Both 5:16 - Sơ̆p Hlabơar Nơ̆r 'Bok Kei-Dei

¹⁶ Athei lui yom kơ mĕ 'bă ih, kiơ̆ thoi Kră Yang tơtă boih kơ ih wă kơ ih gơh arih sot păng đei tơdrong pŭn hiôk tơ kơpal teh âu mă Kră Yang 'Bok Kei-Dei ih ăn kơ ih.

Both 5:16 Iomraidhean Croise

Le 20:12

Athei chu yom kơ mĕ 'bă ih, wă kơ ih gơh arih sot tơ kơpal teh mă Kră Yang 'Bok Kei-Dei đei ăn.

Tơdrông Pơđơk 3:1

Ơ dăm, 'nĕ kơ hiơt ôh tơdrong Inh bơtho khan; Răk bĕ tơdrong Inh tơtă lăm jơhngơ̆m ih.

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Lêwi 19:3

Rim 'nu lu iĕm athei lui yom kơ mĕ 'bă păng răk năr Sa'bat Inh, Inh boih Kră Yang 'Bok Kei-Dei lu iĕm.

Mathiơ 19:19

bơ̆n athei lui yom kơ mĕ 'bă, bơ̆n athei 'mêm kơ bôl buăl thoi bơ̆n 'mêm akâu kơdih.”

Markôs 10:19

Ih băt boih tơdrong 'Bok Kei-Dei pơkă sơ̆: ‘'Nĕ pơlôch bơngai, 'nĕ pơm pơyô kư̆ kă, 'nĕ chă tơtông tơmam đe, 'nĕ pơma hơlĕnh, 'nĕ pơgâm sa mŭk tơmam đe, bơ̆n athei lui yom kơ mĕ 'bă.’ ”

Markôs 7:10

Môis khan boih thoi âu: ‘Iĕm athei lui yom kơ lu mĕ 'bă păng dah bơngai bu pơma kơnê̆ kơ mĕ 'bă sư, athei pơlôch tŭk bơngai noh.’

Luka 18:20

Ih băt boih tơdrong 'Bok Kei-Dei pơkă sơ̆. Sư khan: ‘'Nĕ plah klo kăn đe, 'nĕ pơlôch bơngai, 'nĕ chă tơtông mŭk tơmam đe, 'nĕ kơ pơma hơlĕnh, athei lui yom kơ mĕ 'bă.’ ”

Both 11:9

Wă kơ lu iĕm arih sot tơ teh đak mă Kră Yang pơkă boih wă ăn kơ lu 'bok iĕm păng ăn kơ adrĕch adrung lu sư, teh đak toh păng đak sut.

Both 27:16

Hiap pơtê̆ bĕ kơ bơngai bu pơdê mĕ 'bă sư! Đĭ-đăng kon pơlei gô khan: A-men!

Both 4:40

Wei răk bĕ dôm lu khôi juăt păng nơ̆r tơtă đơ̆ng Sư, tơdrong mă inh bơtho boih kơ iĕm năr 'nâu, wă kơ iĕm păng kon sâu iĕm gơh đei hiôk-hian wă kơ lu iĕm oei arih sot lăm dêh Kră Yang 'Bok Kei-Dei iĕm ăn kơ iĕm ling-lang truh ning-mônh.

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Both 6:2

Wă kơ lu iĕm păng kon sâu iĕm băt kơ hli yom kơ Kră Yang 'Bok Kei-Dei iĕm, đĭ chăl arih tơ kơpal teh wei răk dôm lu tơdrong juăt păng nơ̆r Sư tơtă; wă kơ lu iĕm oei arih sot.

Kôlôsê 3:20

Ơ lu bơngai 'lơ̆p 'lŏ drŏ-nglo drŏ-kăn, iĕm athei băt chu yom kơ lu mĕ 'bă iĕm lăm tôm tơdrong yua kơ iĕm lui boih kơ Kră Yang Yêsu Krist. 'Bok Kei-Dei Sư lăp đon thoi noh.