Both 34:4 - Sơ̆p Hlabơar Nơ̆r 'Bok Kei-Dei

⁴ Kră Yang khan kơ Môis: 'Nâu bơih dêh char mă Inh pơkă wă ăn kơ Abraham, Isăk păng Jakôp. Inh gô ăn dêh âu kơ lu adrĕch adrung ih. Inh tơ'bôh ăn kơ ih lăng dêh noh, mă-lei ih ưh kơ gơh mơ̆t tơ noh ôh.

Both 34:4 Iomraidhean Croise

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 13:15

Yua kơ đĭ dêh ayơ mă ih 'bôh, Inh gô ăn kơ ih păng adrĕch adrung ih ling-lang hloi.

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Jo 20:12

Kră Yang khan dơ̆ng kơ Môis păng Arôn thoi âu: Yua kơ măr iĕm ưh kơ lui kơ Inh ưh kơ wă pôk pơyom Inh 'lơ̆ng rơgoh, 'bơ̆t anăp kon pơlei Isơrael lei na măr iĕm ưh kơ gơh chông kon pơlei âu năm truh tơ char mă Inh đei pơkă wă ăn kơ lu iĕm.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Both 1:37

Yua kơ đơ̆ng lu iĕm na Kră Yang kư̆m hil kơ inh, na khan: Ih kư̆m lei-lăi, ưh kơ gơh wă mơ̆t tơ dêh noh ôh.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 32:52

Lei na ih lăp lăng 'bôh dêh char noh đơ̆ng ataih ih ưh kơ mơ̆t ôh lăm dêh mă Inh ăn kơ kon pơlei Isơrael.

Jôsuê 21:43

Thoi noh boih Kră Yang ăn kơ adrĕch Isơrael đĭ char mă Kră Yang pơkă boih kơ adrĕch adrung lu 'bok sư. Kon pơlei Isơrael iŏk klah asong bơ̆jang sa mir 'ba păng oei tơ lăm char noh.

Lu 1:16

Bơngai Kênit 'noh kon sâu tơnei 'bok Môis đơ̆ng pơlei 'Long gol năm tŏk hăm kon sâu Juđa, truh tơ anih glă char Juđa, tơ gah gơal Arat păng pơm anih oei tŏk-bŏk kon pơlei pơla.