Both 4:29 - Sơ̆p Hlabơar Nơ̆r 'Bok Kei-Dei

²⁹ Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Both 4:29 Iomraidhean Croise

II Pot 10:31

Mă-lei Jêhu ưh kơchăng đĭ jơhngơ̆m pơm kiơ̆ tơdrong juăt Kră Yang 'Bok Kei-Dei Isơrael, sư ưh kơ weh achăng lê̆ đơ̆ng tơdrong yoch Jêrôbôam, bơngai mă pơhlŭ lu bơngai Isơrael pơm yoch.

II Pot 23:3

Pơtao dơ̆ng tơ anăp 'bơ̆t anih kơjung pơgơ̆p pơkă dơ̆ng 'bơ̆t anăp Kră Yang, wă năm kiơ̆ Kră Yang, đĭ jơhngơ̆m tơdrong tơchĕng wei răk dôm tơdrong Kră Yang tơtă, dôm khôi juăt Sư, păng pơm pơkeh nơ̆r Kră Yang pơgơ̆p pơkă mă đe đei chih lăm sơ̆p hla bơar 'nâu. Đĭ-đăng kon pơlei, bu bu kư̆m drơ̆ng lăp đon kơ nơ̆r pơgơ̆p pơkă noh ngăl.

II Ho 15:12

Lu sư pơgơ̆p pơkă băl rim 'nu athei chă Kră Yang 'Bok Kei-Dei 'bok yă lu sư hăm đĭ jơhngơ̆m klơm klak.

II Ho 15:15

Đĭ kơ bơngai Juđa chơt hiôk dêh kơ nơ̆r pơkă pơkăm noh, yua kơ lu sư đĭ jơhngơ̆m pơkă păng đĭ jơhngơ̆m krao chă Kră Yang na Sư ăn tơ'bơ̆p păng ăn kơ lu sư rơnŭk rơnua hiôk-hian rim pah.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 15:4

Mă-lei mưh đei tơdrong gleh pơmat-tat truh lu sư wih tơ Kră Yang 'Bok Kei-Dei Isơrael păng krao chă Kră Yang na Sư ăn tơ'bơ̆p tơpă.

II Ho 31:21

Dôm tơdrong jang sư pơm, gah Hnam Kră Yang 'Bok Kei-Dei gah tơdrong wei răk khôi juăt păng nơ̆r tơtă, gah tơdrong chă Kră Yang 'Bok Kei-Dei sư jang đĭ jơhngơ̆m, na tơdrong jang sư rai tŏk keh 'lơ̆ng.

Ne 1:9

Mă-lei tơdah lu iĕm wih brŏk tơ Inh, wei răk pơm kiơ̆ dôm tơdrong Inh tơtă, mă khan lu iĕm tơklah tơklang jrok oei tôch kơ plĕnh teh, Inh kư̆m gô krao akŭm lu sư brŏk păng inh gô chông anhăk lu sư truh tơ anih Inh mă hơmet lê̆ boih wă kơ Anăn Inh kư̆m oei tơ noh mơ̆n.

Ne 9:27

Yua kơ thoi noh Ih jao boih lu sư lăm tơpang ti đe ayăt kơ lu sư; lu đe pơmat pơm kơnê̆ kơ lu sư, lăm lu sư đei tơdrong pơmat-tat lu sư ôr krao chă Ih păng Ih đơ̆ng kơpal plĕnh mơ̆ng lu sư; jơhngơ̆m 'mêm Ih tih dêh, Ih yua lu bơngai nuih pran kơtang dŏng pơklaih đơ̆ng lu bơngai ayăt kơ lu sư.

Horiso 119:10

Inh chă Ih hăm đĭ jơhngơ̆m. 'Nĕ ăn kơ inh weh đơ̆ng nơ̆r Ih tơtă.

Horiso 119:145

Ơ Kră Yang inh krao chă Ih hăm đĭ jơhngơ̆m, Apinh Ih tơl tơwih kơ inh. Inh gô wei răk khôi juăt Ih.

Horiso 119:2

Pŭn dêh kơ bu wei răk dôm nơ̆r Sư tơtă. Păng đĭ jơhngơ̆m krao chă Sư.

