Both 6:22 - Sơ̆p Hlabơar Nơ̆r 'Bok Kei-Dei

²² Kră Yang đei pơm tơ'bôh boih dôm lu tơdra hlĭch păng mơsêh mơyang krưp dêh tơpă, pơrăm dêh Êyiptơ, Pharaôn păng đĭ lu yŏng mơng sư 'bơ̆t anăp bơ̆n.

Both 6:22 Iomraidhean Croise

Horiso 135:9

Ơ bơngai Êyiptơ! Sư ăn boih dôm tơdrong hlĭch chrơp tơ iĕm, wă phak pơtao Pharaôn păng lu jang kơ sư;

Horiso 136:4

Lăp minh 'nu Sư đĕch mă pơm mơsêh hlĭch dêh. Tơdrong 'mêm Sư oei oei ling-lang.

Horiso 91:8

Ih lăp lăng 'bôh hăm măt đĕch. Păng gô 'bôh tơdrong pơm tơwih kơ lu bơngai pơm kơnê̆.

Le 10:2

wă kơ ih gô roi kơ kon sâu ih mơsêh tih-tin Inh pơm kơ kon pơlei Êyiptơ, dôm tơdrong mơsêh Inh pơm bơih lăm lu sư, wă kơ lu sư băt kơ Inh Kră Yang.

Le 3:20

Mă-lei inh gô chro ti pơm kơ dêh Êyiptơ hăm tơdrong mơsêh hlĭch tơ lăm dêh 'noh, đơ̆ng rŏng kơ 'noh sư gô ăn kơ iĕm năm.

Both 1:30

Kră Yang 'Bok Kei-Dei lu iĕm năm adrol, sư gô tơblah dŏng lu iĕm, kư̆m thoi sư đei pơm boih 'bơ̆t anăp lu iĕm tơ dêh Êyiptơ.

Both 3:21

Kơplah noh inh pơkă boih kơ Jôsuê: Măt ih 'bôh boih dôm tơdrong Kră Yang 'Bok Kei-Dei lu iĕm hlôi pơm boih kơ 'bar 'nu pơtao âu; Kră Yang kư̆m gô pơm thoi noh kơ dôm lu teh đak ayơ mă iĕm wă năm mơ̆t.

Both 4:3

Măt lu iĕm hlôi 'bôh boih dôm tơdrong Kră Yang pơm tơ Baal Pêôr. Kră Yang 'Bok Kei-Dei lu iĕm đei pơlôch pơrăm đĭ lu bơngai lui kiơ̆ Baal Pêôr đơ̆ng lăm lu iĕm.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Both 6:21

Na iĕm gô tơl, sơ̆ lu bơ̆n pơm đĭch kơ Pharaôn tơ dêh Êyiptơ na Kră Yang đei yua ti pran kơtang Sư chông ba lu bơ̆n lĕch đơ̆ng dêh Êyiptơ ei;

Both 6:23

Na Sư chông ba tơlĕch boih lu bơ̆n đơ̆ng dêh ei, Sư chông anhăk lu nhôn mơ̆t tơ dêh Sư mă pơkă wă ăn kơ 'bok lu bơ̆n; păng wă ăn kơ lu bơ̆n.

Both 7:19

Dôm tơdrong pơlong lăng tih dêh măt lu iĕm 'bôh boih, dôm lu tơdrong mơsêh tih hlĭch chrơp, tơpang ti mơsêh, pran kơtang Kră Yang 'Bok Kei-Dei iĕm đei chông tơlĕch iĕm đơ̆ng dêh Êyiptơ boih. Kră Yang 'Bok Kei-Dei iĕm kư̆m gô pơm kơ đĭ-đăng lu adrĕch mă iĕm hli noh.