Both 5:5 - Sơ̆p Hlabơar Nơ̆r 'Bok Kei-Dei

⁵ Kơplah noh, inh dơ̆ng tŏk-bŏk Kră Yang hăm lu iĕm, wă bơtho nơ̆r đơ̆ng Sư ăn kơ lu iĕm; yua kơ lu iĕm hli kơ ŭnh, lu iĕm ưh kơ tŏk tơ kơpal kông. Kră Yang khan:

Both 5:5 Iomraidhean Croise

Bl 18:22

Thoi noh, 'bar 'nu lăm lu sư yak đơ̆ng noh năm tơpăt tơ pơlei Sôđôm: Mă-lei Abraham oei dơ̆ng 'bơ̆t anăp Kră Yang.

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

Horiso 106:23

Thoi noh; Sư khan: Sư wă pơlôch pơđĭ lu sư. Dah ưh kơ Môis, bơngai Sư rơih, dơ̆ng 'bơ̆t anăp Kră Yang 'Bok Kei-Dei.a Wă apinh Kră Yang 'Bok Kei-Dei lê̆ pă hil, huay kơ pơlôch đĭ lu sư.

Le 19:16

Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Le 19:21

Kră Yang khan kơ Môis, ih jur bĕ khă kon pơlei 'nĕ kơ năm tơkan tơ jê̆ wă lăng Kră Yang, kơnh hli kơ lơ bơngai gô lôch.

Le 19:25

Na, Môis jur đơ̆ng kông năm, roi ăn kơ kon pơlei băt tơdrong noh.

Je 30:21

Lu sư gô đei pơtao lĕch đơ̆ng adrĕch adrung lu sư, Kră pơgơ̆r lu sư kư̆m đei đơ̆ng lăm lu sư. Inh gô krao sư năm jê̆ Inh, wă kơ sư năm jê̆ Inh; yua kơ ưh kơ đei bơngai bu nuih pơ̆n năm jê̆ Inh.” Noh Kră Yang khan.

Jo 16:48

Sư dơ̆ng tŏk-bŏk lu bơngai lôch păng bơngai arih, na tơdrong gleh noh khơ̆t pơdơh hĭ.

Galati 3:19

Yua kơ kiơ 'Bok Kei-Dei pơkă kơ bơ̆n tơdrong juăt Sư? Yua kơ Sư wă tơbăt ăn kơ bơ̆n tơdrong 'lơ̆ng tơdrong kơnê̆. Mă-lei dôm tơdrong 'lơ̆ng trŏ kơ tơdrong juăt Sư pơkă kơ bơ̆n noh, Sư wă kơ kon bơngai lui kiơ̆ truh tơ kon sâu Abraham đei minh 'nu bơngai mă 'Bă Sư 'Bok Kei-Dei wă tơgŭm Sư noh. Tơdrong juăt 'Bok Kei-Dei pơkă sơ̆, linh jang 'lơ̆ng ăn kơ Môis tơdrong juăt noh na Môis ăn kơ kon bơngai. Thoi noh Môis pơm 'long sơlam kơ kon bơngai hăm 'Bok Kei-Dei.

Both 5:27

Ih năm mă jê̆ bĕ, wă kơ mơ̆ng dôm tơdrong Kră Yang 'Bok Kei-Dei lu nhôn khan na roi ăn kơ lu nhôn dơ̆ng, na lu nhôn gô mơ̆ng păng pơm kiơ̆.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.