Both 5:14 - Sơ̆p Hlabơar Nơ̆r 'Bok Kei-Dei

¹⁴ Mă-lei lăm năr tơpơh noh năr pơdơh Kră Yang 'Bok Kei-Dei iĕm; 'nĕ kơ bơ̆jang minh tơdrong kiơ, kon drŏ-nglo kon drŏ-kăn iĕm, đĭch drŏ-nglo đam drŏ-kăn iĕm, dah rơmo, aseh iĕm, dah lu sem dơrong iĕm, dah lu tơmoi chă oei pơdơh lăm hnam iĕm, wă kơ lu đĭch đam drŏ-nglo drŏ-kăn iĕm kư̆m pơdơh thoi iĕm mơ̆n.

Both 5:14 Iomraidhean Croise

Bl 2:2

Năr mă tơpơh Kră Yang 'Bok Kei-Dei pơm keh boih dôm tơdrong jang Sư.

Ne 13:15

Kơplah chăl noh, inh 'bôh lăm char Juđa lu bơngai hmĕt đak hơmu, lăm năr Sa'bat chĕp hơchô̆ 'ba chơ tơ kơdŭ aseh păng kư̆m chơ sik plei hơmu, plei hơra păng chơ dôm lu tơmam trăp, na chơ chĕp ba mơ̆t lăm pơlei Jêrusalem lăm năr Sa'bat. Inh khă lu sư mơdro tơmam sŏng sa lăm năr noh.

Ne 13:16

Kŭm đei bơngai Tir oei tơ noh, chĕp ba ka păng dôm lu tơmam nai tĕch mơdro kơ lu bơngai Juđa păng tơ lăm pơlei Jêrusalem lăm năr Sa'bat.

Ne 13:21

Mă-lei inh khan kơ lu sư iĕm athei kơchăng, yua kơ kiơ lu iĕm 'bĭch tep tơ 'nguaih kơ dur pơlei? Tơdah lu iĕm oei pơm dơ̆ng thoi noh inh gô rôp lu iĕm, đơ̆ng năr noh lu sư ưh pă năm boih lăm năr Sa'bat.

Ne 5:5

Akâu akar lu nhôn kư̆m nhen akâu akar lu 'nhŏng oh lu nhôn mơ̆n, kon tơdăm lu nhôn kư̆m nhen kon tơdăm lu sư mơ̆n; na dang ei lu nhôn rôp kon tơdăm păng kon adruh lu nhôn pơm đĭch hă păng kư̆m đei boih kon adruh lu nhôn pơm đĭch boih, mă tơpă lu nhôn pă đei gơh wă huai iŏk dơ̆ng; yua kơ chŭn mir păng pơgar hơmu lu nhôn đĭ tơ lu đe nai iŏk boih.

Le 23:12

Lăm rim giĕng ih athei bơ̆jang lăm tơdrâu năr, sơmă truh kơ năr mă tơpơh athei pơdơh, wă kơ rơmo păng aseh iĕ ih gơh pơdơh mơ̆n; hăm kon đĭch đam drŏ-kăn păng bơngai tơmoi gơh pơdơh jơhngơ̆m rơhơi.

Lêwi 23:3

Đe gô bơ̆jang lăm tơdrâu năr; mă-lei năr tơpơh, noh năr Sa'bat, năr đe pơdơh wă khan năr akŭm kơkuh 'lơ̆ng rơgoh. 'Nĕ kơ bơ̆jang kiơ; noh năr Sa'bat kơ Kră Yang tơ lăm jơ̆p-jang anih lu iĕm.

Markôs 2:27

Yêsu khan dơ̆ng kơ lu bơngai Pharisi: “'Bok Kei-Dei pơjing năr pơdơh Sa'bat wă pơyua kon bơngai đei năr pơdơh, ưh kơ sĭ Sư pơjing năr Sa'bat wă kơ kon bơngai iŏk tơdrong gleh ôh.

Luka 23:56

Klaih kơ noh lu sư brŏk tơ hnam chă hơmet pơgang 'bâu phu wă năm pik tơ akâu Yêsu. Kơplah năr pơdơh Sa'bat lu sư kư̆m pơdơh kiơ̆ kơ tơdrong juăt 'Bok Kei-Dei mơ̆n.

Both 5:13

Iĕm athei bơ̆jang lăm tơdrâu năr đĕch;

Hêbrơ 4:4

Yua kơ lăm hla bơar Sư kư̆m đei khan gah năr tơpơh noh sơ̆ thoi âu: “Truh năr tơpơh, 'Bok Kei-Dei pơdơh tôm kơ tơdrong jang Sư.”