Both 34:5 - Sơ̆p Hlabơar Nơ̆r 'Bok Kei-Dei

⁵ Môis, đĭch đam Kră Yang, lôch tơ lăm dêh char Môap, trŏ thoi Kră Yang khan.

Both 34:5 Iomraidhean Croise

II Pot 1:17

Thoi noh Ahasia lôch kiơ̆ thoi nơ̆r Kră Yang yua bơih Êli khan. Yua kơ pơtao Ahasia ưh kơ đei kon drŏ-nglo lei na oh sư Jôram tŏk pơm pơtao pơtrơp đơ̆ng sư, lăm sơnăm mă 'bar chăl Jôram pơgơ̆r, sư kon Jêhôsaphat pơtao dêh Juđa.

II Ho 1:3

Sôlômôn păng đĭ-đăng Kon pơlei năm hơdai tŏk tơ anih kơjung tơ pơlei Gibeôn, yua kơ Bơsŭn Anih Akŭm Môis đĭch đam Kră Yang đei pơm pơdơ̆ng tơ char glă oei tơ noh.

Malachi 4:4

“Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Jo 12:7

Đĭch đam Inh Môis ưh kơ trŏ thoi noh ôh, sư bơngai tơpăt tơnăp dêh lăm hnam Inh.

Both 31:14

Kră Yang khan kơ Môis: Năr ih lôch wă jê̆ boih; ih krao Jôsuê na măr iĕm năm 'bơ̆t anăp Inh tơ Bơsŭn Anih Akŭm. Tơ noh Inh wă pơjao ăn kơ Jôsuê jang. Thoi noh, Môis păng Jôsuê năm truh tơ Bơsŭn Anih Akŭm.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Both 32:50

Ih gô lôch tơ kơpal kông mă ih wă tŏk noh păng ih gô oei hơdai hăm lu kon pơlei ih, kư̆m thoi Arôn 'nhŏng ih lôch tơ kơpal kông Hôr păng đe kư̆m akŭm hơdai hơbĭ boih hăm lu 'bok yă iĕm.

II Tim 2:25

Sư bơtho lu bơngai pơjah pơjăng păng sư, sư athei bơtho mă 'lơ̆ng wă kơ bơngai mă pơjah pơjăng păng sư jah hơi jơhngơ̆m. 'Bok Kei-Dei phŏ Sư ăn kơ bơngai pơjah pơjăng 'noh tơbral hloi tơdrong yoch sư kơdih na hlôh hloi kơdih tơdrong Kră Yang.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.