Both 32:41 - Sơ̆p Hlabơar Nơ̆r 'Bok Kei-Dei

⁴¹ Kơplah inh pat đao rang mơnhal Ti Inh chĕp đao, Inh hơ-oei sek tơlang. Inh gô pơm 'mong kơ lu bơngai ayăt păng pơm tơwih kơ lu bơngai areh kơ Inh.

Both 32:41 Iomraidhean Croise

Horiso 149:9

Wă sek phak lu sư kiơ̆ thoi đei chih boih. 'Nâu tơdrong ư-ang kơ lu bơngai 'lơ̆ng rơgoh Sư. Halêluya.

Horiso 31:23

Ơ lu bơngai 'lơ̆ng rơgoh Kră Yang, 'mêm bĕ kơ Sư. Kră Yang wei-lăng lu bơngai tơnen tơnăp. Mă-lei pơm 'mong tơpă kơ lu đe bu mă oei sa pơang.

Horiso 7:12

Tơdah lu bơngai kơnê̆ ưh kơ tơbral, Kră Yang 'Bok Kei-Dei gô pat đao Sư, Hơ'năk lê̆ hră Sư răp tơ noh

Horiso 7:13

Sư hơmet lê̆ khêl đao wă pơlôch, Sư hơmet 'brơ̆m ŭnh.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Êsai 1:24

Thoi noh bơih na Kră Yang Tih Hloh, Tơ'ngla Mơsêh Mơyang lu bơngai Isơrael khan: “Âu! Inh gô tuh tơdrong hil tơ lu bơngai blah Inh păng pơm 'mong kơ lu bơngai ayăt kơ Inh!

Êsai 27:1

Lăm năr noh, Kră Yang gô yua đao gưm arăng, Tih păng pran kơtang wă phak: Lêwiathan jơ̆ 'bih hơbĕch hơbal, phak Lêwiathan jơ̆ 'bih đŏng đĕo păng Sư gô pơlôch kơ-nang-grai lăm đak dơsĭ.

Êsai 59:18

Kră Yang pơm tơwih kiơ̆ kơ tơdrong jang lu sư pơm. Kră Yang hil mĭl kơ lu bơngai blah Sư, pơm 'mong kơ lu bơngai ayăt kơ Sư. Sư gô pơm tơwih kơ lu bơngai oei tơ bŏl đak dơsĭ.

Êsai 66:16

Kră Yang gô iŏk ŭnh păng đao gưm wă phak lu bơngai pơm yoch. Đei lơ bơngai Kră Yang pơlôch.

Êsai 66:6

Đei re jơwa lăm pơlei tih; đei re jơwa đơ̆ng hnam akŭm noh re jơwa nơ̆r Kră Yang pơm tơwih kơ lu bơngai ayăt kơ Sư.

Je 44:26

Mă-lei, ơ đĭ-đăng bơngai Juđa hrei âu oei oei lăm dêh char Êyiptơ, mơ̆ng bĕ nơ̆r Kră Yang, khan: ‘'Nâu Inh yua anăn mơsêh tih Inh na pơkă, lăm dêh char Êyiptơ gô ưh pă đei minh 'nu bơngai Juđa ayơ mă gơh ha 'bơ̆r krao apinh anăn Inh dơ̆ng: Sĭt tơpă thoi Kră Yang arih!’

Je 50:18

Thoi noh na Kră Yang Tih Hloh 'Bok Kei-Dei Isơrael khan: “'Nâu Inh gô phak pơtao Babilôn păng dêh char sư, Kŭm thoi inh phak boih pơtao Asiri.

Je 50:28

Mơ̆ng bĕ, nơ̆r krao ôr đơ̆ng lu bơngai kơdâu klaih hlôi đơ̆ng dêh char Babilôn, Roi tơbăt lăm pơlei Siôn. Tơdrong Kră Yang, 'Bok Kei-Dei lu bơ̆n, Sư pơm 'mong hnam Sư.

