Both 33:1 - Sơ̆p Hlabơar Nơ̆r 'Bok Kei-Dei

¹ 'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.

Both 33:1 Iomraidhean Croise

Bl 27:4

Na hơmet ăn kơ inh sŏng sa 'nhĕm mă 'lơ̆ng kiơ̆ kơ hơlŏng inh lăp, na pôk ăn kơ inh sŏng sa đơ̆ng noh inh gô sơkat kơ e đei tơdrong pŭn hiôk adrol kơ inh wă lôch.

Bl 49:1

Jakôp krao lu kon drŏ-nglo sư akŭm păng sư khan thoi âu: Akŭm tơ âu bĕ, inh gô roi ăn kơ iĕm tơdrong gô truh kơ lu iĕm ning-mônh.

Bl 49:28

Lu bơngai noh jing kơ̆l kơ mơjĭt-'bar adrĕch Isơrael; păng noh boih nơ̆r 'bă lu sư pơma 'bơ̆t kơplah 'bă sư sơkat wă kơ đei pŭn hiôk, hơpơi sơkat ăn pŭn hiôk kơdih kơdih rim 'nu kơ lu kon sư.

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

I Pot 13:6

Pơtao khan kơ bơngai đơ̆ng Kră Yang 'Bok Kei-Dei yua: “Apinh ih krao khan bĕ apinh Kră Yang 'Bok Kei-Dei ih, apinh ih krao khan tơgŭm inh, wă kơ ti inh gơh klaih thoi so.” Bơngai mă Kră Yang 'Bok Kei-Dei yua ei krao khan apinh Kră Yang na ti pơtao klaih gơh kơchôt thoi so hloi.

I Ho 23:14

Lu drŏ-nglo Môis, bơngai Kră Yang 'Bok Kei-Dei, chih tơmơ̆t jô̆ lăm adrĕch adrung Lêwi.

II Ho 8:14

Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.

Horiso 90:1

Ơ Kră Yang, Ih jơ̆ anih lu nhôn oei.a Lăm đĭ jơhnơr.

Je 35:4

Inh chông ba lu sư năm tơ hnam Kră Yang mơ̆t lăm anih lu kon drŏ-nglo Hanan kon drŏ-nglo Idalia, bơngai Kră Yang 'Bok Kei-Dei. Anih noh jê̆ anih lu yŏng păng anih kơpal kơ Maaseia kon drŏ-nglo Salum, bơngai gak 'măng.

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

I Tim 6:11

Ơ Timôthê, ih bơngai kiơ̆ 'Bok Kei-Dei, ih athei weh ataih đơ̆ng tơdrong kơnê̆ 'noh, ih adrin pơm đon 'lơ̆ng tơpăt, lui mă kơjăp, 'mêm kơ 'Bok Kei-Dei păng pơm jơhngơ̆m dim 'mêm kơ bôl buăl mơ̆n. Đei tơdrong gleh truh tơ ih ră, mă-lei ih athei adrin pơm kiơ̆ 'Bok Kei-Dei khŏm khŏm.

II Tim 3:17

Thoi noh lu bơngai jang tơdrong 'Bok Kei-Dei, sơ̆p hla bơar 'Bok Kei-Dei tơgŭm sư lăm tôm tơdrong, lu sư ưh kơ đei kơ'bah.

Jôsuê 14:6

Kon sâu Juđa năm tơ Jôsuê tơ Gilgal păng Kalep kon drŏ-nglo Jêphunê, kon pơlei Kênisit khan: Ih băt tơdrong mă Kră Yang khan kơ Môis bơngai Kră Yang 'Bok Kei-Dei tơ char Kades Barnêa tơdrong ih hăm inh.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

Lu 13:6

Bơngai drŏ-kăn noh năm roi kơ klo sư: Đei minh 'nu bơngai đơ̆ng Kră Yang 'Bok Kei-Dei năm tơ'bơ̆p inh, muh măt sư nhen akâu linh jang 'lơ̆ng Kră Yang 'Bok Kei-Dei trŏ kơ hli krưp tơpă. Inh ưh kơ pơ̆n jet sư đơ̆ng yơ; sư kư̆m ưh kơ tơbăt kơ inh anăn sư,

I Sam 2:27

Đei minh 'nu bơngai đơ̆ng Kră Yang 'Bok Kei-Dei năm tơ Hêli păng khan kơ sư, Kră Yang khan boih thoi âu, hăm trŏ kơ Inh đei tơ'bôh bơih Inh kơdih kơ hnam 'bok ih kơplah lu sư oei lăm char Êyiptơ pơm đĭch Pharaôn?