Both 5:12 - Sơ̆p Hlabơar Nơ̆r 'Bok Kei-Dei

¹² Iĕm athei 'blŏk kơ năr tơpơh wă pơm năr giĕng 'lơ̆ng rơgoh, kư̆m thoi Kră Yang 'Bok Kei-Dei iĕm pơkă ăn boih kơ iĕm.

Both 5:12 Iomraidhean Croise

Ne 13:15

Kơplah chăl noh, inh 'bôh lăm char Juđa lu bơngai hmĕt đak hơmu, lăm năr Sa'bat chĕp hơchô̆ 'ba chơ tơ kơdŭ aseh păng kư̆m chơ sik plei hơmu, plei hơra păng chơ dôm lu tơmam trăp, na chơ chĕp ba mơ̆t lăm pơlei Jêrusalem lăm năr Sa'bat. Inh khă lu sư mơdro tơmam sŏng sa lăm năr noh.

Le 16:23

Sư tơl khan: 'Noh nơ̆r Kră Yang tơtă boih: Dơning jing năr pơdơh, năr Sa'bat 'lơ̆ng rơgoh ăn kơ Kră Yang, phang bĕ tơmam kiơ lu iĕm wă phang, pai bĕ tơmam kiơ lu iĕm wă pai; oei wă 'măn lê̆ truh tơ pơgê dơning.

Le 16:30

Thoi noh, năr tơpơh kon pơlei pơdơh.

Le 31:13

Khan bĕ kơ kon pơlei Isơrael, lu iĕm athei 'blŏk wei răk năr Sa'bat Inh, yua kơ tơdrong noh jơ̆ tơdrong tơdra tŏk-bŏk Inh hăm iĕm ling-lang đĭ jơhnơr, wă kơ iĕm băt Inh bơih Kră Yang, pơm ăn kơ iĕm jơ̆ rơgoh 'lơ̆ng.

Le 31:15

Đe gô bơ̆jang lăm tơdrâu năr, mă-lei năr mă tơpơh jơ̆ năr Sa'bat, năr pơdơh, năr 'lơ̆ng rơgoh ăn kơ Kră Yang. Lăm năr Sa'bat, dah bơngai bu bơ̆jang minh tơdrong kiơ, đe gô pơpuh sư.

Êsai 56:6

Dôm Lu bơngai tơmoi mă đei pơgơ̆p hăm Kră Yang bơih, wă chu kiơ̆ kơ Sư 'mêm kơ anăn Kră Yang păng wă pơm đĭch đam Sư; lu bơngai noh wei răk năr pơdơh Sa'bat huay kơ pơm glăi, păng chĕp kơjăp nơ̆r pơgơ̆p Inh.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Je 17:22

Lăm năr Sa'bat, 'nĕ kơ pŭ dah tung tơmam kiơ đơ̆ng lăm hnam iĕm, dah 'nĕ kơ jang kiơ; mă-lei athei 'măn năr Sa'bat jing năr giĕng 'lơ̆ng rơgoh, thoi Inh đei tơtă khan kơ lu 'bok yă iĕm sơ̆.

Markôs 2:27

Yêsu khan dơ̆ng kơ lu bơngai Pharisi: “'Bok Kei-Dei pơjing năr pơdơh Sa'bat wă pơyua kon bơngai đei năr pơdơh, ưh kơ sĭ Sư pơjing năr Sa'bat wă kơ kon bơngai iŏk tơdrong gleh ôh.

Both 5:13

Iĕm athei bơ̆jang lăm tơdrâu năr đĕch;