Both 32:35 - Sơ̆p Hlabơar Nơ̆r 'Bok Kei-Dei

³⁵ Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Both 32:35 Iomraidhean Croise

Bl 4:23

Lêmek đei khan hăm bre akăn sư thoi âu: “Ơ Adah păng Yilah, mơ̆ng nơ̆r inh bĕ. Ơ! Akăn Lêmek, athei mơ̆ng nơ̆r inh. Ơ! Inh gô pơlôch bơngai bu mă sư teh inh rơka, mă khan 'lŏ dah 'lơ̆p.

II Sam 22:48

Kră Yang 'Bok Kei-Dei, Ih boih Tơ'ngla blah 'mong tang inh, Ih pơm ăn kơ kon pơlei chu yom kơ inh.

II Pot 9:7

Ih gô blah pơlôch adrĕch Ahap yŏng tơ'ngla ih păng Inh gô pơm 'mong pơrăm yă Jêsebel đêl pham bơngai mă sư pơlôch, lu bơngai khan lê̆ adrol, đĭch đam ĭnh, hăm pham đĭ-đăng đĭch đam Kră Yang.

Horiso 94:1

Ơ Kră Yang, Ih boih Kră Yang 'Bok Kei-Dei, iung kơting. Ih boih Kră Yang 'Bok Kei-Dei iung kơting. Pơchrang bĕ tơdrong Ih hil mĭl.

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Tơdrông Pơđơk 4:19

Gah trong lu bơngai pơm kơnê̆ thoi măng mu; Lu sư ưh kơ băt kiơ pơm kơ lu sư pơ̆k.

Êsai 13:22

Kŏ-so gô kuăl lăm pơlei kơjăp, kŏ bri gô kơlu lăm anih pơtao 'lơ̆ng rŏ. Khei sơnăm sư truh jê̆ bơih, măng năr sư ưh pă đunh dơ̆ng bơih.

Êsai 5:19

Lu sư khan: “Apinh Ih jah pơm pơkeh tơdrong jang Ih, wă kơ lu nhôn 'bôh! Apinh tơdrong tơdă đơ̆ng Yang 'Lơ̆ng Rơgoh Isơrael jah truh, jing keh. Wă kơ lu nhôn băt.”

Êsai 60:22

Bơngai tŏ sĕt hloh gô jing rơbâu hơngan. Bu iĕ hloh gô jing minh khŭl kon pơlei pran kơtang Inh bơih Kră Yang gô pơm pơkeh tơdrong 'noh trŏ kơ khei 'năr.”

Êsai 8:15

Đei lơ lăm lu sư gô kơtơih pơ̆k. Lu sư gô pơ̆k huŏng păng, pơchah pơchek, gô hrơ̆p hơnhuăl păng đe gô rôp.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Je 20:11

Mă-lei Kră Yang oei hơdai inh, thoi minh 'nu bơngai linh nuih kơtang; Na lu bơngai pơm kơnê̆ kơ inh gô pơ̆k huŏng, ưh kĕ kơ jei lu sư, yua kơ lu sư oei arih sa ưh kơ 'lơ̆ng, gô pŭ iŏk tơdrong mơlâu tih, mơlâu ling-lang hlŏng hloi ưh kơ đei layơ hiơt.

Je 23:12

“Thoi noh trong lu sư yak jing rơbơ̆r, Inh gô pơpuh lu sư tơ lăm măng mu, păng gô pơ̆k 'bĭch hloi tơ noh. Truh boih sơnăm Inh wă sek phak lu sư, Inh pơrăm lu sư.” Noh Kră Yang khan.

Je 51:56

Lu bơngai pơlôch pơrăm năm blah boih pơlei Babilôn; đe rôp boih lu linh pran kơtang sư, hră lu sư gơ̆ lê̆ rơkhai; Yua kơ Kră Yang 'Bok Kei-Dei pơm tơwih trŏ thoi tơdrong lu sư pơm boih, Kră Yang gô pơm tơwih tơpă.

Je 6:21

Yua kơ thoi noh Kră Yang khan: “'Nâu Inh gô găn anăp lu sư wă kơ lu sư pơ̆k. 'Bă păng kon drŏ-nglo lu sư gô răm; buăl juăt rông 'bôt lu sư gô lôch hiong đĭ.”

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Êsêkiên 7:5

'Nâu tơdrong Kră Yang Tih Hloh khan: Tơdrong truh 'nâu, đei dơ̆ng tơdrong truh nai âu sư truh boih.

Hôsia 13:12

Tơdrong kơnê̆ lu bơngai Êphraim Inh oei 'blŏk, tơdrong yoch lu sư Inh kư̆m chih 'măn lê̆.

Lêwi 19:18

'Nĕ kơ pơm 'mong răk rong mong găr hăm rông 'bôt kơtum kơtŏng 'nhŏng oh ih, athei 'mêm kơ lu sư thoi ih 'mêm akâu ih kơdih, Inh boih Kră Yang.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Rom 13:4

Lu bơngai pơgơ̆r noh lu sư dang jang tơdrong 'Bok Kei-Dei, wă kơ kon bơngai arih hiôk-hian. 'Noh na tơ̆ng bơ̆n pơm kơnê̆, bơ̆n hli kơ lu sư. Lu bơngai pơgơ̆r chĕp tak đao, lu sư trŏ tơdrong gơh chĕp. Yua kơ lu sư jang tơdrong 'Bok Kei-Dei, lu sư gơh rôp phak lu bơngai pơm kơnê̆ mă 'Bok Kei-Dei ưh kơ lăp đon.

Both 32:43

Ơ lu adrĕch adrung kon bơngai! Hiôk chơt bĕ hăm kon pơlei Kră Yang. Yua kơ Sư gô iung kơting, pơm 'mong pham kơ đĭch đam Sư, Sư pơm 'mong blah lu bơngai ayăt kơ Sư, mơnat ăn kơ dêh char Sư păng lu kon pơlei pơla Sư.

Hêbrơ 10:30

Yua kơ 'Bok Kei-Dei khan sơ̆ boih thoi âu: “Lê̆ kơ Inh pơm tơwih kơ lu bơngai pơm kơnê̆.” Sư khan dơ̆ng thoi âu: “Inh gô sek tơlang lu kon pơlei pơla Inh.” Sư khan thoi noh, bơ̆n băt kơ Sư wă pơm tơpă.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

I Sam 26:10

Sư khan dơ̆ng: Đei Kră Yang mă arih ling-lang, inh pơkă hăm ih, tơpă Kră Yang gô ăn kơ sư lôch, dah trŏ kơ măng năr sư gô lôch, dah sư lôch kơ tơblah,