Both 33:5 - Sơ̆p Hlabơar Nơ̆r 'Bok Kei-Dei

⁵ Kơplah lu kră kon pơlei akŭm băl hơdai hăm lu khŭl adrĕch bơngai Isơrael. Na Kră Yang Sư boih pơtao kơ Jêsurun.

Both 33:5 Iomraidhean Croise

Bl 36:31

Adrol kơ kon pơlei Isơrael tam mă đei pơtao pơgơ̆r, na 'nâu boih lu pơtao mă pơgơ̆r char Eđôm:

Le 15:18

Kră Yang gô pơgơ̆r ling-lang, hlŏng hloi.

Le 18:16

Tơdah lu sư đei tơdrong kiơ, lei lu sư năm tơ inh, wă kơ inh tơlang ăn kơ tơdrong lu sư păng bơtho tơblang ăn lu sư băt tơdrong juăt Kră Yang 'Bok Kei-Dei.

Le 18:19

Na dang ei, athei mơ̆ng bĕ, inh bơtho tơ'bôh kơ ih, hơpơi apinh Kră Yang oei hơdai ih. Ăn kơ ih jing bơngai tang măt ăn kơ kon pơlei 'bơ̆t anăp Kră Yang 'Bok Kei-Dei păng roi dôm tơdrong lu sư 'bơ̆t anăp Kră Yang 'Bok Kei-Dei.

Êsai 44:2

Kră Yang khan thoi âu: Inh Tơ'ngla pơjing lu iĕm, man lu iĕm oei đơ̆ng lăm klak mĕ, păng gô tơgŭm lu iĕm: Ơ Jakôp đam Inh păng Jêsurun mă Inh rơih iŏk bơih 'nĕ kơ hli.

Jo 23:21

Sư ưh kơ đei 'bôh ôh tơdrong yoch kơnê̆ lăm Jakôp, Păng ưh kơ đei tơdrong răm lăm Isơrael, Kră Yang 'Bok Kei-Dei lu sư, oei hơdai lu sư, Lăm adrĕch Isơrael đei nơ̆r pơtao jreo chơt hiôk lăm lu sư.

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Lu 17:6

Kơplah 'noh ưh kơ đei bu pơm pơtao lăm Isơrael. Rim 'nu kư̆ kơ pơm kiơ̆ kơdih wă khan trŏ.

Lu 8:22

Na bơngai Isơrael khan kơ Giđêôn: Apinh ih kon drŏ-nglo ih păng lu sâu ih pơgơ̆r lu nhôn, yua kơ ih dŏng pơklaih lu nhôn đơ̆ng bơngai Miđian.

Lu 9:2

Iĕm athei apinh lăng đĭ lu bơngai pơgơ̆r pơlei Sichem, na khan: Hơyơ tơdrong mă 'lơ̆ng hloh kơ iĕm: Tơpơh mơjĭt 'nu kon drŏ-nglo Jêrup Baal pơgơ̆r lu iĕm dah iŏk lăp minh 'nu đĕch pơm pơtao lu iĕm? Kŭm athei 'blŏk inh âu adrĕch akâu akar lu iĕm.