Both 32:21 - Sơ̆p Hlabơar Nơ̆r 'Bok Kei-Dei

²¹ Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

Both 32:21 Iomraidhean Croise

I Pot 14:22

Khŭl bơngai Juđa pơm yoch kơnê̆ 'bơ̆t anăp Kră Yang. Lu sư pơm yoch tơblĕk Kră Yang hloh kơ lu 'bok yă lu sư pơm sơ̆.

I Pot 14:9

Ih pơm kơnê̆ dêh hloh kơ đĭ-đăng lu bơngai adrol kơ ih, pơm kơdih yang plơ̆ng man lu rup yang, wă kơ Inh hil păng hŭt lê̆ Inh tơ rŏng.

I Pot 16:13

yua kơ tơdrong yoch Baasa păng Êlah kon drŏ-nglo sư đei pơm, păng tơdrong sư pơm ăn kơ lu bơngai Isơrael dai wang pơm yoch rok sư, tơblĕk Kră Yang 'Bok Kei-Dei Isơrael hăm tơdrong lu sư pơm kơkuh kơ rup yang.

I Pot 16:26

Sư kiơ̆ trong Jêrôbôam, kon drŏ-nglo Nêbat đei pơm, tơdrong sư pơm 'noh pơm ăn kơ lu bơngai Isơrael pơm yoch kiơ̆, tơblĕk Kră Yang 'Bok Kei-Dei đe Isơrael hăm tơdrong kơkuh kơ rup yang.

II Pot 17:11

Tơ noh lu sư soh pơyơ̆r tơmam soi kơpal kông, thoi lu adrĕch adrung mă Kră Yang đei puh tơweh boih đơ̆ng lu sư; lu sư pơm kơnê̆ păng tơblĕk Kră Yang.

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

II Pot 22:17

Yua kơ lu bơngai Juđa achăng lê̆ Inh bơih, soh 'long 'bâu phu ăn kơ yang nai, tơblĕk, pơm kơ Inh areh yua kơ đơ̆ng tơdrong jang đêl tơpang ti lu sư pơm, noh bơih tơdrong Inh hil mĭl gô tuh 'bơ̆t anih 'nâu, inh ưh kơ layơ păt hơngăm.

Horiso 31:6

Inha areh kơ lu bơngai kơkuh kơ rup man, hiong răm, Mă-lei inh gơnang kơ Kră Yang.

Horiso 78:58

Đơ̆ng anih kơjung lu sư pơm kơ Kră Yang blĕk; Pơm ăn kơ Sư hil ơha yua kơ rup yang,

Êsai 65:3

Minh adrĕch kon pơlei ling-lang tơblĕk Inh 'Bơ̆t anăp Inh soi sơmah kơ rup yang lăm pơgar, soh 'long 'bâu phu ăn kơ yang tơ kơpal chơnang găch.

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.

Je 2:11

Hăm đei teh đak ayơ tơplih boih yang lu sư, mă khan yang noh ưh kơ trŏ kơ yang tơpă? Mă-lei kon pơlei Inh tơplih boih tơdrong ư-ang Inh hăm tơdrong ưh kơ yua kiơ!

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Je 7:18

Lu hơ'lơ̆p dônh 'long ŭnh, 'bă tơkuh ŭnh, lu drŏ-kăn jrâu tơpŭng pơm 'bĕng pơyơ̆r kơ pơtao Drŏ-kăn tơ Plĕnh ti; păng lu sư kư̆m tuh pơyơ̆r tơmam huch kơ lu yang nai, pơm wă Inh klai.

Je 8:19

Ei, mơ̆ng bĕ, lu kon pơlei Inh nhơ̆m hmoi đơ̆ng char ataih, “Kră Yang ưh pă oei lăm Siôn boih hă? Pơtao ưh pă oei lăm noh boih hă?” “Liơ lu sư pơ̆n tơblĕk Inh yua rup yang man, hăm rup yang traih ưh kơ yua đơ̆ng dêh tơmoi?”

