Both 6:20 - Sơ̆p Hlabơar Nơ̆r 'Bok Kei-Dei

²⁰ Ning-mônh, dah đei kon sâu iĕm jet: Dôm lu khôi juăt, tơdrong juăt păng nơ̆r tơtă 'nâu, mă Kră Yang 'Bok Kei-Dei lu bơ̆n tơtă wă khan kiơ?

Both 6:20 Iomraidhean Croise

Horiso 44:1

Ơ Kră Yang 'Bok Kei-Dei, đon lu nhôn đei kơtơ̆ng, Lu 'bok yă nhôn đei roi ăn, Tơdrong jang Kră Yang đei pơm lăm chăl arih lu sư. Sơ̆ ki sơ̆ kach.

Le 10:2

wă kơ ih gô roi kơ kon sâu ih mơsêh tih-tin Inh pơm kơ kon pơlei Êyiptơ, dôm tơdrong mơsêh Inh pơm bơih lăm lu sư, wă kơ lu sư băt kơ Inh Kră Yang.

Le 12:26

Mưh kon sâu lu iĕm apinh khan: Tơdrong giĕng 'nâu wă khan kiơ?

Le 13:14

Na tơdah dơning dơmônh kon drŏ-nglo iĕm apinh iĕm: Tơdrong noh wă khan kiơ? Lei ih athei roi kơ sư: 'Noh yua kơ Kră Yang yua ti mơsêh pơklaih lu nhôn lĕch đơ̆ng dêh Êyiptơ, dêh mă nhôn pơm đĭch;

Le 13:8

Lăm năr noh athei roi ăn kơ kon drŏ-nglo iĕm, bơ̆n pơm tơdrong 'noh yua kơ Kră Yang pơm 'lơ̆ng kơ inh, kơplah inh lĕch đơ̆ng dêh Êyiptơ.

Tơdrông Pơđơk 22:6

Bơtho tơ'bôh bĕ kơ lu bơngai oei hơ'lơ̆p trong sư wă yak kiơ̆. Wă truh tơ kră lu sư huay kơ weh dơ̆ng trong noh.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 6:19

Kră Yang gô puh lê̆ đĭ lu bơngai ayăt đơ̆ng anăp iĕm kư̆m thoi Sư đei pơkă boih.

Both 6:21

Na iĕm gô tơl, sơ̆ lu bơ̆n pơm đĭch kơ Pharaôn tơ dêh Êyiptơ na Kră Yang đei yua ti pran kơtang Sư chông ba lu bơ̆n lĕch đơ̆ng dêh Êyiptơ ei;

Both 6:7

Athei adrin bơtho ăn dôm tơdrong noh kơ lu kon iĕm păng bơtho tơdrong âu kơplah sư oei lăm hnam, dah oei năm rok trong, dah wă tep, dah iung đơ̆ng tep.