Both 4:34 - Sơ̆p Hlabơar Nơ̆r 'Bok Kei-Dei

³⁴ Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Both 4:34 Iomraidhean Croise

Horiso 136:12

Sư yơ̆r kơkŏng păng tơpang ti mơsêh mơyang Sư. Tơdrong 'mêm Sư oei oei ling-lang.

Horiso 24:8

Pơtao ư-ang ei bu? Sư boih Kră Yang mă pran kơtang păng mơsêh. Kră Yang nuih pran lăm anih tơblah.

Horiso 78:12

Kră Yang đei pơm boih dôm tơdrong hlĭch chrơp 'bơ̆t anăp 'bok lu sư. Tơ lăm char Êyiptơ, lăm anih thŭng dơnă Sôan.

Le 1:9

Pơtao khan kơ kon pơlei sư: Kon pơlei adrĕch Isơrael rai lơ kơdrâ̆m păng pran hloh kơ lu bơ̆n.

Le 10:21

Kră Yang khan kơ Môis: Athei yơ̆r ti ih tơ plĕnh, wă kơ tơ jơ̆p-jang dêh Êyiptơ đei tơdrong măng mu hơ'bơ̆l gueo truh kơ lu sư chă hơbơ̆ pă bang,

Le 10:7

Lu bơngai bơ̆jang kơ Pharaôn khan kơ sư. Truh dĭng dang yơ bơngai âu mă lê̆ hơ'năk hơđong kơ lu bơ̆n? Jah achăng lê̆ lu kon pơlei noh năm bĕ, wă kơ lu sư kơkuh kơ Kră Yang 'Bok Kei-Dei lu sư! Pơtao ưh tam băt hă dêh Êyiptơ đei tơdrong răm đĭ boih.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 14:30

Lăm năr 'noh, Kră Yang pơklaih kon pơlei Isơrael đơ̆ng ti bơngai Êyiptơ; kon pơlei Isơrael 'bôh hnơ̆k hnăk bơngai Êyiptơ lôch cheng đak dơsĭ.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Le 19:4

Lu iĕm 'bôh boih dôm tơdrong Inh pơm kơ bơngai Êyiptơ, Inh pôk glơng lu iĕm thoi kơpal pơnăr sem klang, wă chông lu iĕm tơ Inh.

Le 3:10

na dang ei, năm bĕ tơ âu, Inh wă wơh ih năm tơ Pharaôn, wă chông tơlĕch kon pơlei Inh, wă khan kon pơlei Isơrael lĕch đơ̆ng dêh Êyiptơ.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Le 7:3

Inh gô pơm ăn kơ Pharaôn jơhngơ̆m arăng ưh kơ chu păng Inh pơthim lơ tơdra mơsêh hlĭch chrơp Inh tơ lăm dêh Êyiptơ.

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Je 21:5

Kơdih kâu Inh gô blah lu iĕm, Inh tôi kơkŏng hiŏng ti pran kơtang hăm tơdrong ơh blĕk hil mĭl dêh.

Je 32:21

Ih đei yua boih dôm tơdra hlĭch, tơdrong chrơp, pơklaih bơngai Isơrael đơ̆ng char Êyiptơ hăm ti pran kơtang hăm tơdrong hli krưp wă chông kon pơlei pơla Ih, Isơrael lĕch đơ̆ng dêh Êyiptơ.

Jo 20:16

Lu nhôn đei krao apinh Kră Yang; sư kơtơ̆ng boih nơ̆r lu nhôn krao khan, na ăn hloi đei minh 'nu linh jang chông tơlĕch nhôn đơ̆ng dêh char Êyiptơ. 'Nâu, dang ei lu nhôn oei lăm pơlei Kades, noh jĭ minh pôm pơlei oei jih sơlam char iĕm.

Both 1:30

Kră Yang 'Bok Kei-Dei lu iĕm năm adrol, sư gô tơblah dŏng lu iĕm, kư̆m thoi sư đei pơm boih 'bơ̆t anăp lu iĕm tơ dêh Êyiptơ.

Both 10:21

Sư boih mă Tơ'ngla lu iĕm hơri ư-ang păng Sư boih Kră Yang 'Bok Kei-Dei iĕm Tơ'ngla hlôi pơm dôm tơdrong pran kơtang tih păng krưp, mă măt lu iĕm 'bôh boih.

