Both 4:6 - Sơ̆p Hlabơar Nơ̆r 'Bok Kei-Dei

⁶ Lu iĕm athei wei răk pơm kiơ̆ bĕ dôm lu nơ̆r tơtă păng khôi juăt âu; yua kơ noh jơ̆ tơdrong hơgei păng tơdrong hlôh wao lu iĕm 'bơ̆t anăp lu adrĕch adrung đe nai. Lu sư kơtơ̆ng gah khôi juăt âu, na lu sư khan: Lu kon pơlei âu jơ̆ minh adrĕch hơgei păng hlôh wao!

Both 4:6 Iomraidhean Croise

I Pot 4:34

Đơ̆ng rim kơ adrĕch adrung kon bơngai năm mơ̆ng tơdrong gơh hơgei pơtao Sôlômôn păng đĭ-đăng lu pơtao lăm teh đak kư̆m đei kơtơ̆ng boih tơdrong gơh hơgei sư.

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Horiso 111:10

Tơdrong hli yom kơ Kră Yang jing tơm tơdrong hơgei, Bơngai bu mă wei răk nơ̆r Sư bơtho pơkă gô đei đon hlôh wao. Tơdrong hơri bơnê ư-ang kơ Sư oei oei ling-lang.

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Horiso 19:8

Tơdrong Kră Yang athei jơ̆ tơpăt, Pơm ăn kơ jơhngơ̆m chơt hiôk. Nơ̆r tơtă Kră Yang jơ̆ rơgoh, pơm ăn kơ măt đe hơdah hơdong.

Tơdrông Pơđơk 1:4

Wă ăn kơ lu bơngai kơtul kơwao gơh kơchăng, bơngai hơmuh hơmŏng băt hlôh păng băt tơchĕng.

Tơdrông Pơđơk 1:5

Bơngai gơh hơgei gô mơ̆ng păng rai hŏk pơhrăm, Bơngai hlôh wao gô đei iŏk tơdrong bơtho tơ'bôh.

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Tơdrông Pơđơk 14:34

Tơdrong 'lơ̆ng tơpăt băt tơiung dêh char. Mă-lei đei tơdrong kiơ yoch pơm kơ adrĕch adrung mơlâu.

Tơdrông Pơđơk 14:8

Tơdrong hơgei lu bơngai đei đon kơchăng lăng băt nhen trong kơdih; Tơdrong bơlŭk lu bơngai kơtul pơma hơlĕnh kơ jơhngơ̆m sư kơdih.

Êsai 42:21

Kơ tơdrong 'lơ̆ng tơpăt Sư kơdih Kră Yang lăp đon, Sư gô pơm kơ khôi juăt Sư hơdah păng ư-ang.

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Êsêkiên 5:5

'Nâu nơ̆r Kră Yang Tih Hloh khan: Âu pơlei Jêrusalem, Inh dan sư tŏk-bŏk lu dêh char păng lu teh đak jum dăr kơ sư.

Da 1:20

Na pơtao apinh lu sư tôm tơdrong gah tơdrong gơh hơgei, na 'bôh lu sư gơh hơgei hloh kơ bơngai păng bơngai tơwir lăm jơ̆p kơ dêh char sư mơjĭt wơ̆t 'mơ̆i.

Da 4:9

Ơ Beltơsatsar, ih pơm yŏng đĭ kơ lu bơngai hơgei, inh băt đei yang 'lơ̆ng oei lăm ih păng ưh kơ đei tơdrong kiơ mă hlơp mă tơnat kơ ih, thoi ei boih na apinh ih tơblang ăn kơ inh tơdrong inh apo 'bôh păng tơblang kơ inh bĕ.

Hôsia 8:12

Inh đei chih ăn boih tơdrong juăt Inh lơ, mă-lei lu sư lăng thoi tơdrong mă lu sư ưh kơ hlôh.

Malachi 3:12

Jơ̆p kơ teh đak đe gô ư-ang kơ lu iĕm đei pŭn hiôk, yua kơ đơ̆ng iĕm na teh gô chơt hiôk.” Kră Yang Tih Hloh khan thoi noh.

Both 29:9

Lu iĕm athei kơchăng wei răk pơm kiơ̆ dôm nơ̆r tơdrong pơgơ̆p pơkă 'nâu, wă kơ lu iĕm gơh đei jing lăm tôm tơdrong jang iĕm pơm.

Both 32:46

na sư khan kơ kon pơlei: Lăm jơhngơ̆m lu iĕm athei wei răk bĕ đĭ dôm nơ̆r inh roi ăn kơ lu iĕm lăm năr 'nâu, wă kơ lu iĕm gơh bơtho ăn kơ lu kon sâu iĕm pơm kiơ̆ dôm nơ̆r lăm khôi juăt noh.

Both 32:47

'Nâu ưh kơ sĭ nơ̆r pơma ngôi đĕch, mă-lei noh jơ̆ tơdrong arih lu iĕm; kơplah gơnang kơ nơ̆r 'nâu, na lu iĕm gô oei arih sot tơ kơpal teh đak mă lu iĕm gô iŏk mưh iĕm tŏk hlôi kơ đak Krong Jôrđăn.

II Tim 3:15

Đơ̆ng ih oei iĕ sơ̆ ih pơhrăm sơ̆p hla bơar tơdrong 'Bok Kei-Dei. Sơ̆p hla bơar Sư boih ăn kơ bơ̆n băt tơdrong Sư pơklaih bơ̆n đơ̆ng tơdrong yoch yua kơ bơ̆n lui kơ Kră Yang Yêsu Krist.

Ya 3:13

Lăm lu iĕm hăm đei bơngai bu đei đon hơgei, đon hlôh wao băt tôm tơdrong? Sư athei pơm mă 'lơ̆ng na đe băt kơ sư bơngai đon hlôh, băt kơ sư bơngai dim gơh găt hăm đe tơpă.