Both 5:22 - Sơ̆p Hlabơar Nơ̆r 'Bok Kei-Dei

²² Tơ kơpal kông, đơ̆ng tŏk-bŏk ŭnh, đơ̆ng lăm hơmơ̆l păng đơ̆ng lăm măng mu, đei nơ̆r re kơtang; Kră Yang khan dôm lu nơ̆r âu ăn kơ đĭ-đăng lu iĕm, Sư ưh kơ đei thim ôh; Sư chih dôm lu nơ̆r noh tơ kơpal 'bar hlak tơmo lat na jao ăn kơ inh.

Both 5:22 Iomraidhean Croise

II Pot 17:37

Lu tơdrong juăt nơ̆r tơtă, păng nơ̆r Kră Yang athei mă Sư chih ăn kơ lu iĕm; lu iĕm athei wei răk, pơm kiơ̆ ling-lang khŏm khŏm, 'nĕ kơkuh kơ lu yang nai.

Le 20:21

Na kon pơlei dơ̆ng đơ̆ng ataih, Môis năm jê̆ hơmơ̆l hơ'bơ̆l mă Kră Yang 'Bok Kei-Dei oei lăm noh.

Le 24:12

Kră Yang khan kơ Môis: Tŏk bĕ tơ Inh tơ kơpal kông păng gô tơ noh; Inh gô ăn kơ ih tơmo lat, chih răk khôi juăt păng nơ̆r tơtă wă bơtho kon pơlei pơla,

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Both 4:33

Hăm tam đei minh adrĕch ayơ kơtơ̆ng nơ̆r Kră Yang 'Bok Kei-Dei pơma đơ̆ng lăm ŭnh thoi lu iĕm đei kơtơ̆ng boih mă oei arih dang ei.

Both 4:36

Đơ̆ng kơpal plĕnh Sư ăn kơ iĕm kơtơ̆ng nơ̆r Sư, wă bơtho pơhrăm iĕm, tơ kơpal teh Sư ăn kơ iĕm 'bôh ŭnh tih Sư păng đơ̆ng lăm ŭnh lu iĕm đei kơtơ̆ng nơ̆r Sư pơma.

Both 5:23

Kơplah lu iĕm kơtơ̆ng nơ̆r pơma đơ̆ng lăm măng mu kơplah ŭnh oei sa kông lu iĕm năm tơ inh, đĭ-đăng lu kră pơgơ̆r păng dôm lu yŏng kơdră lăm adrĕch iĕm:

Both 5:4

Kră Yang pơma boih hăm lu iĕm tơ kơpal kông đơ̆ng lăm ŭnh.

Hêbrơ 12:18

Tơ̆ng bơ̆n gơnang kơ Yêsu Krist tơpă, bơ̆n huay kơ hli kơ 'Bok Kei-Dei thoi lu bơngai Isơrael sơ̆ ôh. Lu bơngai Isơrael sơ̆ lu sư hli kơ 'Bok Kei-Dei pơm tơ'bôh kơ lu sư đei ŭnh pla tih tơ kông Sinai păng đei 'nhui găm măng mu đei kial hơbŭt.