Both 4:21 - Sơ̆p Hlabơar Nơ̆r 'Bok Kei-Dei

²¹ Na Kră Yang hil kơ inh; yua kơ lu iĕm na Sư pơkăm khan ưh kơ ăn inh tŏk hlôi kơ đak Krong Jôrđăn păng ưh kơ ăn inh mơ̆t tơ dêh 'lơ̆ng rŏ mă Kră Yang 'Bok Kei-Dei lu iĕm wă ăn kơ lu iĕm bơ̆jang sa.

Both 4:21 Iomraidhean Croise

Jo 20:12

Kră Yang khan dơ̆ng kơ Môis păng Arôn thoi âu: Yua kơ măr iĕm ưh kơ lui kơ Inh ưh kơ wă pôk pơyom Inh 'lơ̆ng rơgoh, 'bơ̆t anăp kon pơlei Isơrael lei na măr iĕm ưh kơ gơh chông kon pơlei âu năm truh tơ char mă Inh đei pơkă wă ăn kơ lu iĕm.

Both 1:37

Yua kơ đơ̆ng lu iĕm na Kră Yang kư̆m hil kơ inh, na khan: Ih kư̆m lei-lăi, ưh kơ gơh wă mơ̆t tơ dêh noh ôh.

Both 12:9

Dang ei lu iĕm tam mă mơ̆t tơ anih pơdơh păng tam mă đei iŏk teh bơ̆jang sa mă Kră Yang 'Bok Kei-Dei iĕm wă ăn.

Both 15:4

Ưh kơ wă lăm lu iĕm đei bơngai dơnuh, yua kơ đei Kră Yang gô ăn pŭn hiôk rơkah rơkai lăm dêh mă Kră Yang ăn kơ iĕm đei iŏk teh bơ̆jang sa,

Both 19:10

wă huay kơ đei tuh pham tơdrong kơ đei lăm char mă Kră Yang 'Bok Kei-Dei ăn boih kơ iĕm jang sa, lei na iĕm huay kơ pŭ yoch tuh pham noh.

Both 19:3

Iĕm athei pơm trong, klah asong pêng tŏ tơring lăm dêh mă Kră Yang 'Bok Kei-Dei ăn kơ iĕm asong wă bơ̆jang sa; Wă ăn kơ lu bơngai pơlôch đe ôn kơ'nơp tơ noh.

Both 20:16

Mă-lei lăm pơlei lu adrĕch 'nâu, mă Kră Yang 'Bok Kei-Dei ăn boih kơ iĕm bơ̆jang sa, na iĕm athei pơlôch đĭ sem kiơ dui jơhngơ̆m.

Both 21:23

atâu sư 'nĕ kơ lê̆ kơpal gơ̆ng 'long noh truh minh măng, athei 'bŭ lăm năr noh hloi, yua bơngai đe hrek atol noh Kră Yang 'Bok Kei-Dei hiap pơtê̆ boih, na iĕm 'nĕ kơ pơm 'mê̆-'mach kơ teh đak iĕm mă Kră Yang 'Bok Kei-Dei ăn kơ iĕm jang sa.

Both 24:4

Lei bơngai klo mă adrol hlôi puh tơbrŏk sư boih, ưh kơ gơh iŏk sư pơm akăn dơ̆ng, yua kơ sư 'mê̆-'mach boih. Noh jơ̆ minh tơdrong pơm krưp dêh 'bơ̆t anăp Kră Yang; iĕm 'nĕ kơ chĕp ba yoch tơ dêh mă Kră Yang 'Bok Kei-Dei iĕm ăn kơ iĕm teh bơ̆jang sa.

Both 26:1

Mưh lu iĕm mơ̆t lăm dêh char mă Kră Yang 'Bok Kei-Dei iĕm ăn kơ lu iĕm bơ̆jang sa, gơh iŏk asong păng oei tơ noh boih,

Both 3:26

Mă-lei Kră Yang khan; yua kơ đơ̆ng lu iĕm na Kră Yang hil kơ inh, kuă kơ mơ̆ng nơ̆r inh Kră Yang khan kơ inh: Tôm boih; 'nĕ pă roi gah tơdrong 'nâu dơ̆ng kơ Inh.

Both 31:2

Dang ei inh đei minh-hrĕng 'bar-jĭt sơnăm boih; inh ưh pă gơh lĕch păng ưh pă gơh mơ̆t dơ̆ng; Kră Yang đei khan hăm inh boih: Ih ưh pă gơh yak tŏk năm hlôi kơ đak Krong Jôrđăn, 'nâu dơ̆ng.