Both 5:33 - Sơ̆p Hlabơar Nơ̆r 'Bok Kei-Dei

³³ Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Both 5:33 Iomraidhean Croise

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

II Pot 17:37

Lu tơdrong juăt nơ̆r tơtă, păng nơ̆r Kră Yang athei mă Sư chih ăn kơ lu iĕm; lu iĕm athei wei răk, pơm kiơ̆ ling-lang khŏm khŏm, 'nĕ kơkuh kơ lu yang nai.

I Ho 28:8

Na dang ei, 'bơ̆t anăp đĭ-đăng bơngai Isơrael kon pơlei Kră Yang păng đei Kră Yang 'Bok Kei-Dei lu bơ̆n mơ̆ng, lu iĕm wei răk bĕ dôm khôi juăt nơ̆r tơtă Kră Yang 'Bok Kei-Dei lu iĕm lei na lu iĕm gơh đei iŏk dêh char 'lơ̆ng rŏ 'nâu păng 'măn ăn kơ kon sâu đơ̆ng rŏng bơ̆jang sa ling-lang.

Horiso 119:6

Inh ưh kơ đei mơlâu ôh. Kơplah inh lăng tơ lu nơ̆r Ih tơtă,

Horiso 37:11

Mă-lei lu bơngai 'lơ̆ng tơpăt gô đei teh jang sa. Păng 'nă hal lăm tơdrong rơnŭk rơnua tih.

Horiso 37:22

Yua kơ lu bơngai mă Kră Yang ăn pŭn hiôk gô đei iŏk teh jang sa; Gah lu bơngai mă Sư hiap pơtê̆ gô lôch răm đĭ.

Horiso 37:29

Lu bơngai tơpăt gô đei teh, Păng oei hloi tơ noh ling-lang.

Horiso 37:34

Chang gô bĕ Kră Yang păng wei kiơ̆ trong Sư, Sư gô hơtŏk ih wă kơ đei teh! Mưh lu kơnê̆ răm đĭ, Ih gô 'bôh tơdrong noh.

Horiso 37:9

Yua kơ lu bơngai kơnê̆ gô răm đĭ; Mă-lei gah lu bơngai chang gô Kră Yang gô đei teh jang sa.

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Tơdrông Pơđơk 3:1

Ơ dăm, 'nĕ kơ hiơt ôh tơdrong Inh bơtho khan; Răk bĕ tơdrong Inh tơtă lăm jơhngơ̆m ih.

Je 42:6

Mă 'lơ̆ng dah kơnê̆, lu nhôn pơkă gô pơm kiơ̆ kơ nơ̆r Kră Yang lu nhôn, wă kơ đei pŭn hiôk. Tơpă lu nhôn gô chu yom nơ̆r Kră Yang 'Bok Kei-Dei lu nhôn.”

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Êsêkiên 20:19

Inh boih Kră Yang 'Bok Kei-Dei lu iĕm, chu kiơ̆ bĕ khôi juăt Inh, wei răk nơ̆r Inh tơtă păng pơm kiơ̆ bĕ.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Êphêsô 6:3

Sư pơkă khan dah bơ̆n chu kiơ̆ tơdrong juăt chu yom mĕ 'bă, Sư gô ăn kơ bơ̆n arih hiôk păng arih sot tơ ala teh âu.

Both 10:12

Ơ bơngai Isơrael, dang ei Kră Yang 'Bok Kei-Dei iĕm tơtă athei pơm kiơ? Athei băt hli yom kơ Kră Yang 'Bok Kei-Dei iĕm, yak kiơ̆ đĭ trong Sư, 'mêm kơ Sư păng bơ̆jang kơ Kră Yang 'Bok Kei-Dei iĕm hăm đĭ jơhngơ̆m, đĭ bơhngol iĕm,

Both 11:9

Wă kơ lu iĕm arih sot tơ teh đak mă Kră Yang pơkă boih wă ăn kơ lu 'bok iĕm păng ăn kơ adrĕch adrung lu sư, teh đak toh păng đak sut.

Both 12:25

'Nĕ kơ sa pham, wă kơ iĕm păng kon sâu iĕm gơh đei pŭn hiôk, yua kơ pơm 'lơ̆ng trŏ thoi Kră Yang lăp đon.

Both 12:28

Athei bơwei păng mơ̆ng răk kiơ̆ dôm tơdrong 'nâu mă inh đei bơtho pơkă kơ iĕm 'nâu, wă kơ iĕm păng kon sâu iĕm gơh đei pŭn hiôk ling-lang, yua kơ pơm dôm tơdrong 'lơ̆ng trŏ thoi noh Kră Yang 'Bok Kei-Dei lăp đon.

Both 22:7

Iĕm athei achăng lê̆ yŏng sư păr, na rôp iŏk kon sư, wă kơ iĕm gơh đei pŭn hiôk păng arih sot.

Both 29:8

Iŏk dêh char sư pơjao ăn kơ adrĕch Rubên, Gat păng pơjao ăn minh puăt kơ adrĕch Manase jang sa.

Both 30:16

Năr 'nâu inh athei iĕm 'mêm kơ Kră Yang 'Bok Kei-Dei, yak kiơ̆ trong Sư păng wei răk dôm lu nơ̆r tơtă, khôi juăt Sư păng nơ̆r Sư athei, wă kơ iĕm arih sot hrôh ngôh, Kră Yang 'Bok Kei-Dei ăn pŭn hiôk kơ lăm dêh char mă iĕm gô mơ̆t iŏk.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Both 4:40

Wei răk bĕ dôm lu khôi juăt păng nơ̆r tơtă đơ̆ng Sư, tơdrong mă inh bơtho boih kơ iĕm năr 'nâu, wă kơ iĕm păng kon sâu iĕm gơh đei hiôk-hian wă kơ lu iĕm oei arih sot lăm dêh Kră Yang 'Bok Kei-Dei iĕm ăn kơ iĕm ling-lang truh ning-mônh.

Both 5:16

Athei lui yom kơ mĕ 'bă ih, kiơ̆ thoi Kră Yang tơtă boih kơ ih wă kơ ih gơh arih sot păng đei tơdrong pŭn hiôk tơ kơpal teh âu mă Kră Yang 'Bok Kei-Dei ih ăn kơ ih.

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.

Both 6:1

'Nâu jơ̆ khôi juăt, nơ̆r tơtă păng nơ̆r tơbăt đơ̆ng Kră Yang 'Bok Kei-Dei lu bơ̆n, tơtă boih kơ inh bơtho ăn kơ lu iĕm, wă kơ lu iĕm pơm kiơ̆ tơdrong noh tơ lăm dêh mă lu iĕm gô mơ̆t oei.

Both 6:3

Ơ Isơrael, mơ̆ng bĕ păng pơm kiơ̆ tơdrong noh wă kơ iĕm gơh đei pŭn hiôk păng rai lơ, dêh char thoi đak toh đak sut mă Kră Yang 'Bok Kei-Dei lu 'bok iĕm đei pơkă hăm lu iĕm.

Both 8:1

Lu iĕm athei kơchăng pơm kiơ̆ bĕ đĭ dôm nơ̆r tơtă mă đơ̆ng inh roi ăn kơ lu iĕm năr âu, wă kơ lu iĕm arih, gơh pơjing băl rai lơ, na mơ̆t iŏk dêh mă Kră Yang đei pơkă pơkăm hăm lu 'bok iĕm sơ̆.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.