Both 4:35 - Sơ̆p Hlabơar Nơ̆r 'Bok Kei-Dei

³⁵ Đei tơ'bôh boih kơ lu iĕm dôm tơdrong noh, wă băt kơ Kră Yang 'noh boih Kră Yang 'Bok Kei-Dei, ưh kơ bu nai dơ̆ng.

Both 4:35 Iomraidhean Croise

II Sam 22:32

'Nguaih kơ Kră Yang, bu dơ̆ng Kră Yang 'Bok Kei-Dei? Bu thoi tơmo tih, 'nguaih kơ Kră Yang 'Bok Kei-Dei lu nhôn mă kơkuh?

II Sam 7:22

Ơ Kră Yang, Kră Yang inh, Ih boih Kră Yang Tih Hloh ưh kơ đei bu hơtŏ kơ Ih, păng ưh kơ đei Kră Yang 'Bok Kei-Dei nai hloh kơ Ih, thoi kơ đon nhôn đei kơtơ̆ng boih.

I Pot 8:60

Wă kơ lu kon pơlei pơla lăm ala teh đak băt kơnăl kơ Sư Kră Yang 'Bok Kei-Dei, 'nguaih kơ Sư ưh pă đei yang nai bơih.

II Pot 19:19

Thoi noh na dang ei, ơ Kră Yang 'Bok kei-Dei nhôn! Pơklaih nhôn đơ̆ng ti pơtao noh bĕ wă kơ đĭ-đăng dêh char tơ teh âu băt minh 'nu Ih đĕch Kră Yang 'Bok Kei-Dei.”

I Ho 17:20

Ưh kơ đei bu thoi Ih ôh, ơ Kră Yang păng ưh kơ đei Kră Yang 'Bok Kei-Dei nai thoi Ih, kiơ̆ thoi đon lu nhôn đei kơtơ̆ng boih.

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Horiso 58:11

Na đe gô khan: “Sĭt tơpă gô đei apah kơ lu bơngai tơpăt, Sĭt tơpă đei Kră Yang 'Bok Kei-Dei sek tơlang kơpal teh.”

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Le 8:10

Pơtao tơl khan: Năr dơning, Môis khan: Lei ăn kơ nơ̆r ih pơma noh jing thoi noh, wă kơ ih băt ưh kơ đei bơngai bu thoi Kră Yang 'Bok Kei-Dei lu nhôn.

Le 8:6

Na, Arôn yơ̆r ti sư tơklă đak krong dêh Êyiptơ, kit tih iĕ mơmŏ tŏk lanh 'bĕnh jơ̆p-jang hloi dêh Êyiptơ.

Le 9:14

'Bơ̆t jơ 'nâu, Inh gô tuh tơdrong pơmat jĭ lăm jơhngơ̆m ih đĭch đam ih; păng kon pơlei ih, wă kơ ih băt, jơ̆p kơ teh đak ưh kơ đei bu thoi Inh.

Êsai 43:10

Kră Yang khan: “Lu iĕm bơih bơngai pơm kơdranh gah Inh, đĭch đam Inh mă đei rơih iŏk bơih, wă kơ lu iĕm băt păng lui kơ Inh, păng hlôh kơ Inh bơih Kră Yang iĕm noh! Ưh kơ đei 'Bok Kei-Dei ayơ mă pơjing đei adrol kơ Inh păng đơ̆ng rŏng kơ Inh kư̆m ưh kơ đei.

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Êsai 45:18

'Nâu Kră Yang khan: Inh bơih Tơ'ngla pơjing lu plĕnh, Sư bơih Kră Yang 'Bok Kei-Dei sư pơjing plei teh. Sư pơjing plei teh ưh kơ lê̆ hoh bơbông đĕch ôh, sư pơjing wă kơ đei kon pơlei oei, Kră Yang pơma thoi âu: Inh bơih Kră Yang, ưh kơ đei yang nai ôh.

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Êsai 45:5

Inh bơih Kră Yang, ưh kơ đei yang nai dơ̆ng ôh, 'nguaih kơ Inh ưh kơ đei Yang nai dơ̆ng. Mă đơ̆ng ih ưh kơ băt kơ inh, Inh gô ăn kơ ih pran kơtang.

Markôs 12:29

Yêsu khan kơ sư thoi âu: “Đĭ-đăng tơdrong juăt, tơdrong juăt âu kăl hloh: ‘Ơ bơngai Isơrael, pôm Kră Yang bơ̆n 'Bok Kei-Dei đĕch Kră Yang tih hloh.

Markôs 12:32

'Bok thây ei khan kơ Yêsu: “Ơ 'Bok Thây, Ih roi kơ nhôn tơdrong juăt âu trŏ boih. Ih roi trŏ tơpă Ih khan 'Bok Kei-Dei đĕch Kră Yang tih hloh ưh kơ đei yang nai tih hloh kơ Sư.

I Kor 8:4

Thoi noh na gah tơdrong sa tơmam đe sơmah kơ yang bơ̆n băt mơ̆n rup yang ưh kơ sĭ yang tơpă ôh. Mă tơpă bơ̆n băt kơ minh 'nu đĕch Kră Yang Tih Hloh.

I Kor 8:6

Gah lu bơ̆n, bơ̆n đei minh 'nu Kră Yang 'Bok Kei-Dei đĕch Tơ'ngla 'Bă tơm lu bơ̆n. Sư boih pơjing tôm tĕch tơdrong, Sư ăn lu bơ̆n arih wă jang tơdrong Sư. Păng bơ̆n đei minh 'nu Yŏng mơ̆n anăn Sư Yêsu Krist. Sơ̆ 'Bok Kei-Dei yua Sư pơjing tôm tơdrong na dang ei bơ̆n arih yua kơ đơ̆ng Sư.

Both 32:12

Minh Kră Yang đĕch chông anhăk lu kon pơlei Sư, Ưh kơ đei yang kiơ nai.

Both 32:23

Inh gô tơpŭ ăn tơdrong răm pơmat-tat tơ kơpal lu sư. Iŏk hră Inh prah lu sư, dĭng đĭ 'brơ̆m.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Both 4:39

Thoi noh, dang ei iĕm athei băt păng chih răk bĕ lăm jơhngơ̆m lu iĕm: Kră Yang noh boih Kră Yang 'Bok Kei-Dei tơ kơpal plĕnh ti păng tơ ala teh âu; ưh kơ đei bu nai dơ̆ng.

Both 6:4

Ơ đĭ-đăng bơngai Isơrael mơ̆ng bĕ: Kră Yang 'Bok Kei-Dei bơ̆n, Kră Yang minh đĕch, ưh kơ đei 'bar.

Both 7:9

Thoi noh na iĕm athei băt kơnăl kơ Kră Yang 'Bok Kei-Dei iĕm, 'noh boih Kră Yang 'Bok Kei-Dei, wă khan Kră Yang 'Bok Kei-Dei tơpăt, wei tơdrong pơgơ̆p păng 'mêm truh tơ rơbâu jơhnơr kơ lu bơngai bu mă 'mêm kơ Sư păng wei răk dôm nơ̆r sư tơtă.

I Sam 2:2

Ưh kơ đei bu 'lơ̆ng rơgoh thoi Kră Yang ôh, Ưh kơ đei bu nai thoi Ih; ưh kơ đei tơmo ayơ pĕng lu nhôn thoi Kră Yang 'Bok Kei-Dei.