Both 5:10 - Sơ̆p Hlabơar Nơ̆r 'Bok Kei-Dei

¹⁰ Păng gô 'mêm kơ lu bơngai mă 'mêm kơ Inh păng wei răk dôm lu nơ̆r Inh tơtă truh kơ rơbâu jơhnơr.

Both 5:10 Iomraidhean Croise

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 34:7

Răk tơdrong 'mêm kơeng kơ lơ rơbâu jơhnơr kon bơngai, mơnat ăn tơdrong pơm kơnê̆, pơm yoch kơ tơdrong juăt mă-lei Inh ưh kơ lê̆ ôh gô phak bơngai pơm yoch păng jô̆ tơdrong yoch đơ̆ng Mĕ 'Bă sư pơm, inh gô phak truh tơ kon sâu sư dĭng truh tơ pêng puăn jơhnơr.

Je 32:18

Ih tơ'bôh boih tơdrong Ih 'mêm rơbâu rơngan jơhnơr, mă-lei gô phak tơpŭ tơdrong yoch đơ̆ng 'bă kơ lu kon sâu sư đơ̆ng rŏng. Ih boih Kră Yang, 'Bok Kei-Dei, Tơ'ngla mơsêh mơyang tih, anăn Ih Kră Yang Tih Hloh.

Da 9:4

Thoi noh, na inh krao khan kơ Kră Yang 'Bok Kei-Dei inh păng inh tơbral yoch inh hăm Sư. Thoi âu: Ơ! Kră Yang 'Bok Kei-Dei Tih hloh, trŏ kơ hli krưp! Ih mă oei răk dôm nơ̆r đêl pơkă păng tơdrong 'mêm mơnat kơ lu bơngai mă 'mêm kơ Ih păng lu bơngai oei răk khôi juăt Ih.

Jo 14:18

Kră Yang hiơ̆ kơ hil păng 'bĕnh hăm tơdrong 'mêm mơnat; huay kơ jô̆ yo tơdrong yoch; mă-lei Sư ưh kơ jô̆ ôh lu bơngai pơm yoch khan 'lơ̆ng; păng ưh kơ lê̆ pŭ tơdrong yoch đơ̆ng 'bok yă lu sư truh tơ kon sâu sư pêng puăn jơhnơr.

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Yo 15:14

Dah iĕm răk dôm tơdrong Inh pơkă lei iĕm buăl juăt Inh tơpă.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Both 4:40

Wei răk bĕ dôm lu khôi juăt păng nơ̆r tơtă đơ̆ng Sư, tơdrong mă inh bơtho boih kơ iĕm năr 'nâu, wă kơ iĕm păng kon sâu iĕm gơh đei hiôk-hian wă kơ lu iĕm oei arih sot lăm dêh Kră Yang 'Bok Kei-Dei iĕm ăn kơ iĕm ling-lang truh ning-mônh.

Both 7:12

Tơdah iĕm mơ̆ng păng pơm kiơ̆ dôm lu tơdrong juăt âu, Kră Yang 'Bok Kei-Dei iĕm gô wei nơ̆r pơgơ̆p păng tơdrong 'mêm mơnat mă Sư đei pơkă hăm lu 'bok iĕm sơ̆.

Both 7:9

Thoi noh na iĕm athei băt kơnăl kơ Kră Yang 'Bok Kei-Dei iĕm, 'noh boih Kră Yang 'Bok Kei-Dei, wă khan Kră Yang 'Bok Kei-Dei tơpăt, wei tơdrong pơgơ̆p păng 'mêm truh tơ rơbâu jơhnơr kơ lu bơngai bu mă 'mêm kơ Sư păng wei răk dôm nơ̆r sư tơtă.

Ya 1:25

Na gah tơdrong mơ̆ng đe bơtho tơdrong 'Bok Kei-Dei pơkă, bơngai bu mơ̆ng hăm pơm kiơ̆, ưh kơ hiơt dôm tơdrong đe bơtho, bơngai noh hiôk tơpă boih, yua kơ tơdrong 'Bok Kei-Dei 'lơ̆ng tơpă ăn kơ kon bơngai bơ̆n klaih rơngei đơ̆ng tơdrong yoch.

Jôsuê 22:5

Mă-lei athei kơchăng pơm kiơ̆ nơ̆r pơkă păng khôi juăt Môis đĭch đam Kră Yang bơtho pơkă boih kơ lu iĕm 'mêm bĕ kơ Kră Yang 'Bok Kei-Dei lu iĕm păng rok kiơ̆ trong Sư, wei răk nơ̆r Sư tơtă pơgơ̆p hăm Sư păng đĭ jơhngơ̆m đon bơ̆jang kơ Sư.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.