Both 4:12 - Sơ̆p Hlabơar Nơ̆r 'Bok Kei-Dei

¹² Kơplah noh đơ̆ng lăm ŭnh Kră Yang khan kơ lu iĕm, lu iĕm kơtơ̆ng nơ̆r Sư pơma, mă-lei ưh kơ đei 'bôh akâu Sư ôh, lăp kơtơ̆ng nơ̆r pơma đĕch.

Both 4:12 Iomraidhean Croise

Le 19:9

Kră Yang khan kơ Môis: Inh gô năm tơ ih lăm hơmơ̆l hơ'bơ̆l; wă kơplah Inh pơma dơnuh hăm ih, na kon pơlei Isơrael kơtơ̆ng wă kơ lu sư lui gơnang kơ ih ling-lang, Môis roi kơ Kră Yang nơ̆r kon pơlei Isơrael đei pơma.

Le 20:22

Kră Yang khan Môis: Ih athei khan kơ kon pơlei Isơrael thoi âu: Lu iĕm 'bôh boih Inh đơ̆ng kơpal plĕnh pơma hăm lu iĕm;

Êsai 30:21

Mă lu iĕm weh gah 'ma dah gah 'ngiĕo, đon lu iĕm gô kơtơ̆ng nơ̆r pơma đơ̆ng rŏng lu iĕm khan: “Âu jơ̆ trong mă lu iĕm athei rok kiơ̆!”

Êsai 40:18

Lu iĕm hăm gơh pơting Kră Yang 'Bok Kei-Dei hăm bu? Iĕm iŏk hơbŏ kiơ wă pơtih hăm Sư?

Êsai 40:3

Đei nơ̆r krao: “Pơih bĕ trong lăm bri glă ăn kơ Kră Yang; hơmet bĕ trong mă tơpăt lăm teh glă ăn kơ Kră Yang 'Bok Kei-Dei lu bơ̆n.

Êsai 40:6

Đei nơ̆r khan: “Krao ôr bĕ!” Inh jet: “Inh gô krao lơliơ?” “Đĭ-đăng kon bơngai nhen thoi 'nhĕt. Tơdrong 'lơ̆ng sư nhen thoi pơkao tơ bri brah.

Jo 12:8

Inh pơma dơnuh hăm sư 'bơ̆r păng 'bơ̆r, hơđăl hơdah, ưh kơ đei tơdrong pơpơn ôn ôh; păng sư 'bôh boih rup Kră Yang. Thoi noh, liơ lu iĕm ưh kơ hli pơ̆n pơma 'bơm kơ đĭch đam Inh Môis?

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Mathiơ 3:3

Êsai bơngai pơtruh nơ̆r 'Bok Kei-Dei, sư chih khan lê̆ hơdrol gah Yôhan sơ̆ thoi âu: “Đei minh 'nu bơngai bơtho tơ char glă chơngue ning-mônh khan: ‘Bĕ bơ̆n hơmet trong kơ Kră Yang, păng pơm trong Sư mă tơpăt. Wă khan lu bơ̆n tơbral kơdih tơdrong yoch.’ ”

Both 10:4

Kră Yang sư chih tơ kơpal 'bar hlak tơmo noh nơ̆r sư đei chih thoi adrol ki, mă mơjĭt Khôi juăt tơtă mă Kră Yang pơma kơ lu iĕm đơ̆ng lăm ŭnh tơ kơpal kông, lăm năr iĕm akŭm. Đơ̆ng noh Kră Yang pơjao ăn tơmo lat kơ inh.

Both 4:11

Thoi noh lu iĕm năm jê̆ păng dơ̆ng 'bơ̆t jơ̆ng kông, 'bơ̆t kông ŭnh oei sa dơhlông truh tơ plĕnh, đei hơmơ̆l măng mu găm suek gom.

Both 4:13

Sư roi ăn kơ lu iĕm băt tơdrong Sư pơgơ̆p nơ̆r Sư tơtă wă kơ lu iĕm athei pơm kiơ̆, thoi mơjĭt nơ̆r tơtă, Sư chih tơ kơpal 'bar hlak tơmo lat.

Both 4:15

Lu iĕm athei kơchăng bĕ kơdih, yua kơ lu iĕm ưh kơ đei 'bôh ôh akâu Kră Yang 'Bok Kei-Dei lu iĕm, đơ̆ng lăm tŏk-bŏk ŭnh lăm năr Sư pơma khan kơ lu iĕm tơ kông Hôrêp.

Both 4:33

Hăm tam đei minh adrĕch ayơ kơtơ̆ng nơ̆r Kră Yang 'Bok Kei-Dei pơma đơ̆ng lăm ŭnh thoi lu iĕm đei kơtơ̆ng boih mă oei arih dang ei.

Both 4:36

Đơ̆ng kơpal plĕnh Sư ăn kơ iĕm kơtơ̆ng nơ̆r Sư, wă bơtho pơhrăm iĕm, tơ kơpal teh Sư ăn kơ iĕm 'bôh ŭnh tih Sư păng đơ̆ng lăm ŭnh lu iĕm đei kơtơ̆ng nơ̆r Sư pơma.

Both 5:22

Tơ kơpal kông, đơ̆ng tŏk-bŏk ŭnh, đơ̆ng lăm hơmơ̆l păng đơ̆ng lăm măng mu, đei nơ̆r re kơtang; Kră Yang khan dôm lu nơ̆r âu ăn kơ đĭ-đăng lu iĕm, Sư ưh kơ đei thim ôh; Sư chih dôm lu nơ̆r noh tơ kơpal 'bar hlak tơmo lat na jao ăn kơ inh.

Both 5:4

Kră Yang pơma boih hăm lu iĕm tơ kơpal kông đơ̆ng lăm ŭnh.

Both 9:10

na Kră Yang pơjao ăn kơ inh 'bar hlak tơmo lat, đơ̆ng hơnglâu ti Kră Yang 'Bok Kei-Dei chih 'mơ̆i; đei tôm dôm lu nơ̆r mă Kră Yang pơma đơ̆ng lăm tŏk-bŏk ŭnh tơ kơpal kông, lăm năr iĕm oei akŭm.

Kôlôsê 1:15

Sư hơbŏ thoi 'Bă Sư 'Bok Kei-Dei Kră Yang mă bơ̆n ưh kơ gơh 'bôh. Kon Sư đei đơ̆ng blŭng-a sơ̆ adrol kơ đĭ-đăng tôm tơdrong.

Hêbrơ 12:19

Lu bơngai noh sơ̆ lu sư kơtơ̆ng jơwa đe hlôm keng, re dêh păng kơtơ̆ng 'bơ̆r 'Bok Kei-Dei pơma. Lu sư khan kơ 'Bok Kei-Dei 'nĕ pă pơma kơ lu sư,