Je 50:29

Krao bĕ lu bơngai chĕp hră, Blah prah pơlei Babilôn; Wang tăp dăr kơ pơlei; 'nĕ ăn kơ minh 'nu klaih! Pơm bĕ kơ sư thoi sư đei pơm kơ đe, pơm 'mong tơwih kơ sư thoi sư đei pơm boih; Yua kơ sư pơang blah plơ̆ Kră Yang, Tơ'ngla 'Lơ̆ng Rơgoh Isơrael.

Êsêkiên 21:20

Athei chrek ăn trong kơ đao năm blah pơlei Rapba, bơngai Ammôn, păng minh trong năm blah dêh char Juđa truh tơ pơlei Jêrusalem pơlei kơjăp.

Êsêkiên 25:14

Inh gô yua ti kon pơlei Isơrael Inh; pơm 'mong blah char Eđôm kon pơlei noh gô pơm kơ char Êđôm kiơ̆ kơ tơdrong Inh hil mĭl păng Inh blĕk. Na lu sư gô băt kơ tơdrong Inh pơm 'mong, Kră Yang khan thoi noh.

Êsêkiên 32:10

Inh gô ăn kơ kon pơlei lăng ih, chrêu kơ đon păng pơtao lu sư gô hli tơtơ̆ yua kơ ih; kơplah Inh yơ̆r đao 'bơ̆t anăp lu sư. Lăm năr mă ih pơchah răm lu sư hli tơtey, rim jơ rim 'nu tơtăm kơ tơdrong arih lu sư kơdih.”

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Jêphania 2:12

“Ơ kon pơlei Êthiôpi, đe gô 'bet lu iĕm hăm đao Inh.”

Jo 10:35

Rim wơ̆t Hom Pơgơ̆p năm, na Môis khan thoi âu: Ơ Kră Yang, apinh ih iung yak bĕ, wă kơ lu bơngai ayăt kơ Ih kơdâu tơklah tơklang đĭ; lu đe bu areh kơ Ih gô kơdâu ôn đĭ đơ̆ng anăp Ih!

Markôs 1:2

Êsai, bơngai pơtruh nơ̆r 'Bok Kei-Dei sơ̆, sư khan lê̆ hơdrol, na chih lăm sơ̆p hla bơar sư thoi âu: 'Bok Kei-Dei khan: “Âu Inh wơh minh 'nu bơngai pơtruh nơ̆r Inh hơdrol, wă kơ sư hơmet trong kơ Ih.”

Rom 1:30

pơjăm pơjuă dih băl. 'Bok Kei-Dei Sư Kră Yang, bơ̆n kư̆m areh kơ Sư mơ̆n. Bơ̆n bơngai hơwĕng dêh, bơ̆n pơ'brơh kơ đe, bơ̆n pơang akâu kơ đe, jơhngơ̆m bơ̆n 'bĕnh kơ tơdrong kơnê̆ ling-lang. Mĕ 'bă kơdih kư̆m ưh kơ băt kơ chu yom.

Rom 8:7

Bơngai mă gơnang kơ akâu sư kơdih, sư ayăt kơ 'Bok Kei-Dei, sư ưh kơ 'maih kiơ̆ tơdrong juăt 'Bok Kei-Dei pơkă; mă tơ̆ng sư 'maih, sư kư̆m ưh kơ kĕ kiơ̆ ôh.

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Both 5:9

Lu iĕm 'nĕ kơ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư noh, yua kơ Inh jơ̆ Kră Yang 'Bok Kei-Dei lu iĕm, wă khan jơ̆ Kră Yang 'Bok Kei-Dei băt gar. Bơngai bu areh kơ Inh, Inh gô phak bơngai noh truh tơ kon sâu se sư pêng puăn jơhnơr.

Both 7:10

Păng pơm 'mong kơ lu bơngai bu mă areh kơ Sư, na pơlôch pơđĭ lê̆ lu sư. Sư ưh kơ pơhiơ̆ ôh pơm kơ bơngai bu mă areh kơ Sư, Sư gô pơm plơ̆ hloi hăm lu bơngai sơngah kơ Sư.

II Tim 3:4

Năr ei kơnh đei lơ bơngai plơ̆ plĕch kơ đe. Sư bơngai kư̆ kă. Sư 'maih pơhuơ̆ akâu wă chă ngôi đĕch, sư ưh kơ băt 'mêm kơ 'Bok Kei-Dei.