Both 4:24 - Sơ̆p Hlabơar Nơ̆r 'Bok Kei-Dei

²⁴ Yua kơ Kră Yang 'Bok Kei-Dei iĕm thoi kơ ŭnh soh chhông păng jơ̆ Kră Yang 'Bok Kei-Dei băt kơ gar.

Both 4:24 Iomraidhean Croise

II Pot 24:20

Tơdrong Kră Yang hil mĭl Sư ăn truh bơih kơ Pơlei Jêrusalem păng dêh Juđa, Kră Yang mah puh tơweh lê̆ lu sư đơ̆ng muh măt Kră Yang. Na Sêđekia iung blah pơtao đe Babilôn.

Horiso 21:9

Lăm năr Ih pơdah akâu. Ihb gô pơm kơ lu sư khơ̆ng thoi pla ŭnh, Kră Yang gô luăn lu sư, lăm năr Kră Yang hil blĕk, Păng ŭnh gô soh chhông đĭ lu sư.

Horiso 78:58

Đơ̆ng anih kơjung lu sư pơm kơ Kră Yang blĕk; Pơm ăn kơ Sư hil ơha yua kơ rup yang,

Le 15:7

Hăm tơdrong pran kơtang mơsêh mơyang tih krưp Ih, pơrăm boih lu bơngai blah Ih; tơdrong Ih hil mĭl, Soh pơrăm lu sư thoi ŭnh sa hơnong ba.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 24:17

Tơdrong rang hơdah 'lơ̆ng Kră Yang tơ kơpal wĕch kông 'bơ̆t anăp lu bơngai Isơrael, thoi hơdah ŭnh sa kơdrơ̆ng.

Le 33:3

năm bĕ iĕm tơ char đei đak toh, hăm đak sut; mă-lei Inh ưh kơ đei năm hơdai ih ôh, yua kơ iĕm adrĕch arăng kơ̆l kơnh hli kơ Inh pơrăm lê̆ lu iĕm rok trong.

Le 34:14

Iĕm 'nĕ kơ drap kơkuh kơ lu yang nai ôh. Yua kơ Inh boih Kră Yang jơ̆ 'Bok Kei-Dei tơ'ngla băt gar.

Êsai 10:17

Tơdrong hơdah bơngai Isơrael gô jing ŭnh, Kră Yang 'Lơ̆ng Rơgoh sư gô thoi pla ŭnh; Sư gô sa pơgoh lu jơla hăm jơ'bôt 'long jơla lăm minh năr.

Êsai 30:27

To Anăn Kră Yang truh đơ̆ng ataih, tơdrong sư hil khơ̆ng thoi ŭnh 'nhui ŭnh bluh găm suek puăn pah, hơkŭng Sư 'bĕnh kơ tơdrong hil, hơpiĕt Sư thoi kơ ŭnh dơhlông sa.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 42:8

“Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Am 5:6

Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Jêphania 3:8

Thoi noh, Kră Yang khan: “Lu iĕm athei gô Inh dĭng truh tơ năr Inh gô iung blah rôp; yua kơ Inh wă iŏk akŭm pơpôi đĭ lu kon pơlei păng akŭm đĭ lu dêh char Inh, Inh wă tuh tơdrong hil păng tơdrong blĕk Inh tơ lu sư, yua kơ đơ̆ng ŭnh Inh gar gô luăn sa đĭ teh âu.

Jo 25:11

Phinêhas, kon drŏ-nglo Êlêasar, sâu Arôn, 'bok soi, đei tơjur lê̆ 'biơ̆ tơdrong Inh hil kơ bơngai Isơrael, yua kơ sư kư̆m gar lu sư thoi Inh; thoi ei, na Inh huay pă pơlôch pơrăm bơngai Isơrael lăm tơdrong inh hil gar dơ̆ng;

I Kor 10:22

Dah bơ̆n oei kiơ̆ đe sa et tơmam đe sơmah kơ yang kơnê̆, 'noh dang bơ̆n pơlong Kră Yang hăm 'mêm kơ bơ̆n păng tơgar iŏk bơ̆n đơ̆ng yang kơnê̆ dah ưh. Iĕm tơchĕng bơ̆n pran tih dang yơ na mă pơlong 'Bok Kei-Dei thoi noh?

Both 29:20

Kră Yang ưh kơ mơnat tơdrong yoch bơngai noh, mă-lei tơdrong Kră Yang hil mĭl păng gar sư noh chhông blah bơngai noh păng đĭ lu tơdrong hiap pơtê̆ chih lăm sơ̆p hla bơar 'nâu gô tơpŭ tơ kơpal sư; păng Kră Yang gô sŭt lê̆ anăn sư đơ̆ng lăm teh đak 'nâu.

Both 32:16

Lu sư kơkuh kơ rup yang nai wă tơblĕk Kră Yang tơ'ngla 'mêm gar. Pơm wă kơ Kră Yang ơh hil kơ lu sư pơm rup yang, Sư areh lăng krưp.

Both 5:9

Lu iĕm 'nĕ kơ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư noh, yua kơ Inh jơ̆ Kră Yang 'Bok Kei-Dei lu iĕm, wă khan jơ̆ Kră Yang 'Bok Kei-Dei băt gar. Bơngai bu areh kơ Inh, Inh gô phak bơngai noh truh tơ kon sâu se sư pêng puăn jơhnơr.

Both 6:15

Yua kơ Kră Yang 'Bok Kei-Dei oei hơdai iĕm, jơ̆ Kră Yang 'Bok Kei-Dei băt gar, tơdah lu iĕm kơkuh kơ yang nai Kră Yang 'Bok Kei-Dei hil mĭl kơ iĕm păng Sư gô pơlôch tơhiong iĕm đơ̆ng kơpal teh âu,

Both 9:3

Mă-lei iĕm athei băt tơpă: Kră Yang 'Bok Kei-Dei iĕm năm adrol kơ iĕm, nhen thoi pla ŭnh khơ̆ng dơhlông sa, Kră Yang boih Sư gô pơlôch pơrăm lu sư. Pơm kơ lu sư chu thuơ, lu iĕm gô pơlôch lu sư 'mônh đĕch, thoi Kră Yang đei pơkă hăm lu iĕm.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.