Both 32:25 - Sơ̆p Hlabơar Nơ̆r 'Bok Kei-Dei

²⁵ Tơ rok trong tih, đei đao gưm pơlôch lu sư, tơ lăm hnam đei tơdrong hli tơrơ ling-lang Tơdăm, adruh, bơngai kră păng lu kon nge gô lôch răm đĭ.

Both 32:25 Iomraidhean Croise

II Pot 7:5

Thoi noh, kơplah drơ̆m kơsơ̆ lu sư năm tơ anih linh Aram; kơplah lu sư truh 'bơ̆t anih noh ưh kơ đei 'bôh bu 'bơ̆t ei.

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

Êsai 30:16

Lu iĕm khan: ‘Ưh, lu nhôn gô hao aseh chă kơdâu klĕnh’ trŏ bơih na lu iĕm gô kơdâu klĕnh. ‘Lu iĕm khan lu nhôn hao aseh kơdâu hrĕnh,’ na lu bơngai druh iĕm kư̆m gô kơdâu hrĕnh mơ̆n!

Je 44:7

Dang ei, 'nâu nơ̆r Kră Yang Tih Hloh, 'Bok Kei-Dei Isơrael, khan: “Liơ lu iĕm pơm wă pơrăm chăl arih akâu kơdih, wă tơhiong đĭ-đăng lu drŏ-nglo, drŏ-kăn, hơ'lơ̆p, nge oei mŏm, đơ̆ng lăm dêh Juđa, dĭng mah kon pơlei goh 'biao pă đei bu oei arih?

Je 44:8

Liơ lu iĕm tơblĕk inh hăm ti lu iĕm pơm, soh nhang 'bâu phu ăn kơ lu yang nai lăm dêh char Êyiptơ, dêh char mă lu iĕm 'nao năm oei, pŭ iŏk tơdrong pơrăm kơdih akâu, pơm kơ đe che bơle, blei hiap tơ lăm jơ̆p-jang adrĕch adrung lăm teh đak?

Je 9:21

Tơdrong lôch tŏk tơ 'măng-'mŏk bơ̆n boih, Mơ̆t truh boih tơ lu anih kơjăp bơ̆n; Pơlôch boih lu hơ'lơ̆p tơ rok trong tih, pơlôch boih kon tơdăm bơ̆n tơ lăm cham pơlei.”

Nhom 1:20

Ơ Kră Yang, lăng bĕ, yua kơ inh tơ'bơ̆p tơdrong gleh truh, Jơhngơ̆m inh chhŭr nuih, plei nuih inh pơpơ̆, Yua kơ inh pơm kơnê̆ dêh. Tơ 'nguaih đei đao gưm pơrăm đe, Tơ lăm hnam đei tơdrong lôch.

Nhom 4:4

Kon 'nao cheh rơhing dêh, hơpiĕt lu sư klep kơ păk-'ngơk. Lu hơ'lơ̆p apinh 'bĕng ưh kơ đei phĕ ăn.

Êsêkiên 7:15

Tơ 'nguaih đei đao hơlă, tơ lăm đei lôch hơbuh păng pơngot rơwĕt. Lu bơngai oei tơ 'nguaih chŭn gô lôch kơ đao hơlă, lu bơngai oei tơ lăm pơlei, gô lôch kơ pơngot rơwĕt păng lôch kơ jĭ hơbuh đĭ.

Hôsia 11:6

Đe gô pơrăm tơ rim pơlei lu sư hăm đao gưm, pơrăm lê̆ 'long chơkăl 'măng jang lu sư, pơlôch lu sư yua kơ tơdrong lu sư chă đon kơnê̆.

Hôsia 9:12

Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

Hôsia 9:16

Inh ăn kơ rơh Êphraim, kro boih, lu sư ưh pă đei plei dơ̆ng boih, mă khan lu sư pơjing kon hơ'lơ̆p, Inh gô pơlôch lê̆ đĭ kon lu sư mă 'mêm kơeng đơ̆ng blu pôih.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Mi 6:14

Lu iĕm gô sa, mă-lei ưh kơ phĭ ôh; klak lu iĕm kư̆m oei pơngot. Dôm tơmam mă lu iĕm 'măn mong răk đunh kư̆m ưh kơ gơh dŏng ôh. Tơmam kiơ mă lu iĕm đei 'măn mong Inh gô pơjao kơ đao gưm.

II Kor 7:5

Âu roi gah tơdrong nhôn truh tơ dêh Masêđôn, nhôn truh tơ noh kư̆m ưh kơ đei hiôk kơ jơhngơ̆m tŏ sĕt, oei tơ noh lĕ pơmat hloh loi; jơhngơ̆m đon nhôn oei sa 'nhŏ kơ sơđơ̆ng 'biơ̆. Đon nhôn kư̆m tơchĕng hli kơ iĕm lui ưh kơ kơjăp.