Both 11:2

Năr 'nâu, lu iĕm athei băt inh ưh kơ đei pơma bơtho kơ lu kon hơ'lơ̆p iĕm ôh, yua kơ lu sư ưh kơ tam băt păng kư̆m ưh tam 'bôh. Tam mă kơtơ̆ng lu nơ̆r bơtho khan đơ̆ng Kră Yang 'Bok Kei-Dei lu iĕm, tơdrong 'lơ̆ng tơpăt Sư, ti mơsêh pran kơtang tih Sư.

Both 26:8

Kră Yang yua tơpang ti mơsêh pran kơtang, Kră Yang pơm mơsêh tih krưp hlĭch chrơp na chông lu nhôn lĕch đơ̆ng dêh Êyiptơ.

Both 29:3

Dôm lu tơdrong truh tih krưp dêh, tơdra hlĭch tơdrong mơsêh tih, mă măt lu iĕm hlôi 'bôh boih.

Both 33:29

Ơ bơngai Isơrael ih pŭn hiôk dêh, kon pơlei Kră Yang dŏng pơklaih bơih, Kră Yang. Sư thoi khêl pĕng tơgŭm ih, thoi đao gưm pơm ăn kơ ih kĕ jei jơnei tih. Lu bơngai ayăt gô năm chă pơm lung, na ih gô pơjuă bơhlơ̆r anih kơjung lu sư.

Both 34:12

Ưh kơ đei bu gơh tơ'bôh tơdrong pran kơtang păng jang tơdrong tih krưp tơpă trŏ kơ hli tơrơ thoi tơdrong jang Môis đei pơm 'bơ̆t anăp đĭ-đăng kon pơlei Isơrael.

Both 5:15

Iĕm athei 'blŏk thoi lu iĕm hlôi pơm đĭch boih tơ dêh Êyiptơ, na Kră Yang 'Bok Kei-Dei iĕm yua ti mơsêh mơyang pran kơtang chông ba iĕm lĕch hlôi đơ̆ng noh; yua kơ thoi noh na Kră Yang 'Bok Kei-Dei iĕm đei tơtă boih kơ iĕm, wă kơ iĕm 'blŏk kơ năr pơdơh.

Both 6:21

Na iĕm gô tơl, sơ̆ lu bơ̆n pơm đĭch kơ Pharaôn tơ dêh Êyiptơ na Kră Yang đei yua ti pran kơtang Sư chông ba lu bơ̆n lĕch đơ̆ng dêh Êyiptơ ei;

Both 7:19

Dôm tơdrong pơlong lăng tih dêh măt lu iĕm 'bôh boih, dôm lu tơdrong mơsêh tih hlĭch chrơp, tơpang ti mơsêh, pran kơtang Kră Yang 'Bok Kei-Dei iĕm đei chông tơlĕch iĕm đơ̆ng dêh Êyiptơ boih. Kră Yang 'Bok Kei-Dei iĕm kư̆m gô pơm kơ đĭ-đăng lu adrĕch mă iĕm hli noh.

Both 9:29

Kon pơlei pơla âu jơ̆ kon pơlei Ih păng tơmam Ih, lu bơngai mă Ih hlôi yua tơdrong mơsêh pran kơtang tih chông tơlĕch lu sư đơ̆ng dêh Êyiptơ.

Jôsuê 24:7

Mă-lei, 'bok yă lu iĕm krao apinh Kră Yang dŏng, Kră Yang ăn đei măng mu lăm lu kon pơlei Êyiptơ hăm lu iĕm, Kră Yang ăn đak dơsĭ lơ̆p bơngai Êyiptơ păng măt lu iĕm 'bôh boih Inh pơm kơ lu bơngai Êyiptơ. Păng lu iĕm mă oei arih đunh tơ lăm char glă.

I Pet 5:6

Thoi noh na bơ̆n athei chu ala kơ 'Bok Kei-Dei ngăl yua kơ Sư Yang, Sư mơsêh; na trŏ năr Yêsu Krist jur ning-mônh Sư gô pôk pơư iĕm.