Both 33:10 - Sơ̆p Hlabơar Nơ̆r 'Bok Kei-Dei

¹⁰ Sư bơtho nơ̆r tơtă Kră Yang ăn kơ adrĕch Jakôp. Păng khôi juăt Kră Yang ăn kơ bơngai Isơrael Sư soh pơyơ̆r 'long 'bâu phu 'bơ̆t anăp Kră Yang. Pơyơ̆r tơmam soi 'buh tơ kơpal chơnang soi.

Both 33:10 Iomraidhean Croise

II Ho 26:18

Lu sư găn pơma kơ pơtao Usia: “Ơ pơtao Usia, ih ưh kơ trŏ gơh soh ôh tơmam 'bâu phu ăn kơ Kră Yang, 'nâu tơdrong jang lu 'bok soi pơm, lu kon sâu Arôn, đei 'măn lê̆ lu sư phara rơgoh wă kơ lu sư soh tơmam 'bâu phu. Lĕch bĕ đơ̆ng lăm anih rơgoh 'nâu, ih pơm yoch boih, yua kơ ih pơm 'nâu ih ưh pă đei ư-ang đơ̆ng Kră Yang boih.”

II Ho 30:22

Hesekia pơma pơhiôk jơhngơ̆m lu bơngai Lêwi đei đon hlôh wao bơ̆jang kơ Kră Yang. Lu sư sŏng sa lăm tơpơh năr păng pơyơ̆r tơmam soi 'blŏk bơnê kơ Kră Yang 'Bok Kei-Dei lu 'bok lu sư.

Esơra 7:10

Esơra đei ling-lang lăng hŏk iŏk khôi juăt Kră Yang, wei răk pơm kiơ̆ păng bơtho ăn kơ kon pơlei Isơrael băt kơ dôm khôi juăt păng dôm tơdrong đei tơtă.

Ne 8:18

Rim năr, đơ̆ng năr blŭng-a truh tơ năr tuch-luch, sư đŏk lăm sơ̆p hla bơar khôi juăt Kră Yang 'Bok Kei-Dei. Lu sư pơm giĕng sŏng sa lăm tơpơh năr; truh năr mă tơhngam đei akŭm pơm giĕng tih, pơm kiơ̆ thoi đei tơtă boih.

Horiso 51:19

Dang ei Kră Yang lăp đon kơ tơmam soi 'lơ̆ng tơpăt. Tơmam soi 'buh păng tơmam soi pơyơ̆r 'buh pơkhôi đĭ akâu, Dang ei rơmo dăm gô pơyơ̆r tơ kơpal chơnang soi Ih.

Êsêkiên 43:27

Đơ̆ng rŏng năr kơ lu năr noh hlôi boih, đơ̆ng năr mă tơhngam tơ anăp, lu 'bok soi gô pơyơ̆r tơmam soi 'buh păng tơmam soi 'blŏk bơnê lu iĕm 'bơ̆t chơnang soi noh, thoi noh Inh gô iŏk dôm tơmam soi noh, Kră Yang khan.”

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Lêwi 1:13

Mă-lei sư gô iŏk đak ôp klak păng tơkong. Đơ̆ng noh lu 'bok soi gô pơyơ̆r đĭ tơmam soi 'buh dan tơ kơpal chơnang soi noh pơm tơmam soi 'buh wă khan tơmam soi 'buh lăm ŭnh wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:17

Sư gô hek 'bar pah pơnăr, mă-lei lê̆ sư oei tơklep ưh kơ tơpleh. Đơ̆ng noh 'bok soi 'buh dan tơ kơpal chơnang soi, ŭnh sa oei khơ̆ng, noh tơmam soi 'buh, wă khan tơmam soi 'buh lăm ŭnh, wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:9

Mă-lei sư gô iŏk đak ôp klak păng tơkong. Đơ̆ng noh lu 'bok soi gô 'buh dan đĭ tơmam soi tơ kơpal chơnang soi, noh boih tơmam soi 'buh, wă khan tơmam soi 'buh lăm ŭnh sa wă pơyơ̆r đei 'bâu phu 'lơ̆ng ăn kơ Kră Yang.

Lêwi 10:11

Păng lu iĕm athei bơtho kơ bơngai Isơrael dôm tơdrong juăt mă Kră Yang đei yua Môis bơtho ăn.

Lêwi 16:12

Sư iŏk bô̆i kep ngar ŭnh ngŭr 'brê kơpal chơnang soi 'bơ̆t anăp Kră Yang păng iŏk 'bar chup tah tơmam 'bâu phu hĕch, na chĕp ba tơ gah lăm kơ che pĕng.

Lêwi 16:13

Sư gô dan tơmam 'bâu phu kơpal ŭnh 'bơ̆t anăp Kră Yang wă kơ 'nhui đơ̆ng rơmă gom lê̆ tơnglơ̆p tơdrong mơnat ăn, tơ kơpal hom tơdrong pơgơ̆p. Na sư huay kơ lôch.

Hagai 2:11

“Kră Yang Tih Hloh khan: ‘Dang ei athei apinh lu 'bok soi gah khôi juăt khan thoi âu:

Hagai 2:12

Tơdah đe 'nŭng 'nhĕm rơgoh lăm mum ao păng kơnhŏng ao sư 'bơm tơ 'bĕng, dah tơmam kiơ mă pai sĭn, đak sik, dah đak rơmă, dah tơmam sa kiơ, na dôm tơmam noh hăm pă rơgoh ưh?’ ” Lu 'bok soi tơl thoi âu. “Ưh.”

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Jo 16:46

na Môis khan kơ Arôn: Iŏk bĕ gĕl soh pơgang 'bâu phu ih, tơ̆k ŭnh iŏk đơ̆ng chơnang soi, dan pơgang 'bâu phu kơpal, mă tĕnh tĕnh năm tơ lu khŭl tơpôl oei akŭm to păng pơyơ̆r huai tơdrong yoch lu sư; yua kơ tơdrong Kră Yang hil mĭl boih păng tơdrong gleh wă truh.

Jo 7:50

minh hlak pơnhan maih trăp mơjĭt seikơl, 'bĕnh kơ pơgang 'bâu phu;

Both 24:8

Lăm tơdrong jĭ chin kren, athei kơchăng pơm kiơ̆ mă tơpă dôm tơdrong mă 'bok soi bơtho adrĕch Lêwi pơkă boih lu iĕm athei kơchăng pơm kiơ̆ thoi inh đei bơtho pơkă boih hăm 'bok soi.

Both 27:14

Bơngai Lêwi pơma 'bơ̆r re hăm đĭ-đăng lu bơngai Isơrael thoi âu:

Both 33:11

Ơ Kră Yang! Apinh Ih ăn kơ lu sư đei jơhngơ̆m pran 'nao. Ăn pŭn kơ tơdrong jang đơ̆ng tơpang ti lu sư pơm. Apinh Ih teh tơgơ̆ lê̆ rơhiĕo lu bơngai ayăt, păng pơrăm lu bơngai areh kơ lu sư, wă kơ lu sư huay pă iung blah dơ̆ng!

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

I Sam 2:28

Inh đei rơih iŏk 'bok sư bơih 'bok ih đơ̆ng lăm adrĕch bơngai Isơrael ăn kơ sư pơm 'bok soi Inh, tŏk tơ chơnang soi Inh, soh pơgang 'bâu phu, hrŭk ao Êphôt 'bơ̆t anăp Inh; Inh kư̆m ăn bơih kơ adrĕch ih dôm tơmam soi 'buh đơ̆ng adrĕch lu bơngai Isơrael.