Both 4:16 - Sơ̆p Hlabơar Nơ̆r 'Bok Kei-Dei

¹⁶ Kơchăng bĕ kơnh hli kơ lu iĕm pơrăm akâu kơdih, na chă pơm kơdih lu rup yang, pơm hơbŏ thoi rup bơngai drŏ-nglo dah bơngai drŏ-kăn,

Both 4:16 Iomraidhean Croise

Le 32:7

Kră Yang khan kơ Môis: Jah jur bĕ, yua kơ lu kon pơlei pơla ih, lu bơngai mă ih đei chông tơlĕch lu sư đơ̆ng char Êyiptơ, lu sư pơm glăi răm bơih,

Êsai 40:18

Lu iĕm hăm gơh pơting Kră Yang 'Bok Kei-Dei hăm bu? Iĕm iŏk hơbŏ kiơ wă pơtih hăm Sư?

Êsai 44:13

Bơngai thơ̆ 'long iŏk tơlei sư dăng pơtŏ, iŏk chŭr sư rek rup hơbŏ traih hơmet hăm săng pơiel, pơtŏ hăm 'long thưk đei mum pơm rup hơbŏ, sư pơm rup bơngai rup hơbŏ thoi bơngai 'lơ̆ng. Na tah lê̆ tơ lăm hnam yang sư.

Êsêkiên 8:10

Na inh mơ̆t lăng 'bôh tơ noh đei tôm kơ rup man kon sem krưp, kơep lep-ler, dôm rup yang man đơ̆ng adrĕch Isơrael đei chhơ̆ jum dăr kơ tơnăr dur.

Lêwi 19:4

'Nĕ kơ man rup yang păng kư̆m 'nĕ kơ tuh hling pơm rup yang, Inh boih Kră Yang 'Bok Kei-Dei lu iĕm.

Lêwi 26:1

Lu iĕm 'nĕ kơ man rup yang, dah traih pơm păng 'long dah pơm hăm tơmo, 'nĕ kơ pơdơ̆ng minh pôm tơmo ayơ lăm tơring iĕm đei rup na drap kơkuh 'bơ̆t anăp rup noh, yua kơ Inh boih Kră Yang 'Bok Kei-Dei lu iĕm.

Yo 4:24

'Bok Kei-Dei Sư Yang tơpă na lu bơngai mă kơkuh kơ Sư athei kơkuh mă tơpă hăm đĭ jơhngơ̆m đon sư.”

Jang 17:29

“Iĕm pơm rup yang phŏ păng maih, dah hu, dah păng tơmo. Iĕm pơm rup yang kiơ̆ kơ iĕm tơchĕng đon iĕm kơdih đĕch. Mă-lei 'Bok Kei-Dei pơjing bơ̆n kon Sư, na bơ̆n 'nĕ tơchĕng 'Bok Kei-Dei thoi lĕ rup yang đĕch ôh.

Both 16:22

Kŭm ưh kơ gơh pơdơ̆ng pơm minh pôm jrăng tơmo wă kơkuh Kră Yang 'Bok Kei-Dei iĕm areh kơ dôm lu tơmam noh.

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

Both 31:29

Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

Both 4:23

Athei kơchăng bĕ kơdih akâu iĕm, 'nĕ kơ hiơt tơdrong pơgơ̆p đơ̆ng Kră Yang 'Bok Kei-Dei lu iĕm mă đei pơgơ̆p hăm lu iĕm păng 'nĕ kơ pơm rup yang, rup sem brem ayơ mă Kră Yang 'Bok Kei-Dei lu iĕm khă.

Both 4:25

Mưh lu iĕm đei kon sâu păng oei tơ dêh noh đunh boih, tơdah lu iĕm pơm yoch kơnê̆ pơrăm akâu kơdih thoi pơm kơ rup yang dah rup sem brem kiơ, mă pơm tơdrong kơnê̆ kiơ 'bơ̆t anăp Kră Yang 'Bok Kei-Dei lu iĕm wă pơm kơ Sư blĕk.

Both 5:8

Lu iĕm 'nĕ kơ pơm rup yang na kơkuh, kư̆m 'nĕ kơ pơm rup nhen thoi tơmam kơpal plĕnh dah nhen sem brem thoi tơ ala teh âu, dah nhen thoi ka lăm đak sŭng.

Both 5:9

Lu iĕm 'nĕ kơ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư noh, yua kơ Inh jơ̆ Kră Yang 'Bok Kei-Dei lu iĕm, wă khan jơ̆ Kră Yang 'Bok Kei-Dei băt gar. Bơngai bu areh kơ Inh, Inh gô phak bơngai noh truh tơ kon sâu se sư pêng puăn jơhnơr.

Both 9:12

Kră Yang khan kơ inh; iung bĕ iĕm, jur mă tĕnh tĕnh, yua kơ lu kon pơlei mă ih chông ba lu sư lĕch đơ̆ng dêh Êyiptơ pơm yoch răm boih; 'nao lăp 'biơ̆ đĕch weh achăng lê̆ trong đơ̆ng Inh bơtho tơtă kơ lu sư; lu sư tuh hling minh pôm rup yang!

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.