Both 4:10 - Sơ̆p Hlabơar Nơ̆r 'Bok Kei-Dei

¹⁰ 'Blŏk bĕ kơ năr iĕm dơ̆ng 'bơ̆t anăp Kră Yang 'Bok Kei-Dei iĕm tơ Hôrêp kơplah noh Kră Yang khan kơ inh thoi âu: Krao akŭm bĕ đĭ-đăng kon pơlei, wă kơ lu sư mơ̆ng nơ̆r Inh, wă pơhrăm ăn kơ lu sư băt hli yom kơ Inh kơplah lu sư oei arih tơ kơpal teh âu păng wă kơ lu sư bơtho nơ̆r âu ăn kơ lu kon sâu se lu sư dơ̆ng.

Both 4:10 Iomraidhean Croise

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Horiso 145:4

Adrĕch chăl âu gô roi ư-ang kơ tơdrong jang Ih kơ jơhnơr đơ̆ng rŏng păng roi tơbăt tơdrong mơsêh Ih.

Le 19:1

Đơ̆ng rŏng kơ lu sư lĕch đơ̆ng dêh Êyiptơ, 'nao pêng khei kon pơlei Isơrael truh tơ char glă Sinai.

Le 19:11

Ăn kơ lu sư kơchăng lăm năr mă pêng, yua năr noh Kră Yang wă jur tơ kơpal kông Sinai 'bơ̆t anăp kon pơlei.

Le 19:16

Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Le 19:9

Kră Yang khan kơ Môis: Inh gô năm tơ ih lăm hơmơ̆l hơ'bơ̆l; wă kơplah Inh pơma dơnuh hăm ih, na kon pơlei Isơrael kơtơ̆ng wă kơ lu sư lui gơnang kơ ih ling-lang, Môis roi kơ Kră Yang nơ̆r kon pơlei Isơrael đei pơma.

Le 20:18

Kơplah đĭ-đăng kon pơlei kơtơ̆ng grơ̆m păng jơwa tơgiĕp, 'bôh chêr 'blêt kơmlat, kông lĕch 'nhui, lu sư hli tơtey dơ̆ng tơ ataih.

Le 20:20

Môis tơl khan: Lê̆ kơ hli, yua kơ Kră Yang 'Bok Kei-Dei jur wă pơlong lăng lu iĕm, wă kơ iĕm đei jơhngơ̆m hli yom kơ sư, na huay kơ pơm yoch hăm sư.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Êsai 38:19

Lu bơngai arih, lu bơngai arih đĕch ư-ang kơ Ih. Thoi inh đei pơm năr âu. Lu bơngai pơm 'bă gô bơtho ăn kơ kon hơ'lơ̆p sư băt tơdrong tơpăt Ih.

Luka 1:50

Sư mơnat kơ đĭ-đăng bơngai mă lui yom kơ Sư, mă đơ̆ng sơ̆ khơ̆ ning-mônh.

Both 11:19

Athei bơtho dơ̆ng kơ lu kon sâu iĕm, tơ'blŏk mă lu sư oei ngôi lăm hnam dah yak rok trong, kơplah oei tep dah iung đơ̆ng tep.

Both 12:1

'Nâu bơih tơdrong juăt păng nơ̆r tơtă mă lu iĕm athei kơchăng wei răk păng pơm kiơ̆ đĭ chăl arih lu iĕm oei tơ lăm dêh mă Kră Yang 'Bok Kei-Dei 'bok iĕm ăn kơ lu iĕm iŏk oei.

Both 14:23

Lu iĕm gơh sa tơmam pơyơ̆r minh lăm mơjĭt noh lu phe 'ba, sik hơmu, đak rơmă, plei 'long ôliwơ păng lu kon gơgơ̆l rơmo kơdră dah triu 'bơ̆t anăp Kră Yang 'Bok Kei-Dei iĕm, lăm anih Sư gô rơih iŏk wă 'măn Anăn Sư wă kơ iĕm pơhrăm iŏk băt hli yom kơ Kră Yang 'Bok Kei-Dei iĕm ling-lang.

Both 17:19

Pơtao athei wei minh sơ̆p, pơtao athei đŏk lăng ling-lang đĭ chăl arih sư oei kơpal teh wă pơhrăm băt hli yom kơ Kră Yang 'Bok Kei-Dei sư, pơ'lơ̆ng pơm kiơ̆ dôm lu nơ̆r khôi juăt păng nơ̆r tơtă 'nâu,

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 5:2

Kră Yang 'Bok Kei-Dei lu bơ̆n đei pơgơ̆p boih hăm lu bơ̆n tơ kông Hôrêp.

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.

Both 6:2

Wă kơ lu iĕm păng kon sâu iĕm băt kơ hli yom kơ Kră Yang 'Bok Kei-Dei iĕm, đĭ chăl arih tơ kơpal teh wei răk dôm lu tơdrong juăt păng nơ̆r Sư tơtă; wă kơ lu iĕm oei arih sot.

Both 6:7

Athei adrin bơtho ăn dôm tơdrong noh kơ lu kon iĕm păng bơtho tơdrong âu kơplah sư oei lăm hnam, dah oei năm rok trong, dah wă tep, dah iung đơ̆ng tep.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Tơdrông Tơ'bôh 19:5

Đơ̆ng noh inh kơtơ̆ng 'bơ̆r pơma lĕch đơ̆ng tang-dŏ 'Bok Kei-Dei khan: “Ơ lu đĭch đam 'Bok Kei-Dei, lu bơngai lui yom kơ Sư, lu bơngai pơm tih pơm iĕ, bĕ bơ̆n kơkuh ư-ang kơ 'Bok Kei-Dei Kră Yang bơ̆n.”

I Sam 12:24

Athei băt hli yom kơ Kră Yang đĕch, đĭ jơhngơ̆m bơ̆jang kơ Sư; lu iĕm athei 'blŏk dôm tơdrong Sư pơm tih dêh kơ lu iĕm ưh kơ băt dang yơ!