Êsêkiên 8:3

Sư yơ̆r kiơ noh thoi tơpang ti, rôp sŏk tơ kơpal kơ̆l inh. Yang Bơhngol pôk hơtŏk inh tŏk-bŏk teh hăm plĕnh, păng lăm tơdrong Kră Yang 'Bok Kei-Dei tơ'bôh sư ba inh mơ̆t tơ pơlei Jêrusalem tơ trong 'măng jang gah yă-nơ̆m kơ cham gah lăm, anih mă đe dan rup yang areh wă khan rup yang mă pơm kơ 'Bok Kei-Dei areh.

Hôsia 1:10

Mă-lei ră kon sâu Isơrael gô jing lơ thoi chuơh cheng đak dơsĭ, ưh kơ kĕ kơ jô̆, pă kĕ tơng. Kơplah noh kơnh, ki Inh krao lu iĕm âu ưh pă trŏ kon pơlei Inh boih, na dang ei Inh gô krao lu iĕm jing kon Kră Yang 'Bok Kei-Dei mă arih ling-lang.

Jôna 2:8

Lu bơngai chă kơkuh kơ rup yang ưh kơ yua kiơ. Na achăng lê̆ tơdrong Kră Yang 'mêm kơ sư.

Jang 11:15

Lăp inh oei bơtho đĕch, Yang Bơhngol 'Lơ̆ng jur oei păng lu sư kư̆m thoi sư jur oei păng bơ̆n blŭng-a sơ̆ mơ̆n.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Rom 10:19

Na inh wă jet iĕm thoi âu dơ̆ng: Lu bơngai Isơrael hăm hlôh đe bơtho tơdrong Yêsu? Lu sư hlôh mơ̆n kuă kơ lui đĕch. 'Noh kư̆m thoi Môis chih roi lăm hla bơar 'Bok Kei-Dei pơma kơ lu bơngai Isơrael sơ̆ thoi âu: “Tơ̆ng lei, Inh wă tơgŭm lu dêh nai mă Inh ưh kơ gan 'mêm kơ lu sư sơ̆, wă kơ lu sư hlôh dang ei, na lu iĕm gô 'nhĕng lu sư, hil areh kơ lu sư.”

Rom 9:25

Tơdrong noh sơ̆ 'bok Hôssê kư̆m chih roi nơ̆r 'Bok Kei-Dei thoi âu: “Lu bơngai tơmoi nai mă ưh kơ trŏ kơ khŭl kon Inh, Inh kư̆m krao lu sư kon Inh mơ̆n. Lu bơngai mă Inh ưh kơ gan 'mêm sơ̆, Inh gô 'mêm kơ sư tơpă.

I Kor 10:22

Dah bơ̆n oei kiơ̆ đe sa et tơmam đe sơmah kơ yang kơnê̆, 'noh dang bơ̆n pơlong Kră Yang hăm 'mêm kơ bơ̆n păng tơgar iŏk bơ̆n đơ̆ng yang kơnê̆ dah ưh. Iĕm tơchĕng bơ̆n pran tih dang yơ na mă pơlong 'Bok Kei-Dei thoi noh?

Both 32:16

Lu sư kơkuh kơ rup yang nai wă tơblĕk Kră Yang tơ'ngla 'mêm gar. Pơm wă kơ Kră Yang ơh hil kơ lu sư pơm rup yang, Sư areh lăng krưp.

Both 32:17

Lu sư pơyơ̆r tơmam soi kơ lu yang kơnê̆, ưh kơ trŏ kơ Kră Yang 'Bok Kei-Dei ôh. Kơkuh kơ yang mă lu sư ưh kơ tam lah băt, Yang đơ̆ng ataih 'nao truh. Mă 'bok lu sư ưh kơ hli yom.

I Sam 12:21

'Nĕ kơ achăng Kră Yang chă kơkuh kơ rup yang hiong răm đĕch, ưh kơ đei yua kiơ, ưh kơ băt pơklaih; yua kơ rup yang jơ̆ hiong răm đĕch.