Both 6:5 - Sơ̆p Hlabơar Nơ̆r 'Bok Kei-Dei

⁵ Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.

Both 6:5 Iomraidhean Croise

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

II Pot 23:25

Adrol kơ Jôsia ưh kơ đei minh 'nu pơtao ayơ thoi sư, 'mêm kơ Kră Yang đĭ jơhngơ̆m đĭ tơdrong tơchĕng đĭ tơdrong pran sư, pơm kiơ̆ tôm khôi juăt Môis păng đơ̆ng rŏng kơ sư kư̆m ưh kơ đei bu lei-lăi thoi sư.

II Ho 15:12

Lu sư pơgơ̆p pơkă băl rim 'nu athei chă Kră Yang 'Bok Kei-Dei 'bok yă lu sư hăm đĭ jơhngơ̆m klơm klak.

II Ho 34:31

Pơtao dơ̆ng 'bơ̆t anih sư, pơm tơdrong pơgơ̆p dơ̆ng 'bơ̆t anăp Kră Yang, pơkă pơkăm kiơ̆ Kră Yang đĭ jơhngơ̆m klơm klak wei răk nơ̆r tơtă, tơdrong pơkă khan păng khôi juăt, wă pơm kiơ̆ trŏ thoi nơ̆r pơgơ̆p mă đei chih lăm sơ̆p hla bơar âu.

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Horiso 31:24

Ơ lu bơngai mă chang gô Kră Yang. Chơ̆n jơhngơ̆m, hơđơ̆ng đon bĕ.

Mathiơ 10:37

“Bu 'mêm kơ mĕ 'bă sư hloh kơ sư 'mêm kơ Inh, bơngai 'noh ưh kơ trŏ kơ tơbôl hăm Inh ôh. Bu 'mêm kơ kon sư hloh kơ sư 'mêm kơ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Mathiơ 22:37

Yêsu khan kơ sư thoi âu: “ ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng.’

Markôs 12:30

Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng.’

Markôs 12:33

Dah bơ̆n 'mêm kơ Sư hăm đĭ jơhngơ̆m klơm klak bơ̆n, hăm đĭ đon bơ̆n tơchĕng păng băt 'mêm kơ bôl buăl thoi bơ̆n 'mêm akâu kơdih, dah bơ̆n răk 'bar tơdrong juăt 'noh lei 'lơ̆ng hloh kơ đĭ-đăng tơdrong bơ̆n soi sơmah kơ 'Bok Kei-Dei.”

Luka 10:27

'Bok thây ei khan: “Lăm sơ̆p hla bơar tơdrong juăt khan: ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng. Păng bơ̆n athei 'mêm kơ bôl buăl thoi bơ̆n 'mêm akâu bơ̆n kơdih.’ ”

Both 10:12

Ơ bơngai Isơrael, dang ei Kră Yang 'Bok Kei-Dei iĕm tơtă athei pơm kiơ? Athei băt hli yom kơ Kră Yang 'Bok Kei-Dei iĕm, yak kiơ̆ đĭ trong Sư, 'mêm kơ Sư păng bơ̆jang kơ Kră Yang 'Bok Kei-Dei iĕm hăm đĭ jơhngơ̆m, đĭ bơhngol iĕm,

Both 11:1

Iĕm athei băt 'mêm yom kơ Kră Yang 'Bok Kei-Dei ling-lang păng athei wei răk dôm tơdrong juăt Sư, nơ̆r Sư athei păng nơ̆r Sư tơtă.

Both 11:13

Tơdah lu iĕm chu mơ̆ng kiơ̆ dôm nơ̆r tơtă mă inh bơtho ăn kơ lu iĕm năr 'nâu, đĭ jơhngơ̆m klơm klak 'mêm kơ Kră Yang 'Bok Kei-Dei iĕm păng bơ̆jang kơ Sư.

Both 13:3

Na 'nĕ kơ mơ̆ng ôh nơ̆r bơngai khan lê̆ adrol noh dah lu bơngai apo noh roi, yua kơ Kră Yang 'Bok Kei-Dei lu iĕm pơlong lăng lu iĕm, wă băt kơ lu iĕm hăm đĭ jơhngơ̆m klơm klak đĭ đon tơchĕng 'mêm kơ Kră Yang 'Bok Kei-Dei lu iĕm dah ưh.

Both 13:4

Lu iĕm athei yak kiơ̆ Kră Yang 'Bok Kei-Dei lu iĕm păng hli yom kơkuh kơ Sư, wei răk dôm nơ̆r Sư tơtă, mơ̆ng kiơ̆ nơ̆r Sư khan, bơ̆jang kơ Sư păng pơgơ̆p kơjăp hăm Sư.

Both 19:9

Yua kơ iĕm, pơm kiơ̆ dôm nơ̆r tơtă mă inh bơtho khan ăn kơ iĕm năr âu, athei 'mêm kơ Kră Yang 'Bok Kei-Dei, yak kiơ̆ trong Sư ling-lang, thoi noh iĕm athei lê̆ thim pêng tŏ pơlei plơ̆ng dơ̆ng,

Both 30:10

Tơdah lu iĕm chu pơm kiơ̆ Kră Yang 'Bok Kei-Dei iĕm wei răk nơ̆r tơtă tơdrong juăt mă sư đei chih lăm Sơ̆p hla bơar khôi juăt mă sư đei chih lăm Sơ̆p hla bơar khôi juăt 'nâu păng đĭ jơhngơ̆m đĭ bơhngol wih tơ Kră Yang 'Bok Kei-Dei iĕm.

Both 30:16

Năr 'nâu inh athei iĕm 'mêm kơ Kră Yang 'Bok Kei-Dei, yak kiơ̆ trong Sư păng wei răk dôm lu nơ̆r tơtă, khôi juăt Sư păng nơ̆r Sư athei, wă kơ iĕm arih sot hrôh ngôh, Kră Yang 'Bok Kei-Dei ăn pŭn hiôk kơ lăm dêh char mă iĕm gô mơ̆t iŏk.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

Both 30:6

Kră Yang 'Bok Kei-Dei gô ăn kơ bơ̆n păng kon sâu lu bơ̆n đei jơhngơ̆m rơmuăn băt chu yom, wă kơ iĕm đĭ jơhngơ̆m klơm klak 'mêm yom kơ Kră Yang 'Bok Kei-Dei, wă kơ gơh arih.

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Jôsuê 22:5

Mă-lei athei kơchăng pơm kiơ̆ nơ̆r pơkă păng khôi juăt Môis đĭch đam Kră Yang bơtho pơkă boih kơ lu iĕm 'mêm bĕ kơ Kră Yang 'Bok Kei-Dei lu iĕm păng rok kiơ̆ trong Sư, wei răk nơ̆r Sư tơtă pơgơ̆p hăm Sư păng đĭ jơhngơ̆m đon bơ̆jang kơ Sư.

I Yo 5:3

Dah bơ̆n 'mêm kơ 'Bok Kei-Dei lei bơ̆n athei răk dôm tơdrong Sư pơkă. Dôm tơdrong Sư pơkă noh ưh kơ gleh ôh.