Horiso 119:58

Đĭ jơhngơ̆m inh krao apinh Kră Yang mơnat, Apinh Ih mơnat ăn kơ inh kiơ̆ thoi nơ̆r Ih pơkă.

Je 3:10

Mă-lei, đơ̆ng tơdrong noh, oh sư bơngai Juđa pơm kơnê̆, sư kư̆m ưh kơ wih brŏk tơ Inh đĭ jơhngơ̆m, chă hơlĕnh đĕch, Kră Yang khan.

Je 51:50

Lu iĕm klaih boih đơ̆ng đao gưm, kơdâu bĕ, 'nĕ pă dơ̆ng! 'Blŏk bĕ kơ Kră Yang đơ̆ng dêh char ataih, tơchĕng 'blŏk bĕ kơ pơlei Jêrusalem lăm kơ̆l 'ngok.

Êsêkiên 6:9

Lu bơngai lăm lu sư mă đei klaih noh oei tơ lăm teh đak mă lu sư oei, đe rôp pơm bơnă. Lu sư 'blŏk kơ jơhngơ̆m Inh đei pơchah, chhŭr nuih bơih, yua kơ tơdrong lu sư, pơm kư̆ kă weh đơ̆ng Inh păng măt lu sư pơm pơyô kư̆ kă kiơ̆ kơ lu yang kơnê̆. Kơplah noh lu sư kơdih gô lăng krưp areh kơ tơdrong kơnê̆, yua kơ tôm tơdrong kơnê̆ lu sư đei pơm krưp tơpă.

Jôel 2:12

Mă-lei Kră Yang khan: “Dang ei iĕm athei wih brŏk tơ Inh, hăm đĭ jơhngơ̆m lu iĕm, hăm tơdrong ơ̆t por, hăm tơdrong ơh sơ'ngon nhơ̆m hmoi.

Am 5:4

Kră Yang khan kơ adrĕch Isơrael: Chă bĕ inh na lu iĕm gô arih.

Both 10:12

Ơ bơngai Isơrael, dang ei Kră Yang 'Bok Kei-Dei iĕm tơtă athei pơm kiơ? Athei băt hli yom kơ Kră Yang 'Bok Kei-Dei iĕm, yak kiơ̆ đĭ trong Sư, 'mêm kơ Sư păng bơ̆jang kơ Kră Yang 'Bok Kei-Dei iĕm hăm đĭ jơhngơ̆m, đĭ bơhngol iĕm,

Both 11:13

Tơdah lu iĕm chu mơ̆ng kiơ̆ dôm nơ̆r tơtă mă inh bơtho ăn kơ lu iĕm năr 'nâu, đĭ jơhngơ̆m klơm klak 'mêm kơ Kră Yang 'Bok Kei-Dei iĕm păng bơ̆jang kơ Sư.

Both 26:16

Năr 'nâu, Kră Yang 'Bok Kei-Dei iĕm athei pơkă khan kơ iĕm pơm kiơ̆ dôm lu khôi juăt păng nơ̆r tơtă 'nâu, iĕm athei kơchăng wei răk hăm đĭ jơhngơ̆m klơm klak,

Both 30:10

Tơdah lu iĕm chu pơm kiơ̆ Kră Yang 'Bok Kei-Dei iĕm wei răk nơ̆r tơtă tơdrong juăt mă sư đei chih lăm Sơ̆p hla bơar khôi juăt mă sư đei chih lăm Sơ̆p hla bơar khôi juăt 'nâu păng đĭ jơhngơ̆m đĭ bơhngol wih tơ Kră Yang 'Bok Kei-Dei iĕm.

Both 6:5

Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.

Jôsuê 22:5

Mă-lei athei kơchăng pơm kiơ̆ nơ̆r pơkă păng khôi juăt Môis đĭch đam Kră Yang bơtho pơkă boih kơ lu iĕm 'mêm bĕ kơ Kră Yang 'Bok Kei-Dei lu iĕm păng rok kiơ̆ trong Sư, wei răk nơ̆r Sư tơtă pơgơ̆p hăm Sư păng đĭ jơhngơ̆m đon bơ̆jang kơ Sư.

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.