Both 6:24 - Sơ̆p Hlabơar Nơ̆r 'Bok Kei-Dei

²⁴ Kră Yang đei bơtho khan kơ bơ̆n athei pơm kiơ̆ đĭ-đăng dôm tơdrong juăt âu păng băt hli yom kơ Kră Yang, wă kơ lu bơ̆n gơh đei hiôk-hian ling-lang păng oei arih thoi lu bơ̆n năr 'nâu.

Both 6:24 Iomraidhean Croise

Horiso 41:2

Kră Yang gô wei-lăng păng wei wêr tơdrong arih sư. Sư gô đei pŭn hiôk kơpal teh păng Kră Yang ưh kơ đei lê̆ bơngai noh kiơ̆ thoi lu ayăt kơ sư wă,

Horiso 41:3

Kră Yang tơgŭm sư kơplah sư oei jĭ 'bĭch kơpal giơng păng pơklaih tơdrong jĭ bơlŏ sư.b

Horiso 66:9

Sư boih bơwei tơdrong arih lu bơ̆n. Ưh kơ ăn jơ̆ng lu bơ̆n tơpling.

Le 20:20

Môis tơl khan: Lê̆ kơ hli, yua kơ Kră Yang 'Bok Kei-Dei jur wă pơlong lăng lu iĕm, wă kơ iĕm đei jơhngơ̆m hli yom kơ sư, na huay kơ pơm yoch hăm sư.

Tơdrông Pơđơk 22:4

Tơdrong apah kơ bơngai iŏk đon ala, păng hli yom kơ Kră Yang. Noh tơdrong mơdrŏng, tơdrong arih păng đe pơyom.

Tơdrông Pơđơk 9:12

Tơdah ih gơh hơgei, đei yua kơ ih kơdih; Tơdah ih blei hiap, sĭt ih gô pŭ hơngiap kơdih.

Êsai 3:10

Khan bĕ kơ lu bơngai 'lơ̆ng tơpăt. Pŭn hiôk kơ lu sư; yua kơ lu sư gô đei sa plei đơ̆ng lu sư jang kơdih.

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Luka 10:28

Yêsu khan kơ sư: “Tơdrong ih tơl noh trŏ tơpă. Ih pơm kiơ̆ hloi bĕ na ih gô arih ling-lang.”

Rom 10:5

Môis chih sơ̆ khan, bu wă kơ 'lơ̆ng hăm 'Bok Kei-Dei, sư athei kiơ̆ tơdrong juăt 'Bok Kei-Dei pơkă mă truh um nhen tơnen tơpă na sư 'lơ̆ng hăm 'Bok Kei-Dei gơh arih ling-lang.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 4:4

Bơngai bu oei kiơ̆ Kră Yang 'Bok Kei-Dei lu iĕm kơjăp, oei arih ngăl truh năr âu.

Both 6:2

Wă kơ lu iĕm păng kon sâu iĕm băt kơ hli yom kơ Kră Yang 'Bok Kei-Dei iĕm, đĭ chăl arih tơ kơpal teh wei răk dôm lu tơdrong juăt păng nơ̆r Sư tơtă; wă kơ lu iĕm oei arih sot.

Both 6:23

Na Sư chông ba tơlĕch boih lu bơ̆n đơ̆ng dêh ei, Sư chông anhăk lu nhôn mơ̆t tơ dêh Sư mă pơkă wă ăn kơ 'bok lu bơ̆n; păng wă ăn kơ lu bơ̆n.

Both 8:1

Lu iĕm athei kơchăng pơm kiơ̆ bĕ đĭ dôm nơ̆r tơtă mă đơ̆ng inh roi ăn kơ lu iĕm năr âu, wă kơ lu iĕm arih, gơh pơjing băl rai lơ, na mơ̆t iŏk dêh mă Kră Yang đei pơkă pơkăm hăm lu 'bok iĕm sơ̆.

Both 8:3

Sư ăn kơ iĕm pơngot 'me rong iĕm ăn kơ iĕm sa mana mă iĕm păng lu yă 'bok kư̆m tam mă biơh băt, wă bơtho iĕm băt, kon bơngai arih ưh kơ trŏ arih đơ̆ng tơmam sa đĕch ôh, mă-lei kon bơngai arih đơ̆ng nơ̆r Kră Yang.