Both 6:2 - Sơ̆p Hlabơar Nơ̆r 'Bok Kei-Dei

² Wă kơ lu iĕm păng kon sâu iĕm băt kơ hli yom kơ Kră Yang 'Bok Kei-Dei iĕm, đĭ chăl arih tơ kơpal teh wei răk dôm lu tơdrong juăt păng nơ̆r Sư tơtă; wă kơ lu iĕm oei arih sot.

Both 6:2 Iomraidhean Croise

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Bl 22:12

Linh jang 'lơ̆ng khan thoi âu: “Lê̆ kơ hơ-ô ti ih tơ akâu kon hơ'lơ̆p âu păng kư̆m 'nĕ kơ pơrăm sư yua kơ dang ei Inh băt boih ih hli yom kơ Inh, na huay mah kơeng kơ kon ih wă pơyơ̆r kơ Inh.”

I Pot 8:40

Lei ha apinh Ih ăn kơ lu sư đei jơhngơ̆m băt hli yom kơ Ih ling-lang, kơplah lu sư arih lăm teh đak âu mă Ih ăn kơ 'bok yă lu nhôn.

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Horiso 111:10

Tơdrong hli yom kơ Kră Yang jing tơm tơdrong hơgei, Bơngai bu mă wei răk nơ̆r Sư bơtho pơkă gô đei đon hlôh wao. Tơdrong hơri bơnê ư-ang kơ Sư oei oei ling-lang.

Horiso 128:1

Pŭn dêh kơ bơngai bu mă hli yom kơ Kră Yang. Yak năm lăm trong sư!

Horiso 91:16

Inh gô ăn kơ sư arih sot păng chơt hiôk păng gô tơ'bôh ăn kơ sư tơdrong Inh dŏng pơklaih.”

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Le 20:20

Môis tơl khan: Lê̆ kơ hli, yua kơ Kră Yang 'Bok Kei-Dei jur wă pơlong lăng lu iĕm, wă kơ iĕm đei jơhngơ̆m hli yom kơ sư, na huay kơ pơm yoch hăm sư.

Tơdrông Pơđơk 16:6

Đơ̆ng 'mêm băt sĭt tơdrong yoch gơh klaih; Đơ̆ng hli yom kơ Kră Yang na gơh weh đơ̆ng tơdrong kơnê̆.

Tơdrông Pơđơk 3:16

Lăm ti 'ma sư chĕp tơdrong arih sot; Lăm ti 'ngiĕo sư đei mơdrŏng tih păng ư-ang.

Tơdrông Pơđơk 9:11

Yua kơ đơ̆ng Inh, na năr ih arih sot hloh, Lu sơnăm ih arih thim rai kơjung sot hloi.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Êsêkiên 20:19

Inh boih Kră Yang 'Bok Kei-Dei lu iĕm, chu kiơ̆ bĕ khôi juăt Inh, wei răk nơ̆r Inh tơtă păng pơm kiơ̆ bĕ.

Luka 12:5

Iĕm athei hli kơ 'Bok Kei-Dei mă gơh pơlôch akâu iĕm păng gơh hơtat iĕm tơ dơnâu ŭnh. Minh 'nu 'Bok Kei-Dei đĕch iĕm athei hli yom.

Both 10:20

Iĕm athei băt hli yom kơ Kră Yang 'Bok Kei-Dei iĕm, bơ̆jang kơ Sư, oei kơjăp lăm Sư păng yua anăn Sư pơkă pơkăm.

Both 11:9

Wă kơ lu iĕm arih sot tơ teh đak mă Kră Yang pơkă boih wă ăn kơ lu 'bok iĕm păng ăn kơ adrĕch adrung lu sư, teh đak toh păng đak sut.

Both 13:4

Lu iĕm athei yak kiơ̆ Kră Yang 'Bok Kei-Dei lu iĕm păng hli yom kơkuh kơ Sư, wei răk dôm nơ̆r Sư tơtă, mơ̆ng kiơ̆ nơ̆r Sư khan, bơ̆jang kơ Sư păng pơgơ̆p kơjăp hăm Sư.

