Both 33:14 - Sơ̆p Hlabơar Nơ̆r 'Bok Kei-Dei

¹⁴ Lu tơmam gĭt yua hloh đei đơ̆ng măt 'năr, plei 'long hơ'bo 'lơ̆ng hloh đơ̆ng măt khei;

Both 33:14 Iomraidhean Croise

II Sam 23:4

Gô thoi lĕ hơdah pơchrang til pơgê, kơplah măt năr lĕch. Thoi lĕ til pơgê hrôih ưh kơ đei hơmơ̆l, pơchrang hơdah đơ̆ng rŏng kơ 'mi. Pơm ăn kơ 'nhĕt 'long chăt arih đơ̆ng lăm teh.”

Horiso 104:19

Sư pơjing boih măt khei wă kơ tơdra bơyan. Măt 'năr băt dang yơ jơ sư mơ̆t.

Horiso 74:16

Kơ'năr jơ̆ Ih kơmăng kư̆m lei-lăi; Ih boih pơjing kơ măt khei măt 'năr.

Horiso 8:3

Dah inh lăng tơ plĕnh đơ̆ng lu hơnglâu ti Ih pơjing Măt khei păng lu sơnglŏng mă Ih đei pơjing boih.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Lêwi 26:4

thoi noh Inh gô tơjur ăn đak 'mi trŏ kơ bơyan sư lăm teh gô đei lơ 'long plei sa tơ mir gô đei 'nhot sa.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Mathiơ 5:45

thoi noh na iĕm gơh jing kon 'Bok Kei-Dei 'Bă bơ̆n tơ plĕnh ti, yua kơ Sư kư̆m 'mêm kơ lu bơngai noh, na Sư ăn măt 'năr pơchrang hơdah kơ đĭ-đăng bơngai, mă bơngai 'lơ̆ng mă bơngai kơnê̆. Sư ăn đak 'mi lei-lăi mơ̆n ưh kơ 'mêm kơ bu wă pơdê bu ôh.

Jang 14:17

Mă-lei 'Bok Kei-Dei ăn kơ iĕm dôm tơdrong Sư mơnat wă kơ iĕm băt kơ Sư oei arih. Sư ăn kơ iĕm đak 'mi đơ̆ng plĕnh, trŏ kơ bơyan đei 'ba lơ, đei tơmam sŏng sa mah rơkah rơkai. Păng Sư ăn kơ iĕm đei jơhngơ̆m chơt hiôk.”

Both 28:8

Kră Yang gô pơm ăn kơ iĕm pŭn hiôk, tơ lăm pơk 'ba păng tơ lăm lu tơdrong jang iĕm pơm; Sư gô ăn pŭn hiôk kơ iĕm lăm dêh char mă Kră Yang 'Bok Kei-Dei wă ăn.

Both 33:13

Môis sơkat kơ Jôsep thoi âu: Apinh Kră Yang ăn pŭn hiôk kơ dêh char ih. Đơ̆ng plĕnh Kră Yang tơjruh ăn kơ ih đak ngom. Păng ăn đak lĕch đơ̆ng lăm teh,

Both 33:15

Lu tơmam 'lơ̆ng hloh đơ̆ng kơpal kông so sơ̆, Lu tơmam gĭt đơ̆ng teh kông groi oei ling-lang.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

Tơdrông Tơ'bôh 22:2

Đak krong ei ro tŏk-bŏk pơlei hloi, cheng đak krong ei đei 'long pah âu pah to wă ăn kơ kon bơngai arih. 'Long ei minh sơnăm mơjĭt-'bar 'măng plei, rim khei minh 'măng. Hla sư kư̆m yua wă ăn kơ kon bơngai sa jing đei jơhngơ̆m pran.