu lơ pran hloh kơ bơ̆n, liơ bơ̆n gơh kĕ puh tơweh lê̆ lu sư?

Both 7:17 Iomraidhean Croise

Êsai 14:13

Mă ih tơchĕng lăm to khan: “Inh gô tŏk tơ kơpal plĕnh, inh gô hơtŏk tang-dŏ pơtao inh tơ kơpal hloh kơ lu hơnglŏng Kră Yang 'Bok Kei-Dei, inh gô tŏk hơ-oei kơpal tang-dŏ pơtao tơ kơpal kông anih lu yang akŭm, tôch tơ gah yă-nơ̆m.

Êsai 47:8

“Thoi noh, ơ lu bơngai 'maih hiôk đĕch. Tơchĕng khan ưh pă đei tơdrong anat kiơ đơ̆ng âu tơ anăp, mơ̆ng bĕ âu: Ih khan lăm jơhngơ̆m. ‘Inh âu, adrĕch yŏng mơng ưh pă đei bơngai bu dang inh, inh gô ưh kơ đei layơ sơ'ngon thoi yă adro kư̆m ưh kơ đei nhơ̆m hmoi thoi bơngai hiong kon hơ'lơ̆p.’

Êsai 49:21

Kơplah 'noh ih gô pơma lăm jơhngơ̆m khan: Bu pơjing bơih kơ inh lu kon hơ'lơ̆p 'nâu? Inh hiong đĭ-đăng bơih kon hơ'lơ̆p; kơplah inh thông hoang weh jăk păng tơklah tơklang? Na lei bơngai bu gô wei rong lu kon hơ'lơ̆p 'nâu? 'Nâu inh gô oei uăi minh 'nu, adro po, pơsĕl pơsŏ lu kon hơ'lơ̆p 'nâu lu sư truh đơ̆ng yơ?”

Je 13:22

Păng tơdah ih khan lăm jơhngơ̆m ih. “Yua kơ kiơ tơdrong 'nâu truh kơ inh?” Noh yua kơ tơdrong yoch kơnê̆ ih tih tơpă. Dĭng mah đe tưk hơbĕn ih, păng đe gô tơrôp pơm kơnê̆ kơ ih.

Jo 13:32

'Bơ̆t anăp lu kon pơlei bơngai Isơrael, lu đe noh roi pơăm tơă khan: Lu kon pơlei oei lăm char mă lu nhôn đei năm chop dăr lăng tơ jơ̆p-jang, char noh luăn sa pơđĭ kon pơlei sư kơdih; lu nhôn 'bôh đĭ lu kon pơlei noh akâu tih kơjung ngăl.

Jo 21:34

Mă-lei Kră Yang khan kơ Môis, 'nĕ hli kơ sư ôh, yua kơ Inh jao tơring sư hăm kon pơlei sư tơ lăm ti ih boih; pơm bĕ kơ lu sư thoi ih pơm kơ Sihôn pơtao Amôrit, bơngai mă lăm pơlei Hesbôn.

Jo 33:53

Lu iĕm gô iŏk hloi tơring char noh, oei hloi tơ noh teh noh Inh ăn kơ lu iĕm jang sa.

Luka 9:47

Yêsu ưh kơ kơtơ̆ng ră lu sư pơjah thoi noh mă-lei Sư băt. Na Yêsu năm dui iŏk minh 'nu 'lơ̆p athei dơ̆ng jê̆ Sư,

Both 1:28

Lu bơ̆n wă năm tơ yơ? 'Nhŏng oh lu bơ̆n pơm kơ lu bơ̆n hli na khan: Adrĕch noh tih păng kơjung hloh kơ lu bơ̆n; pơlei lu sư ei tih păng man dur kơjăp kơjung truh tơ plĕnh; tơ noh lu nhôn kư̆m 'bôh lu kon sâu kon pơlei Anakim tih kơjung.

Both 15:9

Kơchăng bĕ, 'nĕ kơ răk mong tơchĕng kơnê̆ 'nâu: Sơnăm mă tơpơh jơ̆ sơnăm ăn rơngei wă truh boih! Kơchăng bĕ, wă kơ iĕm huay kơ đei jơhngơ̆m kơnê̆ hăm lu 'nhŏng oh iĕm bơngai dơnuh hin, ưh kơ ăn lu sư gơh tŏk iŏk kiơ, kơnh lu sư krao ôr Kră Yang tơmăk kơ iĕm, iĕm gô đei tơdrong yoch.

Both 18:21

Lu iĕm pơma lăm jơhngơ̆m khan: Liơ lu nhôn gơh băt kơnăl nơ̆r ayơ mă đơ̆ng Kră Yang bơtho khan?

Both 8:17

Kơchăng bĕ, 'nĕ chă pơma lăm jơhngơ̆m khan: Noh yua kơ đơ̆ng tơdrong hơgei păng pran kơtang tơpang ti inh na mă gơh đei dôm mŭk tơmam mơdrŏng 'nâu.

Jôsuê 23:3

Lu iĕm 'bôh boih tôm tơdrong Kră Yang 'Bok Kei-Dei lu iĕm hlôi pơm kơ adrĕch adrung âu yua kơ lu iĕm; kơdih akâu Kră Yang 'Bok Kei-Dei lu iĕm hlôi tơblah ăn kơ lu iĕm.