Both 15:5

Tơdah iĕm chu mơ̆ng kiơ̆ nơ̆r Kră Yang 'Bok Kei-Dei iĕm păng kơchăng pơm kiơ̆ nơ̆r tơtă mă inh đei bơtho khan ăn kơ iĕm năr âu.

Both 22:7

Iĕm athei achăng lê̆ yŏng sư păr, na rôp iŏk kon sư, wă kơ iĕm gơh đei pŭn hiôk păng arih sot.

Both 30:19

Năr 'nâu, inh krao plĕnh păng teh pơm kơdranh ăn kơ inh, inh dan tơ'bôh 'bơ̆t anăp iĕm rơih iŏk tơdrong arih păng tơdrong lôch, tơdrong pŭn hiôk păng tơdrong hiap pơtê̆. Thoi noh, rơih bĕ tơdrong arih, wă kơ iĕm păng lu kon sâu iĕm gơh arih.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

Both 4:10

'Blŏk bĕ kơ năr iĕm dơ̆ng 'bơ̆t anăp Kră Yang 'Bok Kei-Dei iĕm tơ Hôrêp kơplah noh Kră Yang khan kơ inh thoi âu: Krao akŭm bĕ đĭ-đăng kon pơlei, wă kơ lu sư mơ̆ng nơ̆r Inh, wă pơhrăm ăn kơ lu sư băt hli yom kơ Inh kơplah lu sư oei arih tơ kơpal teh âu păng wă kơ lu sư bơtho nơ̆r âu ăn kơ lu kon sâu se lu sư dơ̆ng.

Both 4:40

Wei răk bĕ dôm lu khôi juăt păng nơ̆r tơtă đơ̆ng Sư, tơdrong mă inh bơtho boih kơ iĕm năr 'nâu, wă kơ iĕm păng kon sâu iĕm gơh đei hiôk-hian wă kơ lu iĕm oei arih sot lăm dêh Kră Yang 'Bok Kei-Dei iĕm ăn kơ iĕm ling-lang truh ning-mônh.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 5:16

Athei lui yom kơ mĕ 'bă ih, kiơ̆ thoi Kră Yang tơtă boih kơ ih wă kơ ih gơh arih sot păng đei tơdrong pŭn hiôk tơ kơpal teh âu mă Kră Yang 'Bok Kei-Dei ih ăn kơ ih.

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Both 6:1

'Nâu jơ̆ khôi juăt, nơ̆r tơtă păng nơ̆r tơbăt đơ̆ng Kră Yang 'Bok Kei-Dei lu bơ̆n, tơtă boih kơ inh bơtho ăn kơ lu iĕm, wă kơ lu iĕm pơm kiơ̆ tơdrong noh tơ lăm dêh mă lu iĕm gô mơ̆t oei.

Both 6:24

Kră Yang đei bơtho khan kơ bơ̆n athei pơm kiơ̆ đĭ-đăng dôm tơdrong juăt âu păng băt hli yom kơ Kră Yang, wă kơ lu bơ̆n gơh đei hiôk-hian ling-lang păng oei arih thoi lu bơ̆n năr 'nâu.

Both 6:7

Athei adrin bơtho ăn dôm tơdrong noh kơ lu kon iĕm păng bơtho tơdrong âu kơplah sư oei lăm hnam, dah oei năm rok trong, dah wă tep, dah iung đơ̆ng tep.

Jôsuê 4:24

Kră Yang pơm thoi noh wă kơ đĭ-đăng adrĕch adrung lăm ala teh, băt kơ Kră Yang mơsêh pran kơtang, wă kơ rim 'nu lu iĕm chu kiơ̆ Kră Yang 'Bok Kei-Dei lu iĕm ling-lang.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.