Both 6:1 - Sơ̆p Hlabơar Nơ̆r 'Bok Kei-Dei

¹ 'Nâu jơ̆ khôi juăt, nơ̆r tơtă păng nơ̆r tơbăt đơ̆ng Kră Yang 'Bok Kei-Dei lu bơ̆n, tơtă boih kơ inh bơtho ăn kơ lu iĕm, wă kơ lu iĕm pơm kiơ̆ tơdrong noh tơ lăm dêh mă lu iĕm gô mơ̆t oei.

Both 6:1 Iomraidhean Croise

Le 21:1

'Nâu tơdrong tơtă ih athei tơbăt ăn kơ kon pơlei pơla:

Le 23:13

Ih athei wei răk đĭ dôm nơ̆r inh pơkă kơ ih, 'nĕ kơ chă pơư anăn lu yang nai; 'nĕ kơ tơ'blŏk tơdrong noh đơ̆ng 'bơ̆r ih.

Êsêkiên 20:19

Inh boih Kră Yang 'Bok Kei-Dei lu iĕm, chu kiơ̆ bĕ khôi juăt Inh, wei răk nơ̆r Inh tơtă păng pơm kiơ̆ bĕ.

Êsêkiên 37:24

Đĭch đam Inh Đawit pơtao lu sư. Lu sư gô đei minh 'nu bơngai wei; lu sư gô năm kiơ̆ nơ̆r Inh tơtă; lu sư gô wei răk păng pơm kiơ̆ khôi juăt Inh.

Lêwi 27:34

Noh jơ̆ dôm tơdrong nơ̆r tơtă athei đơ̆ng Kră Yang roi khan kơ Môis păng kon pơlei Isơrael tơ kơpal kông Sinai.

Jo 36:13

Noh boih nơ̆r đơ̆ng Kră Yang tơtă pơkă kơ Môis khan ăn kơ kon pơlei adrĕch Isơrael, tơ thŭng glă char Môap, jê̆ đak Krong Jôrđăn, tơklă anăp pơlei tih Jêrikô.

Both 12:1

'Nâu bơih tơdrong juăt păng nơ̆r tơtă mă lu iĕm athei kơchăng wei răk păng pơm kiơ̆ đĭ chăl arih lu iĕm oei tơ lăm dêh mă Kră Yang 'Bok Kei-Dei 'bok iĕm ăn kơ lu iĕm iŏk oei.

Both 3:18

Kơplah noh, inh tơtă kơ lu iĕm, khan, Kră Yang 'Bok Kei-Dei lu iĕm jao boih dêh âu kơ lu iĕm iŏk bơ̆jang sa; đĭ-đăng lu bơngai nuih kơtang lu iĕm athei chĕp đao hơlă yak năm adrol kơ lu 'nhŏng oh bơ̆n, kon pơlei Isơrael.

Both 33:3

Sư 'mêm kơ kon pơlei pơla Sư tơpă; đĭ-đăng lu linh jang oei lăm tơpang ti Sư; Sơtơ̆p kŭl-tăng kơkuh 'bơ̆t jơ̆ng Sư. Sơng iŏk nơ̆r bơtho khan đơ̆ng Sư.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 4:14

Lăm kơplah noh, Kră Yang athei inh bơtho tơ'bôh kơ lu iĕm dôm nơ̆r tơtă păng khôi juăt wă kơ lu iĕm pơm kiơ̆ tơdrong noh tơ lăm dêh mă lu iĕm gô tŏk hlôi kơ đak Krong Jôrđăn năm mơ̆t iŏk.

Both 4:45

'Nâu tơdrong tơbăt păng khôi juăt păng nơ̆r tơtă mă Môis bơtho ăn kơ kon pơlei Isơrael đơ̆ng rŏng kơ lu sư lĕch đơ̆ng dêh Êyiptơ.

Both 4:5

Inh đei bơtho lu iĕm lu nơ̆r tơtă păng khôi juăt Kră Yang 'Bok Kei-Dei inh tơtă boih kơ inh, wă kơ lu iĕm pơm kiơ̆ mưh iĕm mơ̆t oei boih tơ lăm dêh char noh.

Both 5:31

Gah ih, oei bĕ 'bơ̆t dâu hăm Inh, Inh gô roi ăn kơ ih băt dôm nơ̆r tơtă, tơdrong juăt păng nơ̆r tơbăt ih gô bơtho ăn dơ̆ng kơ lu sư, wă kơ lu sư pơm kiơ̆ tơ lăm dêh mă Inh gô ăn kơ lu sư.

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Both 6:2

Wă kơ lu iĕm păng kon sâu iĕm băt kơ hli yom kơ Kră Yang 'Bok Kei-Dei iĕm, đĭ chăl arih tơ kơpal teh wei răk dôm lu tơdrong juăt păng nơ̆r Sư tơtă; wă kơ lu iĕm oei arih sot.