Both 4:28 - Sơ̆p Hlabơar Nơ̆r 'Bok Kei-Dei

²⁸ Tơ noh lu iĕm gô kơkuh kơ rup yang pơm păng 'long păng tơmo, jơ̆ tơdrong jang tơpang ti kon bơngai pơm, ưh kơ gơh 'bôh, ưh kơ kơtơ̆ng ưh kơ gơh sa, kư̆m ưh kơ băt 'bâu.

Both 4:28 Iomraidhean Croise

II Pot 17:40

Mă-lei, lu adrĕch adrung ei ưh kơ chu mơ̆ng, oei pơm kiơ̆ rok thoi tơdrong juăt so sư kơdih.

Êsai 26:14

Lu sư lôch bơih ưh kơ gơh iung arih dơ̆ng, đĭ jing atâu bơih ưh kơ gơh iung dơ̆ng. Tơpă Ih phak păng pơlôch lu sư boih. Tơdrong đe 'blŏk hơdơ̆r kơ lu sư ih kư̆m sŭt lê̆ đĭ.

Êsai 44:11

Đĭ-đăng lu bơngai kơkuh kơ rup Yang gô mơlâu, lu bơngai thơ̆ pơm lu sư jơ̆ kon bơngai hmă đĕch. Lê̆ đĭ-đăng lu sư akŭm băl. Iung bĕ; lu sư gô hli tơrơ păng mơlâu.

Êsai 44:12

Bơngai hơjơ̆m iŏk bơsei 'buh lăm ngar ŭnh, iŏk mut teh hơjơ̆m pơm sư, yua ti pran kơtang sư hơjơ̆m tơtang pơm rup, sư gô pơngot păng jơhngơ̆m ưh kơ đei, sư ưh kơ nhă đak pă kĕ dang wă lôch.

Êsai 44:9

Đĭ-đăng lu bơngai pơm rup yang jơ̆ tơdrong kơ đei dôm tơmam lu sư hưch wă ưh kơ yua kiơ. Lu bơngai pơm kơdranh kơ lu rup yang noh ưh kơ gơh 'bôh păng ưh kơ băt, gô pơm kơ lu sư mơlâu đĕch.

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 46:7

Lu sư tôi rup yang noh tơ hơngiĕng tung ba pơdơ̆ng 'bơ̆t anih sư, na yang noh dơ̆ng minh 'bôt 'bơ̆t doh, ưh kơ gơh weh tơ anih tơ nai. Tơdah đei bu krao khan: Yang noh ưh kơ gơh tơl tơwih păng ưh kơ gơh dŏng lu sư đơ̆ng tơdrong anat anot.

Je 10:3

Yua kơ tơdrong juăt lu sư noh tơdrong kơ đei. Đe kăl 'long lăm bri, yua ti thơ̆ traih hơmet hăm sung.

Je 10:5

Rup yang lu sư nhen thoi ngu hơtol kơ sem lăm pơgar pia mơkai; Ưh kơ gơh pơma; đe tung đĕch, yua kơ ưh kơ gơh nơnăm. 'Nĕ kơ hli kơ lu rup yang noh, yua kơ lu sư ưh kơ gơh pơrăm bơ̆n ôh, kư̆m ưh kơ gơh pơm 'lơ̆ng kơ bơ̆n mơ̆n.

Je 10:9

Đe chĕp ba hu tơtang hơtăng đơ̆ng pơlei Tarsis, păng maih đơ̆ng char Uphas. Noh tơdrong jang lu thơ̆ hơjơ̆m, hăm ti thơ̆ hling maih, sĭt sôr pơgong lăm ao che jơk hơhĭm, noh đơ̆ng ti lu bơngai thơ̆ hơgei tanh.

Je 16:13

Na Inh gô pơpuh klơ̆m hŭt lê̆ lu iĕm đơ̆ng char âu, mơ̆t tơ lăm minh pôm char mă lu iĕm păng 'bok yă lu iĕm ưh kơ tam biơh băt. Tơ noh lu iĕm gô jang kơ lu yang nai măng năr; na Inh ưh pă mơnat kơ lu iĕm boih.

Êsêkiên 20:32

Lu iĕm khan: Lu nhôn wă gô kơkuh kơ 'long păng tơmo, kiơ̆ thoi adrĕch adrung lu dêh char âu. Tơdrong lu iĕm tơchĕng lăm đon tơdrong noh ưh kơ đei truh ôh,

Êsêkiên 20:39

Gah lu iĕm, ơ adrĕch Isơrael, Kră Yang khan thoi âu: Rim 'nu kơ lu iĕm năm kơkuh bĕ kơ rup yang! Mă-lei đơ̆ng rŏng kơ noh, lu iĕm gô mơ̆ng kiơ̆ Inh, ưh pă pơ'mê̆ kơ anăn Inh dơ̆ng hăm tơmam soi kơkuh kơ rup yang.

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

Jang 7:42

“Thoi noh na 'Bok Kei-Dei ưh pă wă kơ lu sư dơ̆ng ôh. 'Bok Kei-Dei ăn kơ lu sư kơkuh kơ măt 'năr, măt khei păng lu sơnglŏng tơ plĕnh ti đĕch. 'Noh thoi lu 'bok pơtruh nơ̆r 'Bok Kei-Dei khan: ‘Ơ lu đe Isơrael, iĕm ưh kơ sơmah kơ Inh Kră Yang iĕm 'Bok Kei-Dei kơplah iĕm oei puăn-jĭt sơnăm tơ char glă sơ̆.

Both 28:36

Kră Yang gô puh iĕm păng pơtao mă iĕm rơih pôk kơdih, truh tơ minh adrĕch adrung mă iĕm hăm 'bok iĕm tam lah băt. Tơ noh iĕm gô kơkuh kơ lu yang nai, pơm păng 'long dah păng tơmo.

Both 28:64

Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.

Both 29:17

Lu iĕm 'bôh lu kon pơlei lu sư kơkuh kơ rup yang lăng krưp, lu rup yang pơm hăm 'long, tơmo, hăm hu hăm maih.

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.